Забава
Ново истражување открива кои тенисери се константно на удар на „хејтери“
Француската тениска федерација во соработка со компанијата „Ворлд спортс нетворк“ (WSN) спроведе истражување за тоа кои тенисери трпат најмногу негативни критики на социјалните мрежи.
Резултатите откриваат дека Новак Ѓоковиќ и Арина Сабаленка се соочуваат со најгрди коментари на „Твитер“ и на „Фејсбук“.
Ѓоковиќ и Сабаленка имаат најнегативен „фидбек“ на социјалните мрежи, според истражувањето што ги следело реакциите упатени на сметка на играчите на АТП- и ВТА-листата во период од 16 месеци.
Сабаленка е на првото место како најтаргетирана тенисерка на ВТА-листата. Податоците откриваат дека 15 отсто од расположението кон Белорусинката на „Твитер“ било негативно.
Од друга страна, Новак Ѓоковиќ е машката тениска ѕвезда што добива најмногу „тролови“, односно објави со навредлива содржина.
Според добиените податоци, 15 отсто од твитовите во кои се споменува Ѓоковиќ во последните 16 месеци биле негативни и 11 отсто од интеракциите на „Фејсбук“ биле исто така негативни.
Стефанос Циципас се најде на второто место со седум отсто, а на третото место е Карлос Алкараз.
За да дојде до овие податоци, WSN го мери сентиментот на твитовите што ги спомнуваат играчите во негативно светло, како и реакцијата на јавноста кон одредени објави на „Фејсбук“.
Во истражувањето се користел Google Bard (конверзациски четбот на генеративна вештачка интелигенција развиен од „Гугл“) за да ги анализира сите твитови во кои се споменуваат првите шест носители на претстојниот турнир во Париз, „Френч опен“.
Интеракциите на социјалните мрежи беа следени од јануари 2022 до мај 2023 година. Податоците откриваат дека тенисерките се изложени на повисок степен онлајн-тролови во споредба со нивните машки колеги.
Истражувањето покажа зошто треба да се направи повеќе за да се заштитат спортските ѕвезди – не само тенисерите – од злоупотреба на интернет.
Оваа година Француската тениска федерација (ФФТ) откри дека на играчите што ќе учествуваат на претстојниот грен слем ќе им биде понудена вештачка интелигенција за да ги заштити од „тролање“ на социјалните мрежи.
Новата AI-технологија, наречена „Бодигард“, ќе може да ја користат разни тениски ѕвезди на „Ролан Гарос“ како начин да го заштитат своето ментално здравје во текот на турнирот.
„Како дел од својата стратегија да се грижи за менталното здравје на играчите, ФФТ одлучи да соработува со „Бодигард“ за да се бори против сајбер-булингот“, соопшти Тениска федерација на Франција.
Програмата ќе ги следи коментарите што учесниците на турнирот ги добиваат на социјалните мрежи и ќе го филтрира негативниот сентимент за помалку од 200 милисекунди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.