Две британски туристки биле приведени и затворени на Крф затоа што на еден Грк на плажа на шега му ја скриле облеката.

Дваесетгодишните Шона Кокс и Вики Абон од Есекс со месеци штеделе за одмор во Грција кога една безопасна шега се претворила во хорор. Тие се запознале со група момчиња од Грција и решиле да се пошегуваат со едното од нив и му ја скриле облеката додека момчето пливало во морето.

Момчето пријавило кражба во полиција. Двете девојки биле уапсени и поминале 24 часа во келија без храна и платиле 1.600 фунти глоба и уште 600 фунти за часовник „ролекс“, кој бил во еден од џебовите на панталоните на момчето.

Наводно, момчето пријавило во полиција дека девојките го ограбиле.

Девојките се пожалиле во британската амбасада дека им биле загрозени основните човекови права затоа што условите во келијата во која го поминале денот биле нехумани.

„Нашата приказна е предупредување за сите што ќе одат во Грција. Можеби е убава дестинација за летување, но ако западнете во неволја и ако ви треба помош, ќе ве третираат на овој начин“, рекле девојките.

Колку знаете за плакот што се создава на забите на децата и што треба да преземете за темелно да го отстраните? Ексклузивниот застапник за линијата „лакалут“, „Натусана Македонија“, подготви кампања за да ги едуцира родителите за правилната орална хигиена кај децата со цел отстранување на плакот, што е потребно за да се заштитат нивните заби, која храна треба да се јаде, а која да се одбегнува и други важни совети.

Во склоп на кампањата „Натусана“ организира и голем награден натпревар на kids.lacalut.mk, во кој учество ќе може да земат семејства со дечиња над четиригодишна возраст, кои ќе го купат специјалното пакување од детските пасти за возраст од 4 до 8 и 8+ со гратис раствор за отстранување на плакот.

Детектирајте го плакот кај децата со новото специјално пакување Lacalut

Малите невидливи чудовишта (производ на храната и пијалаците што се консумираат секојдневно) се присутни на површината на забите и многу често се случува поради неправилна техника на четкање, овие остатоци да формираат плак што останува на забите и може да предизвика кариес. Специјалните нови пакувања од детската линија „лакалут“, наменети за возраст од 4 до 8 и 8+, кои во себе вклучуваат гратис раствор за детектирање на плакот, ќе им помогнат на родителите и дечињата лесно да го детектираат плакот, а со тоа да се погрижат најмалите членови во семејството да практикуваат темелна орална хигиена. На родителите сите информации потребни за правилна и темелна хигиена и отстранување на плакот им се достапни на kids.lacalut.mk.

Вклучете се во натпреварот

Во склоп на кампањата, на kids.lacalut.mk од 17 септември почнува и голем награден натпревар кој ќе трае два месеца. Во овој период учесниците ќе треба да ја покажат својата креативност преку прикачување фотографија со специјалните пакувања наменети за возраст од 4 до 8 и 8+, растворот што доаѓа гратис во овие пакувања, како и да напишат мисла со која ќе опишат како тие ги разоткриле чудовиштата на забот (симбол за остатоците што остануваат на забите и го создаваат плакот).
Најкреативните десет учесници ќе освојат годишна резерва на производи „лакалут“ за целото семејство!
За повеќе информации, следете ја фан-страницата на Четко Четковски!

Венеција, градот познат по своите канали, е туристичка Мека последниве години, а бројот на туристи далеку го надмина бројот на населението и предизвикува притисок врз ограничената инфраструктура во градот. Властите во Венеција сега размислуваат да им забраната на луѓето да седат и да лежат на земја како дел од острите мерки против невоспитаните туристи, пренесува „Гардијан“.

Предлогот е на градоначалникот на Венеција, Луиџи Бруњаро, и ќе спроведе забрани со казни од 50 до 500 евра ако забраната се прекрши. Градскиот совет треба да гласа за предлогот во октомври. Властите, исто така, размислуваат да ја забранат музиката на чамци, кои се главно превозно средство за жителите бидејќи сообраќајот на моторни возила е забранет во Венеција.

Бруњаро го направи приоритет управувањето со туристичката индустрија уште од неговиот избор во 2015 година. Тој ги предводеше напорите со мерки кои се движат од парични казни за непослушните туристи до зголемено полициско присуство.

Фрлањето отпад, бесцелното талкање и оскудно облечените туристи веќе можат да бидат казнети со парична казна до 500 евра. Во мај, официјални претставници на Венеција го забранија отворањето нови продавници за храна во следните три години во обид да го намалат бројот на туристи што јадат на скалите пред црквите и на историски мостови.

Минатата година градскиот совет на Венеција даде зелено светло за мерките предложени од Бруњаро, вклучувајќи го отворањето пунктови во прометните делови, зголемување на бројот на полицајци, нови мапи со алтернативни туристички рути и промовирање на помалку познатите знаменитости на Венеција.