Забава
Откриени 10-те најстресни животни одлуки
Некои одлуки ги донесуваме без многу размислување – како што да јадеме за вечера, а други моет да ни предизвикаат сериозни проблеми. Преселба, промена на работа, прекинување или почнување врска… Сето ова се ситуации што може да предизвикаат стрес и сомнеж. Новото истражување сега открива точно кои животни одлуки луѓето ги сметаат за најризични и стресни, а резултатите може да ве изненадат.
Ова е сеопфатна студија објавена минатиот месец во списанието „Психолоџикал сајенс“. Истражувачите побараа од повеќе од 4.000 учесници да наведат реални, неодамнешни одлуки што им претставувале голем предизвик наместо да им нудат хипотетички сценарија. Анализата на одговорите покажа дека одредени видови одлуки се повторуваат многу почесто од другите.
Работа и кариера – најголемиот извор на стрес
На врвот на листата беа одлуките поврзани со работата и кариерата. Без оглед на возраста или полот, одлуката да се прифати нова работа се покажа како најризична, а напуштањето на работата беше веднаш зад неа.
Пари, возење и почнување бизнис
Финансиските ризици се најдоа на трето место, првенствено инвестирање во акции, криптовалути и тргување на берзата.
Иако може да звучи банално, одлуката дали да седнете зад воланот се најде на високото четврто место. Особено е стресно во ситуации на замор, лошо време, невнимание или возење под дејство на алкохол.
Одлуката за почнување сопствен бизнис се најде на петтото место.
Купувањето дом, шестата најстресна одлука, исто така често се споменуваше, со термини како купување имот, инвестиција и реновирање.
Здравје и социјален живот – помалку стресни отколку што се мислеше
Последните четири места припаднаа на одлуките поврзани со здравјето и социјалниот живот.
На седмото место беше одлуката за операција, а на деветтото место беше вакцинацијата.
Истражувачите забележуваат дека недовербата кон вакцините расте и како пример го наведуваат падот на вакцинацијата против грип во Соединетите Американски Држави.
На осмото и десеттото место се бракот и преселбата во друга земја – две главни животни пресвртници, кои не беа перципирани како најризични.
Неочекувани заклучоци
Истражувачите беа најизненадени што одлуките поврзани со здравјето или социјалните односи, како што се состанувањето или самостојното патување, кои не беа на врвот на листата.
Авторите истакнуваат дека намерно го оставиле терминот „ризичен“ широко дефиниран – за некои се однесува на финансиски последици, а за други се однесува на одлуки што ги обликуваат нивните животи на долг рок. Возраста исто така влијаеше врз перцепцијата на ризикот: постарите испитаници го сметаа прифаќањето нова работа за поризично, а помладите испитаници се плашеа повеќе од напуштање.
10-те најстресни животни одлуки според студијата:
1. Прифаќање нова работа;
2. Напуштање работа;
3. Инвестирање пари (акции, криптовалути, берза);
4. Возење;
5. Почнување сопствен бизнис;
6. Купување недвижен имот;
7. Операција;
8. Склучување брак;
9. Вакцинирање;
10. Преселба во друга земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Без филтри, шминка и апликации за разубавување – Адријана Лима го покажа своето вистинско лице
Адријана Лима се смета за една од најубавите жени во светот. Нејзината убавина и заводлив поглед ги освоија луѓето ширум светот, особено познатите дизајнери и модни куќи за кои таа е вечна инспирација и муза.
Често ја гледаме во гламурозни стајлинзи кои привлекуваат воздишки и погледи, но многу ретко во лежерни комбинации. Сепак, сега таа одлучи да нè изненади сите и да ни покаже сосема природен изглед.
Адријана Лима неодамна беше фотографирана на аеродромот во Буенос Аирес, а ги пречека фотографите на странските медиуми со широка насмевка. Познатата Бразилка носеше лежерна комбинација за оваа пригода – широки фармерки и најобична бела маица, кои ја истакнуваа нејзината фигура слична на модел.
Додаде црни очила за да го скрие погледот од љубопитните фотографи, но оваа намера не успеа. Косата ја стилизираше на наједноставен начин – се одлучи за ниска пунџа која го откриваше нејзиното лице.
New : Adriana Lima at the airport in Buenos Aires pic.twitter.com/HysmUyZs9U
— Victoria’s Secret Actu (@vsactu) February 7, 2026
Со овој изглед, Лима докажа дека не ѝ треба скапа шминка или апликации за убавина за да изгледа беспрекорно.
