Забава
Том Круз се дружи со Шакира на Формула 1 гран при во Мајами
Том Круз и Шакира беа забележани заедно на гран при викендот во Формула 1 во Мајами.
Холивудската икона Круз (60), кој му го честита крунисувањето на кралот Чарлс со видеопорака, на која се гледа како лета со стар борбен авион, изгледа како полетен срцекршач со својата разбушавена коса и бела поло-маица.
Колумбиската пејачка Шакира (46) носи секси зелен топ, што ѝ го истакнува деколтето, и се чини дека одлично се забавува со суперѕвездата на „Невозможна мисија“ и „Топ-ган“.
Ова се случува еден ден откако таа индиректно алудира на поранешниот сопруг Пике при примањето на наградата на „Билборд“ за жена на годината на првото издание на „Латино-жените во музиката“.
Атрактивната Колумбијка го доби ова признание во рамките на гала-вечерта во организација на „Билборд“, што се одржа во Мајами, каде што пејачката престојува со своите деца по разводот од Пике.
Колумбиската пејачка беше видно емотивна додека говореше за своите ставови за љубовта и врските – една година по нејзината горчлива разделба од шпанскиот фудбалер.
„Во животот на секоја жена доаѓа момент во кој таа повеќе не зависи од некого за да се сака или да се прифати себеси каква што е. Потрагата по другиот се заменува со потрагата по себе, а желбата да се биде совршена за некого се заменува со желбата да се биде автентична“, рече Шакира на свеченоста.
„Ние жените сме многу посилни отколку што мислиме. Ние сме похрабри од она што мислиме дека сме. Мислам дека сме и понезависни отколку што нè учат да бидеме. Која жена не поминала низ искуството на барање внимание, нежност или одобрување од друг и заборавила на себе. Тоа ми се случи мене“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.