Забава
Џеф Безос во еден ден стана побогат за 6,3 милијарди долари

Имотот на најбогатиот човек на свеот, лидерот на американската корпорација „Амазон“, Џеф Безос, се зголеми за 6,3 милијарди долари во само еден ден поради рекордното достигнување на цената на акциите на корпорацијата, објави на својата интернет-страница магазинот „Форбс“.
Како што се наведува, вчера на „Волстрит“ цената на акциите на најголемата светска онлајн-компанија порасна 5,3 проценти, 6-процентен раст еден ден претходно, на рекордни 2.238 долари. Во текот на денот цената била и повисока – 2.290 долари.
Така, богатсвтото на Безос, кој има удел од 11,2 проценти во корпорацијата, во еден ден се зголемило речиси 6,3 милијарди долари и сега изнесува 138 милијарди долари, проценува „Форбс“.
Профитирала и неговата поранешна сопруга Мекензи Безос, која по разводот од милијардерот, стана една од најбогатите жени во светот. Нејзиното салдо, поради растот на цената на акциите, сега е поголемо за 2,2 милијарди долари, односно изнесува 44,8 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Удобен и освежително модерен: најпопуларниот фустан ова лето

Заборавете на тесните кроеви, проѕирните маички и фармерките со низок струк – летото 2025 година носи моден тренд кој е истовремено носталгичен, поетски и изненадувачки освежителен.
Во светот на модата, каде што границата помеѓу удобното и модерно релевантното е заматена секој ден, едно парче заслужува посебно внимание: ноќницата. И не, не е шега – овој навидум скромен памучен фустан стана најпосакуваната летна облека.
Инспирирани од фустаните што би очекувале да ги најдеме во винтиџ фиоки исполнети со лаванда и чипка, ноќницата од следната генерација сега доживува свој голем моден момент. Брендови како „Миу Миу“ и „Клое“ ја претставија на модните писти, а нејзините најлојални обожаватели денес се трендсетерки како Алекса Чунг, уредничка на британскиот „Вог“ и инфлуенсерка на Инстаграм.
Ноќница-фустан, (nightgown dress – како што сакаат да ја нарекуваат во меѓународните модни кругови) е лесна, мека облека, обично изработена од памук, поплин или лесен сатен. Се карактеризира со опуштени кроеви, пристојна чипка, карнери, вез и понекогаш дискретни ремени.
Го евоцира духот на минатите времиња, но во современите комбинации воопшто не изгледа старомодно – всушност, делува освежително модерно.
Додека до неодамна беше резервиран за домашна атмосфера или за ентузијасти, денес овој фустан сјае под сонцето како совршен избор за дневни прошетки, кафе на тераса и вечерни собири. Успешниот стил бара рамнотежа помеѓу романтиката и модерноста.
Модните стилисти препорачуваат комбинирање на овие фустани со цврсти чевли – како што се дебели сандали, кожни влечки или дури и мокасини. Дополнително, впечатливите чанти и накитот во слоеви ќе ви овозможат да не изгледате како штотуку да сте станале од кревет, туку да плените со изглед како да сте од моден едиторијал.
Подемот на овој тренд не доаѓа случајно. Во време исполнето со неизвесност, уморни ретроспективи и силуети кои бараат компромис со удобноста, фустанот-ноќница нуди модно бегство кое носи и физичка и емоционална удобност.
Потсетува на детството, едноставноста, тишината и смирувачките текстури.
Забава
Фотографите ги забележаа „незгодните“ моменти: познатата убавица покажа премногу

Моделот Бела Хадид (28), помладата сестра на Џиџи Хадид, која неодамна го прослави својот 30-ти роденден со момчето Бредли Купер, се прошета низ Њујорк во едно од своите најпровокативни изданија, уште еднаш покажувајќи зошто многумина ја нарекуваат една од најубавите жени на светот.
За лежерна прошетка низ Њујорк, таа носеше искинати фармерки, тесен и целосно транспарентен кафеав топ, кафеави високи потпетици и кожна бомбер јакна.
Таа беше во исклучително добро расположение додека фотографите се обидуваа да го забележат „незгодниот“ момент.
Иако важи за една од најубавите жени, Бела Хадид често е критикувана за нејзината „премногу слаба фигура“, како што беше случајот неодамна во Париз, кога загрижените обожаватели коментираа дека е „како кожа и коски“.
Забава
(Фото) Половина Холивуд ја мрази, но сепак ги привлече сите погледи на црвениот тепих

Холивудската актерка Блејк Лајвли често е во центарот на вниманието за бројни други настани кои немаат никаква врска со модата, но овој пат нè потсети како изгледа кога сака да биде главен лик на црвениот тепих.
Блејк избра бел фустан со корсет, кој изгледаше како да има дупки по целата површина, но тоа беше само илузија.
Долниот дел од фустанот е направен од тил и има набори на колковите, создавајќи совршена женствена фигура. Блејк додаде впечатливи обетки, а долгата коса ја остави едноставно пуштена.
Покрај неа позираше и Рајан Рејнолдс, кој за оваа пригода избра сиво одело во комбинација со бела кошула.
Блејк Лајвли и Рајан Рејнолдс важат за еден од најомилените холивудски парови, и иако актерката неодамна беше во центарот на вниманието поради помали скандали, нивната популарност не опадна.