Контакт

Забава

Манекенка тежи 227 килограми

Објавено пред

Американката Габи Џонс која е тешка 227 килограми реши да му докаже на светот дека манекенството не е привилегија на витките.

dobivaj vesti na viber

Американката Габи Џонс која е тешка 227 килограми реши да му докаже на светот дека манекенството не е привилегија на витките.

Можеби Џонс нема да ја видиме рамо до рамо со Наоми Кемпбел, но љубителите на боди артот сигурно ќе ја забележат.

Русокосата Џонс се испроба како модел за сликање на телото а уметникот Дејвид Браунер  кој црташе по телото на Габи, призна дека бил зачуден и дека ова е сосема ново искуство за него.

За Габи Џонс на која ова не и е вистинското име се знае многу малку. Таа со овој потег сакаше да ја потсети јавноста на сите луѓе кои имаат проблем со гојазноста особено во САД.

Како дел од акцијата таа пливаше во базен за да покаже дека и покрај вишокот килограми  таа секојдневно се бави со физички активности./крај/сн/ми



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Блејк Лавли заработувала по 50.000 евра дневно за снимањето на филмот „Ова завршува со нас“

Објавено пред

Од

Откриена е платата на актерката Блејк Лајвли за нејзината улога во „Ова завршува со нас“ како дел од правната битка што ја води со својот колега Џастин Балдони. Правните документи покажуваат дека 38-годишната актерка заработила речиси 1,5 милион евра за шестнеделното снимање на романтичната драма или нешто повеќе од 50.000 евра дневно, според „Дејли мејл“.

dobivaj vesti na viber

Дополнителни бонуси и успех на киноблагајните

Покрај основната плата, договорот вклучувал и бонус од 171.000 евра ако Лајвли освои „Оскар“ за улогата на цвеќарката Лили Блум и 85.000 евра за номинација. Блејк и нејзината компанија требало да добијат и дополнителни 214.000 евра ако филмот, кој се појави во кината во август минатата година, заработи повеќе од трипати повеќе од својот буџет.

Филмот, кој ја следи турбулентната врска помеѓу Лили Блум (Лајвли) и Рајли Кинкејд (Балдони), има значаен комерцијален успех. Со буџет од 20,7 милиони евра филмот заработи 300 милиони евра во целиот свет и покрај мешаните критики.

Правната битка се интензивира

Овие финансиски детали се појавија само неколку дена откако поранешниот агент на Џастин Балдони ја обвини Блејк за изнуда за време на продукцијата. Според транскриптот од сведочењето добиен од „Дејли мејл“, агентот Дени Гринберг тврдел дека однесувањето на актерката на снимањето и во постпродукцијата станувало сè понепредвидливо. Во разговор со Балдони во јули 2024 година тој ги опишал нејзините постапки како „континуирана изнуда и обид за преземање контрола врз филмот“.

Гринберг подоцна појасни дека под изнуда не се осврнувал на буквално кривично дело, туку на кумулативното однесување и зголемениот притисок врз продукциските компании „Вејфарер“ и „Сони студиос“. „Дејли мејл“ контактирал со претставниците на актерката за коментар, но сè уште нема одговор, а претставниците на Балдони одбиле да коментираат.

Тужби за меѓусебно вознемирување и клевета

Правната битка почна во декември 2024 година кога Лајвли го тужеше Балдони за наводно сексуално вознемирување на снимање, што тој жестоко го негира.

Балдони и неговото студио „Вејфарер“ одговорија со контратужба за клевета против Лајвли, нејзината публицистка Лесли Слоун и сопругот Рајан Рејнолдс. Балдони исто така поднесе тужба од 400 милиони долари против „Њујорк тајмс“ за она што тој го тврди дека било сензационалистичко известување за обвинувањата, но таа тужба беше отфрлена во јуни оваа година.

Прикажи повеќе...

