Забава
Медицински совети за летување со вашите деца
Кога одите на пат со мало дете се препорачува почесто правење на паузи и прилагодувње на брзината на патот. Доколку во текот на патувањето дојде до повракање се препорачува и подолга пауза од 1 час за да може да се смири желудникот и нагонот за повракање како и невнесување на храна и течности во тој 1 часа пауза после повракањето. Најдобро е детето да биде сместено во седиште за кола кое ке биде анатомско и со заштитни појаси. Кога патувате со деца треба со вас да имате доволно течности, сокови и лесно сварлива храна. Оброците да бидат еден час пред тргнување на пат.
Не се препорачува летување со бебе под 2 месеци. Избегнувајте ги подалечните дестинации доколку се работи за помало дете и патување во попладневните часови. Најавете го вашето патување на вашиот педијатар, бидете во контакт со него за време на одморот.
Постојат неколку правила кои треба да ги почитувате за да имате пријатен одмор а малите да бидат безбедни:
Користете крема за сончање и одбегнувајте дирекно изложување на сонце
Бебешката кожа е нежна и тенка, неопходно е пола час пред излегување на сонце да се користи минимум фактор 50 и после секое излегување од вода.На тој начин ке спречите изгореници и рак кожа во подоцни годнини. Не го изложувајте на дирекно сонце во периодот од 11 до 17 чaсот , кога е УВ-индексот највисок. Сонце воопшто не се препорачува кај деца пред 6 месеци.
УВА и УВБ зрачењето и инфрацрвеното зрачење (ИР-А) го сочинуваат 50% од сончевиот спектар.Инфрацрвеното зрачење е 4 пати поштетно од УВА и УВБ зраците заедно, а тоа доведува до бројни акутни и долготрајни оштетувања на кожата.Затоа, секогаш кога одите на плажа со дете мора да имате чадор со сенка, дури и во препорачаното време за изложување на сонце доколку е подолго време на сонце може да дојде до изгореници и топлотни удари кои настануваат многи побрзо отколку кај возрасни. Облеката треба да биде памучна и лесна и редовно да се носат заштитни очила и капи.
Бидете сигурни дека е добро хидрирано
Губењето на течности (пролив и повраќање) и евапорација(прекумерно потење) е најголемата опасност во летните периоди за децата. Давајте вода, овошни сокови, овошје и нектарини што содржат повеке вода( лубеница, праска, кајсија, диња….). Доколку приметите вашето дете да е малаксано можете да давате и дополнително електорлити преку уста кои ке придонесат за негова хидрација. Електролитните раствори можат да бидат како готови електролитни раствори или во вид на прашок и се раствараат во вода или чај.Се даваат по 5 мл на 5 минути, доколку детето не ги
поврака може и по 10-15 мл на 5 мин.Во случај на упорни повракања и течни столици јавете се во најблиската здравствена установа за преглед на вашето дете.
Репеленти и препарати за ублажување на убоди од инсекти
Репелентите се препарати кои ги одбиваат инсектите, односно ги спречуваат да се приближат до кожата, а со тоа се спречуваат убодите. Можат да бидат во форма на креми,лосиони, спрејови, ролони, алки за на рака, апарати….
Препаратите после убоди од инсекти се користат за да ја намалат локалната хистаминска реакција со тоа ја ублажуваат болката и чешањето.
Антипиретици-лекови за намалување на покачена температура, кои воедно се и аналгетици-намалуваат болка
Покачена температура обично настанува при вирусни и бактериски инфекции, но и при сончаница настаната при изложување на сонце. Температура до 38 не се намалува со антипиретици, само со разладување со 70% алкохол во сооднос 50:50 со вода (пола алкохол пола вода). За температура повисока од 38,5 се дава антипиретик.
При покачена температура се даваа: парацетамол или ибупруфен, во форма на сируп кај помали деца односно во форма на таблети или дражеи кај поголеми деца. Доколку детето одбива да пие лек преку уста или повраќа потребно е да носите со вас и чепче(супозиторија) парацетамол која НЕ треба да се става доколку детето има течна столица (дијареа). Не треба да се заборави дека кај секое дете со покачена телесна температура треба да се зголеми внесот на течности и вода.
