Забава
Најмоќниот човек во Катар – шеикот Ал Тани – има 3 сопруги и 13 деца
Очите на светот се вперени во Катар, каде што во моментот се одржува Светското првенство, прво во арапскиот свет, а катарскиот емир, шеикот Тамим бин Хамад ал-Тани, привлече големо внимание кај светската јавност на отворањето на Светското првенство.
За време на свеченото отворање на стадионот „Ал Бајт“ тој срдечно го поздрави својот татко бакнувајќи му ја раката, а фотографиите за неколку секунди го обиколија светот.
Тој е познат како голем љубител на спортот, а иако мундијалот во Катар е проследен со критики за човековите права во оваа земја, тој го карактеризира како безобразна кампања против неговата земја.
Катар е управуван од династијата Тани како наследна монархија. Тие се на власт откако Мухамед ибн Тани потпиша договор со Британците во 1868 година, со кој се признава неговиот посебен статус. Сегашниот емир е Тамим ибн Хамад ал-Тани, кој ги има речиси сите извршни и законодавни овластувања според Уставот на Катар, со контрола на судството.
Шеикот Тамим ибн Хамад ал-Тани е емир на Катар. Тој е четвртиот син на претходниот емир Хамад ибн Калифа. Тој е владетел на Катар од 2013 година кога неговиот татко абдицирал од тронот. Тој е наследник од 2003 година кога неговиот постар брат, шеикот Џасим, абдицирал од правото на тронот.
Тој е монарх на Катар, учествуваше во подигање на меѓународниот профил на земјата со организирање спортски настани, а го купи и фудбалскиот клуб Пари Сен-Жермен. Роден е на 3 јуни 1980 година во Доха. Тој е четвртиот син на шеикот Хамад ибн Калифа ал-Тани и вториот син на шеикот Моза ибнт Насер ал-Миснед, втората сопруга на Хамад. Високото образование го завршил во Англија. Течно зборува англиски и француски јазик.
Шеикот Тамим ибн Хамад ал-Тани има три жени и 13 деца. Катарскиот шеик стапи во својот прв брак во 2005 година. Неговата прва сопруга, со која се појавува во јавноста, шеиката Ал Мајаса бинт Тамим бин Хамад Ал-Тани, е и негова роднина. Имаат две ќерки и два сина. Пред осум години се ожени третпат. Неговата избраничка е Шеиха Нора бинт Хатал ал-Досари. Третиот брак му донесе три сина и ќерка.
Колективното нето-богатство на владејачкото кралско семејство се проценува на речиси 335 милијарди долари. Само главата на кралското семејство, шеикот Тамим бин Хамад ал-Тани, се проценува дека вреди околу две милијарди долари.
Семејството Тани поседува многубројни имоти во светот вклучувајќи го и лондонскиот облакодер Шард, Олимпиското село, стоковната куќа „Хародс“, Канари Варф, касарната „Челси“ и Емпајер стејт билдинг во Њујорк. Членовите на кралското семејство имаат удел и во банката „Баркли“, „Бритиш ервејс“ и во „Фолксваген“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.