Забава

Северина на настап: Имам корона, не приближувајте ми се

Објавено пред

Од

Северина настапи во Задар пред неколку дена. Пејачката ја поздрави публиката по пристигнувањето на сцената и спомена дека е болна.

dobivaj vesti na viber

„Добровечер на сите. Многу ми е мило што сум на вашата забава, ова ми е веќе не знам кој пат по ред. И имам корона, затоа не приближувајте ми се“, рече 53-годишната пејачка од Сплит, пренесува „023.Задар“.

По настапот во Задар, Северина продолжи со подготовките за претстојните концерти во Загреб и во Сплит.

Северина ќе настапи во Сплит на 24 октомври, а на 7 и 8 ноември во Загрепската арена.

Таа ја нарече серијата концерти „Ја само пјевам“, а последен пат настапи во Загрепската арена на 7 декември 2019 година на турнејата The Magic Tour. Публиката последен пат имаше можност да ја види во „Сплит грип“ на 21 април 2017 година, на концертната промоција на мјузиклот „Наша била шторија“, во кој настапи со Теди Спалат.

Прикажи повеќе...

Забава

Ѕвездата од „Вовед во анатомија“ фотографиран во инвалидска количка на аеродром, болеста бргу напредува

Објавено пред

Од

Ѕвездата на серијата „Вовед во анатомија“, Ерик Дејн, вчера беше фотографиран во инвалидска количка на аеродромот „Пирсон“ во Торонто видливо ослабен среде неговата тешка борба со амиотрофичната латерална склероза (АЛС). 52-годишниот актер ја откри својата дијагноза во април, објавува „Дејли мејл“.

dobivaj vesti na viber

Облечен во карирана кошула, тренирки и бејзбол-капа, Дејн ја држеше главата спуштена, а изразот му беше мрачен. Сцената се случи само неколку недели откога актерот се мачеше да зборува додека разговараше со новинар на аеродром во Вашингтон. Кога го прашаа што би им рекол на своите обожаватели, Дејн тивко одговори: „Имај верба, човече“.

Дејн првпат ги забележал своите први симптоми, слабост во десната рака, на почетокот на 2024 година, првично мислејќи дека се должи на замор. По месеци тестирање, официјално му беше дијагностицирана дијагнозата во април.

До јуни тој веќе ја изгубил функцијата на десната рака. Иако очекуваниот животен век за пациентите со АЛС е обично од три до пет години, состојбата на Дане бргу се влошила. Сепак, извори блиски до него велат дека е решен да остане храбар и покрај својот страв.

„Тој ја знае својата судбина и се обидува да сфати како сака да ужива во животот, да биде светилник на надеж и да им помага на другите. Тој исто така сака да го искористи ова време за да го помине со своето семејство и пријателите“.

АЛС е тешка, прогресивна невродегенеративна болест, која ги зафаќа нервните клетки (неврони) во мозокот и во ‘рбетниот мозок. Овие клетки ги контролираат движењата на мускулите – одење, зборување, голтање и дишење. Како што напредува болеста, овие неврони умираат предизвикувајќи мускулите постепено да ослабуваат, атрофираат и да ја изгубат функцијата.

Во сето тоа неговата поранешна сопруга и долгогодишна пријателка, актерката Ребека Гејхарт, остана една од неговите најголеми поддржувачи.

Двојката се венча во 2004 година, само десет месеци по запознавањето. Нивниот брак преживеа многубројни предизвици, вклучувајќи го и скандалот од 2009 година кога излезе приватно видео од него и од моделот Кари Ан Пениче. И покрај контроверзноста, тие останаа заедно и ги добија ќерките Били во 2010 година и Џорџија во 2011 година.

Актерот се бореше со зависности многу години. За време на снимањето на серијата „Вовед во анатомија“ притисокот од славата го доведе до тешка ситуација, а во 2011 година отиде на рехабилитација поради зависност од лекови против болки. „Не бев истиот човек за кој ме ангажираа, па разбирам зошто ме отпуштија“, рече тој за неговото заминување од серијата. Се врати со улога во „Последниот брод“, но во 2017 година повторно побара помош за депресија.

Една година подоцна, Гејхарт поднесе барање за развод по 14 години брак, но двојката вети дека ќе остане блиска поради своите деца. Тие го одржаа тоа ветување.

