Забава
Џиџи Хадид го нарече Канје Вест насилник и шега
Џиџи Хадид застана во одбрана на модната новинарка на „Вог“, Габриел Карефа-Џонсон, откако Канје Вест се исмеа со стилскиот избор на Габриел како одговор на нејзините критики за контроверзните дуксери со натпис White Lives Matter на грбот, а со ликот на папата Павле напред, кои раперот ги промовира на Модната ревија во Париз.
Коментирајќи на една од објавите на Канје на „Инстаграм“ на сметка на новинарката, 27-годишната Џиџи напиша: „Посакуваш да имаш еден процент од нејзиниот интелект. Немаш поим, хаха… Ако има каква било поента во твоите с*ања, Габриел можеби е единствената личност што може да те спаси“.
Во коментарот Џиџи додаде: дали „честа“ да бидеш поканет на твоја ревија треба да спречи некој да го каже своето мислење? Лул. „Ти си насилник и шега“.
Таа подоцна спорот го префрли на сопствената инстаграм-приказна критикувајќи го раперот „за незрело насилничко однесување“ предупредувајќи на опасноста од тоа постојано да добива платформа за да ги објавува неговите контроверзни ставови.
„Се трудев да не одвојувам време за тој човек, но јавното малтретирање на некој што ја критикува твојата работа на твојата масивна платформа за мене е уште едно ниво на смешно. Ако не можеш да ги поднесеш критиките, особено паметните, нијансирани и љубезни критики што ГКЏ ги даде по вчерашната ревија, тогаш немој да ги покажуваш твоите работи во јавност.“
„Ова е незрело однесување на насилници. Тоа е однесување кое сите го овозможивме со продолжување да се занимаваме со веб-сообраќај од чиста љубопитност или што и да е. Доста е. Не е паметно. Не е интересно, туку е опасно.“
Џиџи се огласи откога Канје објави фотографија од Габриел на својот инстаграм-профил, на која модната новинарка носи здолниште со пруги, жолта графичка маица, сомотско палто во комбинација со кафеави чизми, сина чанта од „Баленсијага“, очила за сонце и дебел ѓердан.
Во описот на објавата Канје напиша: „Ова не е модна личност. Ти најде да зборуваш за Канје…“
Понатаму, во друга објава на истата тема тој повторно ја исмеа Габриел: „Знам дека Ана ги мрази овие чизми“ алудирајќи на славната главна уредничка на „Вог“, Ана Винтур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.