Затоа, меѓу другото, таа е најбараниот ангел на „Викторијас Сикрет“!
Забава
„Невидливи“ процедури: Прекрасното лице на Мишел Фајфер на 67 години не е дар од природата
Познатата актерка Мишел Фајфер (67), иако одамна е во седмата деценија од животот, воодушевува со својот изглед на секој чекор. На нејзиното последно појавување, таа шармираше со лежерно модно издание, меѓутоа, многу повеќе се зборуваше за нејзиното прекрасно лице.
Познато е дека Мишел изгледа младешки, но со голо око не можете да видите никакви козметички процедури на нејзиното лице и речиси е невозможно да се утврди дали и што точно си направила.
Според естетскиот хирург д-р Пол Банвел, сјајот и убавината на Мишел Фајфер лежат во внимателното одржување, а не во магијата. Сепак, јасно е дека актерката не сака да ги избрише своите години.
Michelle Pfeiffer arrives at the 49th Annual AFI (American Film Institute) Lifetime Achievement Award Gala Tribute Celebrating Nicole Kidman held at the Dolby Theatre on April 27, 2024 in Hollywood, Los Angeles, California, United States. (Photo by Xavier Collin/Image Press Agency)
Според докторот, можно е актерката да имала конзервативен лифтинг на лицето и лифтинг на вратот, заедно со лифтинг на веѓите и очните капаци, пишува Дејли меил.
Со оглед на тоа што Мишел има одличен тен, д-р Банвел тврди дека хемискиот пилинг и ласерските третмани се одговорни за ова.
Едно е сигурно, ова не е резултат на еден третман, туку на повеќе години инвестирање, со мали количини на ботокс инјектирани за да се спречи нејзиното лице да изгуби движење.
Според д-р Пол Банвел, „импресивно острата дефиниција по должината на вилицата и вратот е веднаш забележлива“.
Michelle Pfeiffer attends the Los Angeles Premiere of “Stardust” held at the Paramount Pictures Studios in Hollywood, California, on July 29, 2007. Copyright 2007 by Popular Images
„Иако добрата нега на кожата и здравиот начин на живот сигурно играат улога, ова ниво на структурна поддршка често укажува дека таа можеби имала корист од внимателно осмислено хируршко одржување во одреден момент“, објасни хирургот.
Важно е што сè изгледа беспрекорно, а Мишел Фајфер не добила „ново лице“, туку само подобра верзија од нејзиното „старо лице“.
Забава
Без опрема или гладување: Предизвикот од 4 минути и 28 дена ќе го доведе вашето тело до совршенство
Дали сакате предизвици? Прифатете го овој предизвик и доведете го вашето тело во врвна форма.
Планкот е една од најефикасните вежби за тонирање на телото. Оваа вежба ќе ви помогне да ги стопите мастите и да ги зајакнете мускулите на грбот, стомакот, задникот, рацете и нозете.
Планкот го препорачуваат многу тренери, но многу е важно да бидете упорни и дефинитивно ќе видите резултати за еден месец. Ако сакате да имате тело на супермодел, тогаш ви предлагаме да го прифатите овој предизвик!
Треба да ја правите оваа вежба секој ден во текот на 4 недели или 28 дена. Прво, започнувате со 20 секунди, а до крајот на следната недела, треба да можете да ја држите цели 4 минути.
Најважно при изведување на оваа вежба е да се заземе вистинската положба. Треба да го држите телото во права линија, „како даска“ ако сакате да видите резултати. Дишете длабоко додека го правите планкот и фокусирајте се на тоа да го држите телото во права линија.
Откако ќе се најдете во вистинската положба, подготвени сте да се соочите со „Предизвикот со планк“!