Пробитици во превенција на течни столици
Клиничките испитувања покажаа дека пробитиците играат важна улога во третманот на акутна дијареа(пролив) и ја спречуваат нејзината појава после третман со антибитици и при патување. Пробитиците содржат корисни бактерии кои го потпомагаат варењето на храната,ја одржуваат цревната перисталтика и помагаат во формирање на нормална столица. Влијаат на целокупниот општ имунитет. Се препорачува да се користат превентиво 3-4 дена пред тргнување на пат и за време на одморот.
Лекови за алергиска реакција
Причините за алергиските реакции во летниот период се многубројни: храна, полен, трева, алергиска реакција од инсекти, контакти алергии (хемикалии од базент, прашок со кој е перена постелнината во хотелот…) Овде ке ја спомнеме и алергиската реакција од сонце (иако тоа не е класична алергиска реакција). Антихистаминиците се лекови кои се даваат против алергија некоолку дена и два дена после завршување на кожната алергиската реакција.
Доколку со алергиските манифестации се појават: отежнато дишење, оток на очните капаци и усна, оток на јазик, промена на гласот НЕОПХОТНО Е ДА СЕ ПОБАРА ЛЕКАРСКА ПОМОШ.
Што дополнително може да содржи вашата аптека на одмор со дете?
Креми и спрејови за изгореници, дезинфекциони средства, антибиотски масти или креми за кожни инфекции, стерилни гази и ханзапласт за евентуална прва помош при повреда. Ацикловир маст треба да носите ако детето( важи и за возрасни) има сколоност кон појава на херпеси на усните. Витаминска терапија. Инхалатор доколку има склоност кон долнореспираторни инфекции.
За да бидете сигурни и безбедни со вашето дете секогаш имајте информација која е најблиска здравствена установа и каде можете да го прегледате вашето дете и да добиете прва помош за него и за вас!
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Палатата го објави враќањето на принцезата Кејт: Ова сега е нејзина примарна одговорност
Кејт Мидлтон продолжи со својата добротворна работа и покрај дијагнозата рак, но кралскиот помошник сè уште инсистира на тоа дека „и треба простор и приватност за да закрепне“.
Принцезата од Велс засега нема да се појавува на кралските настани бидејќи се вели дека сè уште закрепнува од болеста.
Враќањето на работа беше исклучено, бидејќи нејзината фондација од раните години објави извештај за бизниси кои поддржуваат семејства со мали деца.
„Не се очекува принцезата да се врати на работа додека нејзиниот медицински тим не ја ослободи“, рече портпаролот на Кенсингтонската палата.
„Работата на проектот во рамките на фондацијата ќе продолжи да биде централна за нејзината јавна работа“, рече тој.
Принцезата беше информирана за извештајот издаден од Центарот за рано детство на Кралската фондација, но не беше присутна на промоцијата во градот Лондон.
„Принцезата од Велс беше движечка сила зад работната група за бизнис. Таа е во тек од нејзиното основање. Ќе ги продолжи своите активности кога ќе се врати на работа. Сепак, сега ѝ треба простор и мир за да закрепне. Принцезата се враќа на нејзините активности само кога ќе добие зелено светло од докторот“, се наведува во соопштението.
Исто така, Кенсингтонската палата нагласи дека принцезата и покрај тоа што е „активна“ на хартија, не се вратила на работа бидејќи продолжува да прима превентивна хемотерапија за рак.
Забава
(Видео) Со спектакуларен концерт на Џибони, Fashion Group прослави 20 години!
Со спектакуларен настап на една од најголемите музички ѕвезди Џибони и исклучителните Влатко Стефановски трио, Fashion Group го прослави 20 годишниот јубилеј.
Во неверојатниот амбиент на винаријата Камник, најпознатата македонска retail компанија прославуваше за изминатите години успех, посветеност, тимска работа и неверојатните клиенти без кои немаше да биде она што е денеска.
