Забава
Позната причината за разводот на Канје Вест и Бјанка Ценсори?

Канје Вест и Бјанка Ценсори се разведуваат поради неговите неодамнешни антисемитски испади на X, пишува „Page Six“.
Добивај вести на вибер>
Извор близок до парот тврди дека Бјанка е исцрпена од објавите на Канје, како и од неговата одлука да продава маици со кукаст крст.
„Таа беше одлична жена и одличен соработник, помина низ многу луди моменти, но нивниот брак не може да го преживее ова“, коментира изворот.
Бјанка, наводно, претходно ги преболела сличните изјави на раперот, но твитовите во кои тој тврдел дека е „нацист“ и дека „го сака Хитлер“ особено ја вознемириле.
„Ситуацијата стана екстремна“, истакна изворот, додавајќи дека Бјанка не е сигурна како да го „приземји“ Канје и дека знае дека меѓу нив е готово.
Според информациите од извори блиски до парот, 47-годишниот рапер и 30-годишната архитектка ќе поднесат законско барање за прекин на бракот во наредните денови. Бјанка моментално престојува во нивниот луксузен дом вреден 35 милиони долари во Лос Анџелес. По разводот таа наводно ќе добие пет милиони долари.
Веќе се зборуваше за разводот на Вест и Бјанка минатата година. ТМЗ на почетокот на октомври објави дека парот се скарал и се разделил и дека за тоа ги известиле своите најблиски луѓе. Во тоа време беше објавено дека Бјанка заминала во Австралија за да биде со своето семејство, а Канје имал планови да се пресели во Токио. Разводот не се случи тогаш, но дали љубовта сега е завршена, останува да се види, анализираат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Николина Пишек покажа како ја уредила својата вила во Загреб вредна 1,7 милиони евра

Николина Пишек на Инстаграм покажа како изгледа внатрешноста на нејзината куќа во Загреб.
Дневната соба е уредена во неутрални тонови. Посебно се истакнуваат сивиот кауч украсен со шарени перници и големото растение во керамичка саксија.
Николина ја сними и златната масичка. Внимание привлече и кујната со минималистички дизајн и уметничките дела на ѕидовите.
Куќата има 420 метри квадратни и градина од 1460 метри квадратни, која е изградена во 2012 година. Има голема дневна соба, кујна, пристап до базен, 3 спални соби и простор за персонал.
Николина ја купила вилата во Загреб со нејзиниот покоен сопруг Видоје Ристовиќ. Таа почна да ја уредува минатата година.
Забава
Мелинда Гејтс: Разводот од Бил беше мојот одговор на предавствата во бракот

Мелинда Френч Гејтс, поранешна сопруга на милијардерот Бил Гејтс, отворено проговори за разводот во својата книга „The Next Day“. Вели дека се почнало да се одвива во тајност, една година пред да стигне официјалната потврда за разводот.
За ова, таа даде интервју и за магазинот „Пипл“, каде што рече дека веќе во 2019 година почнала да има кошмари „за убава куќа која се урива околу неа“. Таа пишува дека подоцна ги сфатила како потсвесни сигнали дека има проблеми во нејзиниот брак.
Во февруари следната година, парот беше на одмор во Ново Мексико. Последната ноќ од патувањето, Мелинда му рекла на Бил дека сака да живее одвоено и дека ќе живее со нивната најмлада ќерка Фиби. „Тоа беше еден од најстрашните разговори што некогаш сум ги имала“, истакнува Мелинда, додавајќи дека Бил имал разбирање и покрај се. Поради се почнала терапија која ја опишала како нејзин одговор „на предавствата во бракот и обидот да не се изневери самата себе“.
Да потсетиме, Бил еднаш го опиша разводот како една од најголемите грешки во неговиот живот. „Има повеќе, но ништо не е важно. Разводот беше болен за Мелинда и мене најмалку две години“, истакна тој. Мелинда потоа рече дека знаела дека „ќе биде добро сама“ откако ќе се разведе.
Бил Гејтс и Мелинда Френч Гејтс се венчаа во 1994 година, а заедно ги имаат ќерките Џенифер (28) и Фиби (22) и синот Рори (25). Тие ја потврдија веста за нивниот развод во мај 2021 година по 27 години брак. Тие наводно биле разделени една година пред потврдата.
Забава
(Фото) Џорџ Клуни изгледа непрепознатливо со новата боја на коса

Џорџ Клуни се појави со Џулија Робертс пред театарот Winter Garden на њујоршкиот Бродвеј, каде што се фотографираа со обожавателите и даваа автограми.
Клуни повторно го привлече вниманието со својот нов имиџ, а луѓето не можат а да не се изненадат колку поинаку изгледа со новата боја на коса. Шеесет и четиригодишниот актер ја обои препознатливата седа коса во кафена боја за шоу на Бродвеј.
Покрај новата боја на коса, Клуни го промени и стилот и сега го носи таканаречениот „имиџ на италијанската мафија“, со залижана коса и очила за сонце со сино-виолетови стакла.
Клуни глуми во претставата Good Night, and Good Luck, адаптација на истоимениот филм од 2005 година, за кој тој го напиша сценариото, го режираше и глумеше. Претставата имаше претпремиера на 12 март, а официјалната премиера е закажана за 3 април.