Ден 1 – 20 секунди
Ден 2 – 20 секунди
Ден 3 – 30 секунди
Ден 4 – 30 секунди
Ден 5 – 40 секунди
Ден 6 – Одмор
Ден 7 – 45 секунди
Ден 8 – 45 секунди
Ден 9 – 60 секунди
Ден 10 – 60 секунди
Ден 11 – 60 секунди
Ден 12 – 90 секунди
Ден 13 – Одмор
Ден 14 – 90 секунди
Ден 15 – 90 секунди
Ден 16 – 120 секунди
Ден 17 – 120 секунди
Ден 18 – 150 секунди
Ден 19 – Одмор
Ден 20 – 150 секунди
Ден 21 – 150 секунди
Ден 22 – 180 секунди
Ден 23 – 180 секунди
Ден 24 – 210 секунди
Ден 25 – Одмор
Ден 26 – 210 секунди
Ден 27 – 240 секунди
Ден 28 – Колку што можете да издржите
Иако на прв поглед вежбата може да изгледа како лесна задача, откако ќе почнете да вежбате ќе ја видите вистинската сериозност на оваа вежба. „Планкот“ ги топи салото на стомакот, ги затегнува мускулите на стомакот и задникот, а исто така влијае и на обликувањето на мускулите на рацете, нозете и рамената.
Значи, сè што ни треба. За 28 дена ќе видите резултати што ќе ве воодушеват.
Празната украинска амбасада во Москва казнета поради неплаќање струја
Московскиот суд ѝ наложи на украинската амбасада во Русија, која е затворена од почетокот на руската инвазија во февруари 2022...
(Видео) Моќен напад со дронови врз Одеса: погодена зграда, едно лице загина
Руските сили извршија серија напади со ракети и беспилотни летала врз неколку украински градови во текот на ноќта. Во Одеса,...
Зеленски: Русија секојдневно ја напаѓа нашата железничка инфраструктура
Украинскиот претседател Володимир Зеленски изјави дека Русија речиси секојдневно ја напаѓа железничката инфраструктура на Украина, но дека Киев сè уште...
Почувствуван земјотрес во Тетово и околината
Телеметриската сеизмолошка мрежа на Република Северна Македонија одржувана од Сеизмолошката опсерваторија при Природно-математичкиот факултет во Скопје, вчера вечер во 23...
Војници во влага, на перници стари со децении, со прибор стар 20 години и руинирани тоалети – синдикатот алармира по појавата на шуга во велешката касарна
Независниот синдикат на професионални војници, реагира поради појавата на шуга кај новопримените професионални војници во касарната „Алексо Демниевски – Бауман“...
Српската полиција се огласи по киднапирањето на Даниел Кајмакоски: Се трага по двајца осомничени
Министерството за внатрешни работи на Србија соопшти дека полицијата трага по две лица осомничени за киднапирање на македонскиот пејач Даниел...
(Видео) Договорено покачување на платите за околу 11.000 административци до 2028 година
Околу 11.000 вработени во јавната администрација, судовите и обвинителствата ќе добијат покачување на платите од речиси 40 отсто до 2028...
Кајмакоски е дома; Рашиќ: „Смирено и храбро се соочил со киднаперите, но му треба мир“
Mиланка Рашиќ, која е задолжена за односи со јавноста за Даниел Кајмакоски, соопшти дека разговарала со него по ноќта помината...
ВМРО-ДПМНЕ реагира: Заев се јави во одбрана на својот криминал, тој е таткото на бизнисот со канабис
Олицетворението на криминалот, главата на октоподот во корупцијата и лидерот на СДС од сенка, Зоран Заев се јави во одбрана...
Заев се закани со тужба, тврди дека не е поврзан со конфискацијата на канабисот и облакодерите во Дубаи: „Шират лаги и клевети“
Поранешниот премиер Зоран Заев преку статус на Фејсбук порача дека по пет години молк, сега е подготвен да одговори со...
Почина Бред Арнолд – пејачот на американскиот бенд 3 Doors Down
Бред Арнолд, пејачот и основач на американскиот рок-бенд 3 Doors Down, најпознат по хитовите „Kryptonite“, „When I’m Gone“ и „Here...
Во Дубаи уапсен сторителот на обидот за атентат врз рускиот генерал Алексеев, ФСБ уапси и соучесник во Москва
Сторителот на обидот за атентат врз генерал-полковникот на руската воена разузнавачка служба, Владимир Алексеев, беше приведен во Дубаи и предаден...
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во...
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
Низ разузнавачките канали протекоа детали за „Дмитриев пакет“, вреден е 12 трилиони долари, вели Зелениски
Украинскиот претседател Володимир Зеленски предупреди дека постои ризик САД и Русија да склучат билатерални договори кои се однесуваат на Украина,...
Судот нареди на администрацијата на Трамп да врати од Хондурас три депортирани семејства и да ги плати трошоците за враќање
Окружниот суд во Сан Диего пресуди федералната влада на САД да ги врати трите семејства од Хондурас, наведувајќи дека нивното...
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