Откако на Дејн му беше дијагностицирана АЛС, Гејхарт наводно ја стави постапката за развод на чекање за да го издржува.

„Ние сме најдобри пријатели. Многу сме блиски. Одлични родители сме“, изјави таа неодамна. Извор близок до двојката потврди дека нивната обновена врска е клучна за актерот.

„Таа е тука за него во секоја смисла на зборот… сите имаат иста цел, а тоа е да им го дадат на своите деца најдобриот можен живот“.

фото:принтскрин

Прикажи повеќе...

Најново

Македонија1 час

Одобрено обвинението против сопственикот на фирмата за обезбедување на „Пулс“

Кривичниот суд информира дека е одобрено и второто обвинение за пожарот во дискотеката „Пулс“ во Кочани, со што предметот преминува...

Топ3 часа

Пукање во Ѓорче Петров, жител пријавил дека му е скршен прозорецот од дневната соба, а во куќата нашол две зрна од оружје

Доцна синоќа во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот...

Македонија4 часа

Се гледаме во вториот круг, рече Шукова и повика недела да биде празник на демократијата и на слободата на одлучување

Кандидатката за градоначалничка на Скопје од СДСМ, Каја Шукова, ја заокружи кампањата за првиот изборен круг со повик до граѓаните...

Македонија5 часа

Секој изгубен ден во политички престрелки е изгубена можност за Скопје, в недела масовно да излеземе, повика Ѓорѓиевски

На последниот ден од изборната кампања за првиот круг на локалните избори, кандидатот за градоначалник на Скопје од ВМРО- ДПМНЕ,...

Македонија5 часа

Андоновски: Македонија добива современ и сеопфатен план за дигитален развој

Министерот за дигитална трансформација, Стефан Андоновски, денеска ја претстави новата Национална стратегија за информатичко-комуникациски технологии – „СМАРТ/МК 2030“, со што,...

Свет6 часа

Нема моќно оружје за Украина: Трамп ја менува приказната по разговорите со Путин

Американскиот претседател Доналд Трамп денес ќе го угости украинскиот претседател Володимир Зеленски во Белата куќа, но има сè повеќе знаци...

Македонија7 часа

(Фото) Министерот за здравство се вакцинира против грип: Апелирам граѓаните навреме да се заштитат

Министерот за здравство Азир Алиу денеска го посети одделението за епидемиологија во Гостивар, каде и тој прими вакцина против сезонскиот...

Европа9 часа

(Видео) Русија: Нападнавме украински аеродром, каде што беа стационирани авиони на НАТО

Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...

Свет9 часа

Зеленски реагира на најавениот самит Трамп – Путин: тој денес пристигнува во Белата куќа

Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...

Европа9 часа

(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците

Претседателот на САД, Доналд Трамп, изјави дека за време на разговорот со рускиот претседател Владимир Путин ја споменал можноста Украина...

Регион9 часа

Пицула ја критикува ЕУ за пофалбите што ги дава на Србија: „Наместо тоа, барајте вистински реформи“

Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...

Свет10 часа

Дописник на Би-би-си: Заборавете на „томахавките“, состанокот Трамп – Путин е ладен туш за Украинците

Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....

Македонија10 часа

Шукова: Време е за резултати, уреден Бутел, нови паркови, подобар превоз и вода за сите

Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...

Свет21 час

Трамп по телефонскиот разговор: Ќе се сретнам со Путин во Будимпешта

Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...

Македонија1 ден

МВР со детали: Поткопан е темелот на куќата на Владо Малески, против сторителот ќе биде поднесена кривична пријава

Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....

Македонија1 ден

Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски

Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...

Македонија1 ден

Поради сериозен дефект, МРТВ не емитува три дневника: се проверува дали е намерен упад во системот

Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...

Македонија1 ден

Родителите на жртвите од „Пулс“: Привремено се прекинуваат блокадите, маршевите продолжуваат секоја сабота

Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...

Македонија1 ден

Прекин на испораката на гас за ЈСП, можни се отстапувања од возниот ред

ЈСП информира дека до утре ќе има прекин на испораката на гас и поради тоа е можно да има прекин...

Македонија1 ден

На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани

Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...