Забава
Пожарот во Австралија го уништи имотот на познат актер
Холивудскиот актер Расел Кроу (55) објави на социјалните медиуми дека пожар го уништил неговиот имот во Австралија.
Актерот објави видео и фотографии од уништената област, а во еден момент над неговиот имот се појавил хеликоптер со вода, кој ги гаснел дрвјата во пламен. Во претходната објава Кроу потврди дека не е во Австралија и дека неговото семејство е безбедно со пријателите.
— Russell Crowe (@russellcrowe) November 13, 2019
„Јас не сум во Австралија. Моето семејство е безбедно, опкружено со пријатели. Пожарот дојде до мојот имот вчера. Моето срце е со сите во долината“, напиша Расел на „Твитер“.
„Изгубивме две згради, но можеме да бидеме среќни“, напиша кусо актерот и им се заблагодари на сите на теренот гаснејќи ги пожарите.
По оваа објава, луѓето напишаа на социјалните медиуми дека пожарникарите ги игнорирале домовите што гореле во околината за да заштедат 400 хектари од имотот на актерот.
„Јас сум лут затоа што куќите на нашите пријатели горат, а сите противпожарни возила и хеликоптерите го гасат пожарот на имотот на Расел Кроу. Што ќе се случи со домовите на обичните луѓе?“, напиша еден човек на „Твитер“.
На таквите обвинувања одговори внуката на актерот, Челси Кроу, која живее на имотот на Расел.
Posted by Chelsea Crowe on Четврток, 01 август 2019
„За жал, има многу озборувања на оваа тема… Дека пожарникарите оставиле сè за да го заштитат домот на Расел. Тоа не е точно. Ако ја видите картата и ги знаете граничните линии, ќе видите дека целиот имот е покриен со државна шума. Овој потег не беше специјално за да се заштитат зградите на Расел, туку да се заштити шумата“, напиша Челси додавајќи дека изгорело местото каде што живеел дедо ѝ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Интервју за работа по рецепт на Стив Џобс: една прошетка, едно пиво и многу искреност
Сосновачот на „Епл“, Стив Џобс, бил познат по своите неконвенционални методи и високите стандарди при избор на вработени. Наместо класични интервјуа, тој често ги носел кандидатите на прошетка или на пиво за да види какви се во опуштена атмосфера.
Неговата цел била да ги запознае луѓето подлабоко, поставувајќи едноставни, но значајни прашања како: „Што направивте минатото лето?“ или „Кога последен пат постигнавте нешто важно?“.
Џобс не барал точни одговори, туку карактер и начин на размислување. Верувал дека успехот доаѓа од „А-играчи“ – најдобрите професионалци кои се мотивирани и сакаат да соработуваат со луѓе на своето ниво.
Со таков тим, Џобс создаде уреди што ја променија технологијата – iPod, iPhone и iPad – и остави трајно наследство по својата смрт во 2011 година.
Забава
(Видео) Кети Пери и Џастин Трудо ја потврдија својата врска со романтичен состанок во Париз
Кети Пери и Џастин Трудо официјално ја потврдија својата врска и решија да ги прекинат гласините со романтичен состанок во Париз. Двојката беше видена како се држи за раце во саботата навечер на забавата по повод 41-виот роденден на познатата пејачка.
Според видео објавено од „ТМЗ“, го прославија роденденот на пејачката во Париз. Пери блескаше во тесен црвен фустан, додека насмеано се држеше за раце со поранешниот канадски премиер пред познатото кабаре „Крејзи Хорс“. Обожавателите и фотографите ги поздравија кога го напуштија театарот, а двојката, не криејќи ја својата љубов, се упати кон автомобилот што ги чекаше.
Ова заедничко излегување доаѓа само еден ден откако извори открија за „УС Викли“ дека пејачката е „навистина заинтересирана“ за врска со Трудо.
„Кети е навистина заинтересирана за тоа. Таа е многу среќна“, рече изворот.
„Тој се обидува да го држи тоа во тивка атмосфера и поминале многу приватно време заедно. Не сака јавно да зборува за оваа врска.“ Истиот извор додава дека нивните пријатели мислат дека се добар пар, иако Трудо сè уште не се запознал со многумина од нејзиното друштво. Гласините за нивната романса првпат се појавија во јули, кога беа видени на вечера во Монтреал.
Романсата доаѓа откако Пери ја заврши долгогодишната свршувачка со актерот Орландо Блум, со кого ја има петгодишната ќерка Дејзи Дав, претходно оваа година. Нивните претставници потврдија во јули дека одлучиле да се фокусираат на заедничко родителство.
Од друга страна, Џастин Трудо објави во 2023 година дека по 18 години брак, се разведува од сопругата Софи Грегоар, со која има три деца. Трудо беше премиер на Канада од 2015 до март 2025 година.
Фото: Принтскрин од видео „ТМЗ“
Забава
Карма според датумот на раѓање: духовни лекции што треба да ги совладате
Според астрологијата и нумерологијата, датумот на раѓање ја открива вашата кaрмичка мисија – животните лекции што душата ги учи за духовен раст.
Родени 1, 10, 19, 28 – Карма на независност и водство
Под влијание на Сонцето, треба да научите самостојност и скромност. Добрата карма доаѓа кога инспирирате други, а не кога доминирате.
Родени 2, 11, 20, 29 – Карма на сочувство и емоционална рамнотежа
Под Месечината, тука сте да развиете емпатија и да верувате во својата интуиција. Балансот доаѓа кога негувате, а не кога им угодувате на сите.
Родени 3, 12, 21, 30 – Карма на изразување и комуникација
Водени од Меркур, треба да ја користите моќта на зборовите за позитивност и поврзување, избегнувајќи трачеви и површност.
Родени 4, 13, 22, 31 – Карма на стабилност и труд
Вашиот пат е дисциплина и одговорност. Успехот доаѓа преку посветеност, не преку материјални добра.
Родени 5, 14, 23 – Карма на слобода и флексибилност
Животот ве учи да се прилагодувате и да не се плашите од промени. Вистинската сила е во прифаќањето на трансформацијата.
Родени 6, 15, 24 – Карма на љубов и одговорност
Под Вeнерата, треба да ги негувате другите и да научите да давате без да се исцрпувате.
Родени 7, 16, 25 – Карма на духовно будење и вистина
Нептун ве води кон интроспекција и вера. Игнорирањето на интуицијата носи немир.
Родени 8, 17, 26 – Карма на моќ и материјално мајсторство
Со влијание на Сатурн, тука сте да градите успех со интегритет, не со его.
Родени 9, 18, 27 – Карма на страст и цел
Под Марс, треба да ја насочите силата и амбицијата кон создавање, а не контрола.

