Забава
„Одвеано со виорот“ ќе прослави 80 години од својата премиера
Еден од најпопуларните и најконтроверзни холивудски филмови на сите времиња, „Одвеано со виорот“, се враќа кон крајот на февруари во американските киносали по повод 80-годишнината од својата премиера.
Филмот од 1939 година, создаден од страна на истоименото книжевно дело на Маргарет Мичел, е приказна за младата Скарлет О’Хара, која среде Американската граѓанска војна со сите сили настојува да го задржи семејниот имот во јужниот дел на земјата.
Во филмот маестрално ја глуми британската актерка Вивиен Ли, а нејзиниот партнер Рет Батлер го глуми Клерк Гејбл.
Филмот „Одвеано со виорот“ ќе се прикажува на 28 јануари во сите градови во САД што имаат киносали, пишува „Њујорк тајмс”. Со оглед на тоа дека е работен ден, филмот ќе биде на репертоарот до 3 март.
Филмот освои осум награди „Оскар“ и имаше уште пет номинации. Освои и два почесни „Оскара“.
Што се однесува до остварениот приход, филмот спаѓа во категоријата најпрофитабилни фимови во историјата на американската филмска уметност.
Во 1982 година, поради своето културно значење, филмот е вклучен во Националниот филмски регистар на Соединетите Американски Држави, а Американскиот филмски институт го рангира во листата на „100 години – 100 филма“.
Беше режиран од режисерот Виктор Флеминг. Интересно е тоа што Гејбл ја доби улогата кога ја одби Гари Купер, кој во тоа време рече дека филмот ќе биде најголемиот неуспех во историјата на Холивуд. Првиот избор на Флеминг за Скарлет беше актерката Полет Годард.
Интересно е што за улогата на Скарлет се пријавиле околу 1.400 актерки, меѓу кои и Оливија де Хeвилeнд, која на крајот ја доби улогата на сестрата на Скарлет, Мелани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Никола Роквиќ Велигден го помина во Македонија, се огласи на 14. ден од подвигот
Српскиот пејач Никола Роквиќ веќе 14 дена патува пеш до Грција. Крајната дестинација на пејачот е манастирот Нектариј Егински, каде пејачот ќе се поклони и ќе го заврши подвигот кој го почна за хуманитарни цели.
Никола Велигден го помина во Македонија. Пејачот веќе објави фотографии и видеа на кои покажа како е пречекан во Куманово и Свети Николе.
„Стигнав на денешната дестинација. Голема радост е со мене, на местото Свети Николе, во храмот Свети Никола. Нашите драги домаќини ми кажаа дека ова место е токму местото каде што св. Никола му го вратил видот на Стефан Дечански. Вечерва овде ќе го славиме Велигден, многу сум среќен“, рече Никола.
Забава
Марко Новески објави прва фотка со близначињата: „Мојата дупла среќичка“
Водителот Марко Новески на својот Инстаграм профил објави прва фотографија со новородените близначиња Веда и Вања.
Новески, на 23 април 2024 откри дека заедно со сопругата станале родители и тогаш на неа и се заблагодари на сопругата што му го остварила најголемиот сон.
View this post on Instagram
10-тина дена по раѓањето, Марко објави фотографија, а во прегратка му се двете дечиња.
„Мојата дупла среќичка“, напиша тој,
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.