Забава
Пет раси на кучиња кои одлично се сложуваат со мачки
Познато е дека кучињата и мачките се големи непријатели поради нивните борбени инстинкти. Веројатно затоа настанала изреката кога двајца се расправаат дека се како мачка и куче. Сепак, овие две животни, всушност, може да живеат заедно и да станат најдобри пријатели.
Ако веќе имате куче и сакате да удомите мачка или обратно, нивното запознавање и заедничкиот живот не мора да биде проблем бидејќи постојат некои раси на кучиња што одлично се согласуваат со мачките.
Ова се пет раси на кучиња што би можеле доста хармонично да живеат со другите четириножни пријатели.
Златен ретривер – најпопуларните семејни кучиња, познати по својата нежна природа, прифаќаат и мачки како членови на семејството. Сепак, златниот ретривер треба да се однесе на тренинг бидејќи во спротивно тој сакајќи постојано да игра, ќе ја брка мачката и ќе ѝ стане досаден. Меѓутоа, штом ќе успее да се социјализира со мачката, тие двајца може да бидат совршена комбинација.
Лабардор ретривер – уште едно сигурно семејно куче, кое воопшто не е борбено и сака да го гушкаат. Лабрадор ретривер со задоволство ќе пречека мачка во својот дом и веднаш ќе се дружи со неа. Ова куче сака да поминува време со деца и со мачки.
Бигл – оваа раса претходно била позната како ловечки кучиња, па не е чудно што сакаат да бидат опкружени со друштво, дури и ако се работи за мачки. Луѓето ги сакаат биглите поради нивната топла, дружељубива природа. Проблем може да настане само ако ги има повеќе, па поради играта заедно, почнуваат да ја ловат мачката.
Пудлица – елегантните и префинети дамски пудлици може да бидат одлични цимери со мачките. Има две опции како ќе се однесуваат со нив: или ќе играат заедно или ќе се преправаат дека мачето не ни постои. Пудлиците се заштитнички настроени кон своето семејство, па веројатно овој инстинкт ќе ѝ го пренесат на мачката.
Малтезер – малтешката пудлица сигурно нема да ја испровоцира мачката затоа што таа обично е окупирана со одморање и легачење, па нема ни да ја забележи. Во оваа комбинација мачката би можела да биде провокатор бидејќи може да ги задева малтезерите. Меѓутоа, ако внимателно се запознаат, не би требало да има никакви проблеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.