Забава
Јелена Ѓоковиќ воодушеви со изборот на фустан на наградата „Лауреус“
Тенисерот Новак Ѓоковиќ синоќа заедно со сопругата Јелена присуствуваше на доделувањето на спортските награди „Лауреус“ во Мадрид.
По тој повод, Новак Ѓоковиќ петти пат стана најдобар спортист на светот. Српскиот тенисер претходно ја доби престижната награда во 2012, 2015, 2016 и во 2019 година. На Новак наградата му ја врачи Том Брејди, легендата на американскиот фудбал и НФЛ.
Тенисерот на престижното доделување дојде со сопругата Јелена Ѓоковиќ, која воодушеви со изборот на фустан и целокупниот изглед.
Таа носеше црн топ фустан од модната дизајнерка Драгана Огњеновиќ.
Заедно со црниот фустан, Јелена носеше и дискретен накит, а косата ѝ беше во елегантна пунџа.
Новак носеше костум од италијанскиот бренд Brunello Cucinelli. Семејството Ѓоковиќ беше добро расположено и насмеано и им позира на фотографите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Сергеј Трифуновиќ ја напушти Хрватска откако беше протеран од земјата
Актерот Сергеј Трифуновиќ е депортиран од Хрватска, пишува Телеграф.рс.
Актерот на 22.09. пристигнал во Белград, а цело време со него била и сопругата Исидора, родена во Риека.
Потсетуваме, Трифуновиќ беше протеран од Хрватска на три месеци. Овој пат санкцијата не важи за ЕУ, туку само за Хрватска. Одлуката за протерување стапи во сила во првата минута на 23 септември, па Трифуновиќ на 22 септември мораше да биде надвор од територијата на Република Хрватска.
Тој беше уапсен минатата недела околу полноќ на граничниот премин Бајаково додека поминувал од Србија кон Хрватска. Потоа бил спроведен во Општинскиот суд за прекршоци во Сплит. Трифуновиќ пред судот еден ден претходно изјави дека не се чувствува виновен за она за што е обвинет.
Забава
(Видео) Кејт Винслет не сака да има социјални мрежи: „Зарем тоа не е само пречка?“
Холивудската актерка, Кејт Винслет не ги користи социјалните мрежи и не планира.
Кога ја прашале дали би се придружила на некоја од популарните апликации, особено затоа што таа често станува вирална, Кејт изјавила за Entertainment Tonight: „Мислам дека не. Зарем тоа не е само пречка? Како искрено да ги погледнам моите деца и да им кажам дека не сум сигурна дали е добра идеја ако и самата имам“, изјави актерката.
Таа не сака нејзините деца да имаат социјални мрежи
Имено, Кејт не дозволува нејзините деца Миа (24), Џо (21) и Беар (11) да имаат социјални мрежи. Згора на тоа, таа вели дека тоа е забрането во нејзиното домаќинство.
Кејт на оваа тема зборуваше и во 2015 година, кога беше објавен нејзиниот филм за ко-основачот на Apple, Стив Џобс. Тогаш рекла дека не ја бива со технологијата, но дека не е строга со децата кога е во прашање интернетот.
„Не сум строга, но мора да имаш правила. Ние секако ги имаме, да“, рече таа.
Забава
Пивото без алкохол станува сè попопуларно, дури и на Октоберфест
Пивото без алкохол стана сè попопуларно во последниве години, дури и на Октоберфест.
Во Минхен на 21 септември свечено беше отворен традиционалниот фестивал Октоберфест, 189-ти по ред, а до 6 октомври ќе продефилираат милиони љубители на пивото. Сепак, годинава цените на пиво ги уриваат сите рекорди, поради што голем број посетители отворено протестираат.
Цената на половина литар пиво чини од 13,60 до 15,30 евра, па многу пивопијци ќе мора умерено да го пијат омилениот пијалок за да не останат со празни џебови.
Настанот започна со градоначалникот на Минхен, Дитер Рајтер, кој традиционално го чука првото буре пиво, со што го означи 189-от почеток на фестивалот.