Забава
Џони Деп ќе поднесе жалба за случајот со таблоидот, кој го нарече тепач на жена

Холивудската sвезда Џони Деп денес ќе побара дозвола да го обжали поразот во битката за клевета со британски таблоид, кој го нарече тепач на жена.
Ендру Никол, судија на Кралскиот суд на правдата во Лондон, во ноември минатата година донесе одлука дека Деп физички ја напаѓал својата поранешна сопруга Амбер Херд за време на нивната бурна петгодишна врска и ја довел до ситуација да стравува за животот.
Во пресуда, со која сериозно може да се наруши угледот и кариерата на Деп, судијата рече дека ги прифаќа тврдењата на поранешната сопруга на актерот дека тој бил насилник. Според него, „подносителот на барањето не успеа да ја докаже постапката за клевета“.
Одлуката следува по три недели рочишта, при што судот слушна сензационални тврдења од Деп (57) и Херд (34) за насилни испади за кои се обвинуваа меѓусебно.
На крајот на процесот, кога нивиот клиент ја загуби битката, адвокатите на Деп изјавија дека пресудата е толку погрешна што ќе биде смешно да не се обжали.
Деп ги тужеше News Group Newspapers, издавач на весникот „Сан“, и главниот уредник Дан Вутон во врска со напис од 2018 година, во кој се вели дека бил насилен кон Херд.
В четврток правниот тим на Деп ќе аплицира за дозвола за жалба и за потпирање на дополнителни докази. Рочиштето, кое се очекува да трае околу два часа, ќе биде пренесувано во живо на каналот на Апелацискиот суд на „Јутјуб“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Со гол задник на забава по „Оскарите“ – Зои Кравиц во необично издание го привлече вниманието

По доделувањето на „Оскарите“ во 2025 година, режисерката на „Блинк твајс“, Зои Кравиц, излезе да ја прослави големата филмска ноќ на забавата на „Венити фер“ во облека што не остави многу на имагинацијата.
Зои носеше елегантен сатенски фустан со долги ракави во должина до подот. И додека изгледаше целосно покриена напред, задниот дел имаше мрежести исечоци што ги изложија нејзиниот грб и голиот задник.
За да го надополни изгледот, таа ја носеше косата во едноставна пунџа, а дел од нејзиниот изглед беа и дијамантските обетки.

epa11937165 Zoë Kravitz attends the 2025 Vanity Fair Oscar Party, an annual event held in conjunction with the Academy Awards ceremony, at the Wallis Annenberg Center for the Performing Arts in Beverly Hills, California, USA, 02 March 2025. EPA-EFE/JILL CONNELLY
Забава
Најголемите скандали во историјата на „Оскарите“: тепачка, бакнеж, одмазда, протест

Свеченото доделување на „Оскарите“ е во фокусот денес.
За некои скандали во текот на годините сè уште се зборува. Во продолжение мала ретроспектива.
Марлон Брандо одби „Оскар“
Во 1973 година се случи нешто сосема неочекувано. Славниот актер Марлон Брандо одби „Оскар“ за улогата на Вито Корлеоне во „Кум“. Потоа на сцената ја испрати Сачин Мало Перо, актерка со индијанско потекло за да го прочита неговото писмо.
Во него се вели дека Брандо не сакал да го прифати „Оскарот“ „поради начинот на кој филмската индустрија ги третира Индијанците, домородните луѓе на американскиот континент“.
Шер во специфична креација
Каков список би бил ако на него не се најде славната Шер? Освен што влезе во историјата како жена со најконтроверзните излегувања во историјата на „Оскарите“, Шер предизвика и мал скандал со едно такво излегување.
Шокантниот изглед во здолниште со ниска половина, со минијатурен горен дел, кој едвај ѝ ги покрива градите, и круната со пердуви, влезе во историјата. Во тоа време Шер сакаше да ѝ се одмазди на филмската индустрија затоа што не беше номинирана за улогата во филмот The Mask.
Бакнежот на Анџелина Џоли
Ова е нешто што се прераскажува секоја година. Кога Анџелина доби „Оскар“ во 2000 година, таа на малку чуден начин прослави со својот брат Џејмс Хевен.
Фотографијата на која го бакнува својот брат во устата бргу стана вирална потсетувајќи многумина дека актерката веќе неколкупати изјавила колку е вљубена во својот брат.
Познатата шлаканица
Ова се случи во блиското минато и на не баш убав начин го одбележа целото доделување на „Оскарите“. Вил Смит тогаш предизвика скандал кога му удри шлаканица на Крис Рок, кој претходно се пошегувa на сметка на сопругата на Смит, Џејда Пинкет Смит.
Познато е дека таа нема коса поради алопеција, но Рок решил тоа да го искористи како основа за шега.
Иако Смит подоцна доби „Оскар“, му беше забрането да присуствува на церемонијата во следните десет години.
Забава
Шон Бејкер на „Оскарите“ го достигна рекордот што го држеше Волт Дизни цели 70 години

Шон Бејкер освои четири златни статуетки на синоќешното доделување на „Оскарите“ израмнувајќи го рекордот што 70 години го држеше Волт Дизни, едно од најголемите имиња во Холивуд.
Со освојувањето на „Оскарите“ за најдобар филм, најдобра режија, најдобра монтажа и најдобро оригинално сценарио за филмот „Анора“, Шон Бејкер стана само втората личност што го направила тоа.
За разлика од Дизни, Бејкер ги освои сите четири награди за еден филм, односно победи во сите категории во кои беше номиниран, а петтиот „Оскар“ за филмот „Анора“ ѝ припадна на Мајки Медисон за најдобра женска улога.
Успехот на оваа вечер претставува продолжување на големиот подем на Бејкер, кој претходно важеше за уметнички режисер и аутсајдер бидејќи не доби ниедна номинација пред овој филм.
Ако сака да го брка успехот на Дизни, на Шон Бејкер му претстои долг пат бидејќи славниот Дизни имаше вкупно 22 „Оскара“.