Забава
Фотограф тврди дека Маргот Роби иницирала напад врз него
Фотограф тврди дека бил физички нападнат откога актерката Маргот Роби го посочила и ги навела своите пријатели да го сторат тоа.
Педро Алберто Оркера закрепнува од скршената рака по наводна тепачка на улиците на Буенос Аирес, Аргентина, а во судските документи тврди дека тепачката избувнала кога Маргот (32) го вперила прстот кон него во друштво на пријатели.
Во документите 61-годишниот фотограф наведува: „Госпоѓа Роби, која можев да ја идентификувам, го допре рамото на еден од своите телохранители и покажа со прстот кон мене“.
„Тогаш неколку луѓе почнаа да ме тепаат. Ме удираа силно, се обидов да избегам, но паднав на тротоарот.. ако паднев на главата, сигурно ќе ме убиеја“.
Оркера се обидел да ги фотографира Марго и нејзината колешка актерка Кара Делевињ кога излегувале од ресторан во 3 часот наутро во неделата (2 октомври).
Неговиот адвокат Матијас Морла сугерира дека Маргот може да биде обвинета.
Во изјава за весникот „Сан“ тој рече: „Педро и другите сведоци велат дека Маргот покажала кон него со прстот.
„Ги прати да го удираат. Таа ја дели вината затоа што ги насочила кон фотографот. Ќе побараме таа да стане обвинета и соучесник. Таа не треба да биде само сведок, туку една од обвинетите што мора да презентира доказ“, вели адвокатот.
Џози Мекнамара, филмски продуцент и деловен партнер на Маргот, и Џек Хопкинс, кој работеше на нејзиниот филм „Барби“, беа уапсени на местото на инцидентот и цел ден во неделата го поминаа во притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.