Пријанка Чопра Џонас е дел од актерскиот тим на новиот „Матрикс“, научнофантастична акција поставена во дистописка иднина во која машините ја заземаат планетата Земја.

Атрактивната Индијка – актерка, модел и мис на светот за 2000 година – откри дека публиката ќе биде изненадена од ликот кој го толкува во филмот.

На прашањето дали ќе глуми суперхероина, Пријанка рече: „Не. Не можам да ви откријам повеќе, но таа е нешто што не го очекувате.“

„Она што можам да го кажам е дека завршив со снимањето и ова е првиот филм што го направив по избувнувањето на пандемијата, и никогаш не сум се чувствувала побезбедно на сет“, изјави 38-годишната актерка за „Варајети“.

Холивудската актерка Шејлин Вудли (29) вели дека клучот за добар секс е комуникација меѓу партнерите.

29-годишната актерка откри дека имала лош секс „повеќе од еднаш“ во животот, и додава дека најдобриот совет кога станува збор за ревитализација на нејзиниот сексуален живот е да биде „искрена и транспарентна“ со партнерот.

Во колумната Ask Her („Прашај ја неа“) за машката веб-страница „Лeo“, едно лице праша: „Ако сексот не е одличен, а врската цвета, дали ќе прекинете или ќе работите на тоа?“ Шајлин одговори: „Јас сум била во таква ситуација. И да бидам искрена, тоа се случи повеќе од еднаш во мојот живот.“

„Сè што можам да кажам од моја перспектива како жена што знае што сака и не се плаши да го каже тоа е дека искреноста и транспарентноста се сè. Ако не се чувствувате безбедни во комуникацијата со вашиот партнер, тогаш големи се шансите можеби никогаш нема да можете да негувате вистински сврзувачки сексуален живот. И, ако се чувствувате безбедно, тогаш зборувајте за вашите потреби. Без разлика дали тие се исполнети или не. Прашајте ги вашите партнери за нивните потреби“.

Sвездата на „Големи мали лаги“ рече дека изнаоѓање добра рамнотежа во врската може да одземе доста време, додавајќи дека повеќето луѓе немаат одличен секс сè додека не станат „вистински интимни“ едни со други.

Канје Вест не е воодушевен што неговиот развод со Ким Кардашијан Вест ќе биде тема на реалити-шоу, пренесуваат таблоидите.

Ким, звездата на „Дружење со семејството Кардашијан“, наводно ќе разговара за крајот на нејзиниот брак во последната серија на семејното шоу, а раперот не е импресиониран.

Неименуван извор изјави за списанието „Ју-ес викли“: „Тој не е нималку одушевен. Таа ќе продолжи да се фокусира на својата бизнис-империја. Ким одеше на индивидуално советување и сега смирено размислува за следните чекори во нејзиниот живот”.

Минатата недела порталот „Пејџ сикс“ објави дека претстојната серија на „КУВТК“  ќе содржи сцени во кои Ким се отвора за нејзиниот шестгодишен брак со раперот и што ги натерало тие да одлучат да го прекинат бракот.

„Кардашијанови имаат намера да излезат јавно, во нивни стил. Тие ја снимија Ким како разговара за своите брачни проблеми“, рече извор за порталот.