Настанот дополнително го збогатија перформансите на уметникот Бојан Ковски и девојките од Тринити Стрингс кои во совршена синергија изведоа заеднички настап вреден за паметење.
„Веројатно и не постои поголема гордост во било која работа од онаа кога до вашето име ќе се надоврзе зборот јубилеј, а кога бројката на истиот е заокружена на 20, тогаш знаете дека изминатите години правевте нешто навистина добро. Оваа година, Fashion Group прославува 20 години од почетоците на омилената стилска приказна на многумина, приказна која немаше да биде онаква каква што е денес, доколку не постоеја лојалните клиенти со кои беше и повеќе од чест да се гради истата“, велат од Fashion Group.
Во изминатите 20 години компанијата отвори повеќе од 30 продавници со над 30 брендови, а во 2017-тата дел од искуството го насочија кон отворање на првата онлајн продавница www.fashiongroup.com.mk.
Денеска, Fashion Group брои повеќе од 70.000 лојалти купувачи, за кои ќе кажат дека се повеќе од горди што успеале дополнително да го „украсат“ секој важен момент во нивниот живот.
„Да, и можеби целото наше патување би се опишало како една неверојaтна авантура која започна со отворањето на Битсиани, бренд кој денес е синоним за елеганција и за тоа како треба да изгледа стилскиот маж. Приказната ја продолживме со најслаткиот бренд Окаиди, за денеска Fashion Group да е еден совршен круг што се провлекува низ животите на многумина благодарение на исклучителниот квалитет и изборот што секогаш е резултат на нашите неповторливи тимови“, велат од компанијата.
На самиот настан беше прикажана и рекламата што Fashion Group ја сними по повод јубилејот, која наиде на воодушевување кај присутните поради исклучителната естетика и уметнички моменти преку кои се прикажани новите колекции и новиот бизнис центар на групацијата.
Тие им се заблагодарија на нивните клиенти и целиот тим на групацијата за нивната несебична поддршка сите изминати години и ветија уште многу успешни моменти заедно!
Во продолжение, погледнете дел од атмосферата од забавата на 20 годишниот јубилеј на компанијата, како и видеото кое е уметничко заокружување на двете децении исклучителна работа.
ПР
Забава
Меган Маркл и принцот Хари предупредени за две сценарија доколку војвотката продолжи да го засенува војводата
Војводата и војвотката од Сасекс се најдоа на насловните страници за време на нивната посета на Нигерија, а тоа предизвика шпекулации бидејќи некои набљудувачи забележаа дека Хари изгледа загрижен додека Меган навидум е во центарот на вниманието. Ова беше првото официјално меѓународно излегување на двојката по нивното драматично напуштање на кралските должности пред четири години.
Кралскиот коментатор Данкан Ларкомб, како што обајвуваат британските медиуми, за оваа посета вели: „На 39 години Хари изгледа како да му е удобно на игра втора виолина на неговата доминантна, 42-годишна сопруга. Меган е многу силен карактер, многу енергична и крајно амбициозна, а тоа се карактеристики што значат дека таа речиси секогаш ќе го засенува Хари и ќе го привлекува вниманието на себе. Хари е целосно во нејзина сенка, но тој никогаш не се чувствуваше пријатно кога беше во центарот на вниманието, никогаш вистински не уживаше во тоа“.
Следејќи ја динамиката на парот, д-р Сона Капур, клинички психолог, вели дека од ваквото однесување, кога едната личност ја засенува другата во врската, се можни две сценарија како исход.
„Ако Хари е задоволен што Меган го надминува, тоа значи силна самоувереност и заемна поддршка. Ако не се менаџира добро, тоа може да додаде притисок, кој има потенцијал да предизвика чувство на несоодветност или огорченост. За успех, потребни се отворена комуникација, меѓусебна поддршка и обезбедување сигурност дека двајцата партнери имаат можност да ги следат своите интереси и да блеснат“, објаснува Капур за британските медиуми.
Коментаторот Ларкомб посетата на Нигерија ја нарече „шоуто на Маган“, во кое Хари бил тргнат настрана, а Меган ја оцени како магнет за внимание.