Забава
Поранешната девојка на Дејв Грол: Не сум изненадена што има дете со љубовницата

Пејачот и гитарист на Foo Fighters, Дејв Грол, неодамна откри дека ја изневерил сопругата и дека со љубовницата добил дете. Неговата поранешна девојка, актерката Кари Вурер, за ТМЗ изјави дека не е изненадена од веста.
Кари тврди дека со години слушала шпекулации оти Дејв ја изневерува сопругата Џордин Блум, но дека не го знае идентитетот на жената со која пејачот добил дете.
Кари и Дејв се забавуваа во доцните 90-ти. Актерката вели дека се гледале додека тој сè уште бил со тогашната девојка Тина Басич. Сепак, таа тврди дека тогаш не знаела дека Дејв сè уште е со Тина.
„Никогаш не слушнав за неа. Тој никогаш не зборуваше за тоа“, рече таа.
Медиумите потсетуваат дека Дејв ја призна аферата на социјалните мрежи и објасни дека прави сè за да ја заслужи прошката на семејството.
„Неодамна станав татко на нова ќерка, родена вонбрачно. Планирам да ѝ бидам родител со љубов и поддршка“, напиша тој.
Извори подоцна изјавиле дека Грол имал љубоморни испади кон сопругата и ја обвинил дека имала афера со нејзиниот тренер Кристофер Краб (54). Изворот претпоставува дека Грол ја обвинил сопругата за неверство за да ја скрие трагата на сопствената афера.
„Дејв Грол со години беше љубоморен на тренерот на својата сопруга. Често се караа поради него. Неговата сопруга му рекла дека е луд поради тоа, односно како може на такво нешто дури и да му текне. Но, тој беше упорен. „Џордин вежба тенис најмалку трипати неделно. Таа сега верува дека Дејв намерно ја обвинил за неверство за да го одвлече вниманието од неговата афера“, вели извор за медиумот.
Дејв и неговата сопруга, поранешна манекенка и продуцентка Џордин Блум, се заедно повеќе од 20 години. Тие се венчаа во 2003 година, а заедно имаат три ќерки – Виолет Меј (18), Харпер Вилоу (15) и Офелија Сент (10).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Триесетгодишна девојка раскажа зошто одлучила да остане сама, нејзиното видео стана вирално

Тиктокерката Пат М., 31-годишна милениумка од Чикаго, предизвика многу дискусии на социјалната мрежа кога ја сподели причината зошто одлучила да остане сама.
И додека на социјалните мрежи често се романтизира идејата дека некој треба да биде во врска до триесеттите години, Пет, која работи во корпоративниот сектор, решила да се фокусира на себе. Нејзината објава од 22 јануари, во која таа појасни дека нејзината одлука нема никаква врска со пребирливоста, туку со промена на фокусот од нејзиниот љубовен живот кон личен развој, досега е прегледана повеќе од 721.000 пати и „лајкувана“ повеќе од 103.000 пати.
На видеото Пет седи во автомобил и искрено зборува пред камерата за неодамнешниот разговор со татко ѝ (63), кој ја прашал дали станува препребирлива во љубовта со годините.
@patoxplomo Being single is not a problem 🫶🏽 it’s a gift right now #fyp #fypage #fypシ #foryoupage #relatable #dating #single #relationship ♬ growth – Gede Yudis
„Имам 31 година и решив да останам сама засега. Имам стандарди, а тие не се високи. Не барам ништо од маж што не можам сама да си го обезбедам“, објаснила таа.
Нејзиното видео силно одекна, особено меѓу жените, бидејќи Пат нагласила колку вложила во сопствениот емотивен развој преку психотерапија и едукација и дека очекува тоа да го направи и потенцијалниот партнер.
„Со години се образовав, градев кариера и се развивав, а сето тоа во свет во кој како жена на почетокот сум во неповолна положба. Ако вие како маж веќе почнувате со предност, тогаш нема оправдување зошто не можете барем да бидете на исто ниво како мене“, вели таа.
Коментарите бргу почнаа да се појавуваат, при што многу жени споделуваа свои искуства и поддршка.
„Познавам успешни жени во четириесеттите, кои сè уште го кажуваат истото тоа“, „Бев сама речиси цела триесетта! Од 30 до 38. Сродната душа ја запознав на 38, се оженив на 39 и добив дете една недела откога наполнив 41 година. Не задоволувај се со помалку! Знај си ја вредноста!“, ѝ напишаа.
„Жените растат на прекрасни начини и јас сум среќна што сум дел од тоа“, заклучи Пат.
Забава
Вилијам и Кејт ја слават 14-годишнината од бракот во Шкотска

Британскиот принц Вилијам и неговата сопруга Кејт денеска патуваат во Шкотска, каде што ќе ја прослават 14-годишнината од бракот и ќе го направат најзначајното заедно патување оваа година.
Престолонаследникот Вилијам се ожени со Кејт Мидлтон на 29 април 2011 година во Вестминстерската опатија на церемонија што ја следеа милиони луѓе од целиот свет.
Тие се запознале десет години порано кога и двајцата биле студенти на Универзитетот „Сент Ендрјус“ на источниот брег на Шкотска.
Принцот и принцезата од Велс се враќаат во Шкотска како дел од официјалната дводневна посета на островите Мул и Јона, кои се дел од архипелагот Хебрид во близина на западниот брег.
Тие ќе ги посетат пазарот, производителите на храна и центрите на заедницата на островите со цел да се запознаат со важноста од зачувување на природната средина, соопшти нивниот кабинет.
По службените обврски, годишнината ќе ја поминат во мала изолирана куќа на островот Мал, позната по драматичните и прекрасни пејзажи, објавија британските медиуми.
Патувањето е ретко заедничко појавување на парот откога Кејт почна со превентивна хемотерапија за ракот, кој сега е во ремисија.
„Шкотска ми е неверојатно важна и секогаш ќе има посебно место во моето срце“, изјави Вилијам, кој ја носи титулата господар на шкотските острови.
Забава
На Евровизија годинава ќе може да се вее палестинското, a знамето на ЛГБТ-заедницата e забрането

Европската радиодифузна унија (ЕБУ) усвои нови правила во пресрет на годинешниот Избор за песна за Евровизија. Според изменетите прописи, публиката годинава ќе смее да вее палестински знамиња, што минатата година предизвика политички полемики.
Но, тоа не е сè – тие ги забранија и сите ЛГБТК+ знамиња, што налути многу активисти. Затоа на изведувачите оваа година ќе им биде дозволено да ги носат само знамињата на земјите што ги претставуваат на сцената.
Забраната за носење знамиња за изведувачите ќе се применува на сцената, во фан-зоната, во зелената соба и на официјалните површини, каде што натпреварувачите ги чекаат резултатите. Групите за права на ЛГБТК+ веќе ја критикуваа одлуката тврдејќи дека знамето на виножитото претставува личен идентитет наместо политичка изјава.
Швајцарскот победник Немо минатата година носеше небинарно жолто-бело-виолетово знаме за време на парадата на знамето. На еден од панелите по победата рече дека морале да го прошверцуваат оти организаторите им го забраниле споменатото знаме. Неколку фанови се обидоа со тоа во публиката, но обезбедувањето ги натера да ги фрлат знамињата пред да влезат во салата.
Оваа година на Евровизија ќе учествуваат неколку изведувачи кои припаѓаат на ЛГБТК+ заедницата. Меѓу нив се Миријана Конте (Малта), Џеј Џеј (Австрија), Ерика Викман (Финска), како и хрватскиот претставник Марко Бошњак.