Забава
Лејди Гага и Бијонсе го започнаа мега-настанот „Еден свет: Заедно дома“
Лејди Гага, Пол Мекартни, Ролинг Стоунс и Бијонсе започнаа глобален ивент исполнет со музика, комедија и лични сведоштва, а Гага настанот го нарече „љубовно писмо“ посветено на здравствените работници и сите други од првите редови во борбата против пандемијата на коронавирус.
Во двочасовната ТВ емисија со наслов „Еден свет: Заедно дома“, емитувана преку повеќе телевизиски канали во САД и во други држави ширум светот, учествуваа ѕвезди на поп музиката и други познати личности снимени од нивните домови, а меѓу другите свој придонес дадоа Елтон Џон, Стиви Вондер, британската фудбалска ѕвезда Дејвид Бекам и поранешните американски први дами Мишел Обама и Лора Буш.
Се очекува да се појават и Опра Винфри, Андреа Бочели, Селин Дион, Били Ејлиш и десетици други.
„Јас сум многу благодарна на здравствените работници, медицинските работници, сите работници во супермаркетите, курири-испорачувачи, поштенските работници, и на сите вклучени во непрофитни активности за нивните надчовечки напори во екот на пандемијата“, рече Гага.
„Ова е вистинско љубовно писмо до сите вас низ целиот свет и се надевам потсетник за добротата и љубезноста што се случува во моментов“, додаде таа.
Настанот е организиран од Светската здравствена организација (СЗО) и непрофитната организација “Глобал Ситизен“ со цел да се одбележат напорите на здравствените работници во справувањето со пандемијата на коронавирус во која загинаа повеќе од 150.000 луѓе во светски рамки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Марко Новески објави прва фотка со близначињата: „Мојата дупла среќичка“
Водителот Марко Новески на својот Инстаграм профил објави прва фотографија со новородените близначиња Веда и Вања.
Новески, на 23 април 2024 откри дека заедно со сопругата станале родители и тогаш на неа и се заблагодари на сопругата што му го остварила најголемиот сон.
View this post on Instagram
10-тина дена по раѓањето, Марко објави фотографија, а во прегратка му се двете дечиња.
„Мојата дупла среќичка“, напиша тој,
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.