Забава
Ријана соборува рекорди на „Спотифај“ без да објавува нова музика со години
Поминаа седум години откако Ријана го издаде својот последен албум „Анти“, но тоа не ја спречува да соборува рекорди.
Добитничката на „Греми“ е првата жена изведувач чии 10 песни достигнаа 1 милијарда стримови на „Спотифај“ – и покрај тоа што нема издадено албум од 2016 година.
Со рекордот се пофали на социјалните мрежи.
Веста за своето достигнување ја сподели на „Инстаграм“ со потписот Bad Gal billi, што е всушност игра на зборови – billion (анг. милијарда) и името на нејзиниот профил Bad Girl Riri (лошата девојка Рири).
„Без нов албум“, додаде Ријана, која според годинешната листа на „Форбс“ е прогласена за најбогата самореализирана пејачка и најбогата жена под 40 години во САД.
Ријана е добитничка на многубројни награди, а ова не е прв рекорд што го соборува. Таа има освоено девет „Греми“, 13 Американски музички награди (American Music Awards) и 12 музички награди „Билборд“ (Billboard Music Awards).
Славната пејачка е сопственик на шест Гинисови светски рекорди. Пред 13 години стана единствената жена изведувач што имала четири сингла на прво место на американската топ-листа во една календарска година.
Ријана исто така е првата пејачка што имала синглови на врвот на британската топ-листа пет последователни години, од 2007 до 2011 година. За споредба, само Елвис Присли и „Битлси“ имаат повеќе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.