Забава
Цинкот сообраќаец во организмот

Цинкот делува како сообраќаец, насочувајќи и надгледувајќи делотворен тек во организмот, одржувајќи ензимски системи и ќелии
Битен е за синтеза на протеини.Ја регулира способноста за контрактибилитетот на мускулите.Го помага создавањето инсулин. Значаен е за стабилитетот на крвта и за одржување телесна рамнотежа на киселината и базата. Врши влијание на нормализирање на делувањето на простатата и важен е за развој на сите органи за репродукција. Новите истражувања укажуваат на неговото значење за функционирање на мозокот и лечење на шизофренија. Постојат силни докази за неговата потреба за синтеза на ДНК. Препорачаната дневна доза е 15 мг за возрасни. Претерано потење може да предизвика губење на 3 мг цинк дневно. Најголем дел од цинкот добиен преку храната се губи преку преработка или го нема во чувствителни количини ако тлото е оскудно со хранливи состојки.Што цинкот може да стори за вас:Го скратува времето за исцелување на внатрешни и надворешни рани.Ги отстранува белите дамки од ноктите.Помага да се излечи губитокот на вкусот.Помага при лечењето неплодност.Помага во спречување на проблемите со простатата.Помага во растежот и бистрината на умот.Помага при намалување на наслагите на холестеролот.Помага при лечењето ментални пореметувања.Заболувања кои настануваа поради недостаток на цинк:Можна хипертрофија на простатата (неканцерозно зголемување на жлездата), артериосклероза.Природни извори:Говедски бут, јагнешки котлети, свинско каре, пченични никулци, пивски квасец, семки од тиква, јајца, сенф во прав.Додатоци:Го има во сите мултивитамински и мултиминерални додатоци.Најдобро е да се зема хелиран цинк.Цинкот е достапен и во комбинација со витаминот Ц, магнезиум и Б-комплексот.Токсичност:Практично е нетоксичен, освен кога се зема во претерани количини и кога храната била складирана во галванизирани посуди.Совет:Ако земате големи количини витамин Б6, потребно е да земате повеќе цинк. Ист е случај и ако сте алкохоличар или дијабетичар.Луѓето кои имаат проблеми со простатата – а и тие кои немаат – добро ќе сторат ако одржуваат високо ниво на цинк во организмот.Постарите личности кои патат од сенилност, треба да знаат дека додатоците од цинк и манган се од полза.Ако ве мачат нередовни менструации, можете да пробате со додаток на цинк пред да се вратите на лечење со хормони заради воспоставување регуларност.Запомнете: ако на храната и додавате цинк, ги зголемувате своите потреби за витамин А. Цинкот најдорбо делува со витаминот А, калциум и фосфор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Италијански град нуди одмор за едно евро: Што е вклучено во понудата?

Кампањата за куќи од едно евро стана вообичаен начин за зголемување на населението во напуштените италијански села. Сега еден град на Сицилија користи слична тактика за да привлече повеќе туристи да ги посетат.
Сикулиана, град во провинцијата Агриџенто на Сицилија, на туристите им нуди одмор за едно евро. За помалку од цената на едно еспресо, туристите можат да поминат долг викенд во приморски град на Сицилија, пишува „Еуроњуз“.
Градскиот туристички одбор се надева дека можноста за одмор за само едно евро ќе привлече повеќе посетители во областа за време на вонсезоната, но и дека ќе стане препознатлива туристичка дестинација ширум светот.
Што е вклучено во понудата?
Сикулиана нуди бегство платено со сите трошоци за неколку среќни патници. Сè што треба да направат е да ја платат сицилијанската туристичка такса која чини едно евро. Понудата вклучува двојно сместување, оброци и тури со водич, но туристите мора сами да си го платат патувањето до овој град на западниот брег на островот.
Понудата беше организирана од Туристичкиот одбор на Сикулиана, а победниците ќе престојуваат во еден од партнерските објекти на организацијата. Избраните посетители по пристигнувањето ќе бидат пречекани со пијалок за добредојде во хотелот, а ќе уживаат и во пијалок во пристаништето. Тие исто така можат да уживаат во екскурзии со водич до атракции во областа, како што се Марина Сикулиана и природниот резерват Торес Салса со заштитените плажи и необични карпи.
Но, за да имате шанса да го освоите вашиот одмор од соништата, ќе мора да бидете креативни.
Како можете да освоите одмор од едно евро?
Заинтересираните страни треба да достават оригинално видео во кое ги објаснуваат нивните мотиви за учество. Значи, ако никогаш не сте слушнале за ова место, може да биде непријатно. Но, туристичкиот одбор на Сикулиана нуди неколку идеи за тоа што да се каже, на пример, фрази како „заслужуваме одмор“, „ја сакаме Сицилија“ и „сакаме да јадеме сицилијанска храна“ ќе ви помогнат да победите.
За да влезете, мора да имате над 18 години и да снимите видео. Во вашата апликација, мора да наведете дали патувате со пријател, член на семејството или партнер, како и нивната возраст, град на живеење и информации за контакт преку телефон и е-пошта.
Апликациите ќе ги оценува Туристичкиот одбор, кој бара различни елементи на успешна апликација, вклучувајќи оригиналност и креативност, причини за посета, како и ентузијазам и желба да се открие Сикулиана. За време на празниците, од учесниците ќе биде побарано да снимат видео-дневник од нивниот престој во Сикулијана и да ги споделат најважните моменти од секој ден со Туристичкиот одбор.
Има места за 10 парови, а победниците ќе бидат објавени на 20 март.
Апликациите се отворени до 15 март.
Забава
Забавата се сели од Дојран во Штип – „Д фестивал“ ја менува локацијата

„Д фестивал“ од оваа година ќе се одржува во Штип.
Градоначалникот на Општина Штип, Иван Јорданов, потврди дена во јули во подножјето на тврдината „Исар“, кај реката Брегалница, ќе се одржи „Д фестивал“ и ќе трае три дена.
„Многу е важно шти три дена во месец јули во градот Штип ќе дојдат илјадници посетители, ќе го закупат целиот град, целиот сместувачки капацитет, градот ќе живее во ритамот на фестивалот“, рече Јорданов.
Фестивалот ќе се одржи на отворено со соодветна кампинг зона за посетителите и неколку бини.
„Д Фестивал“ годинава ќе се одржи по 15 пат.
Забава
Уште едно познато име се споменува во правната драма помеѓу Блејк Лајвли и Џастин Балдони

Правната битка меѓу американската актерка Блејк Лајвли и Џастин Балдони доби нов пресврт, бидејќи во целата ситуација сега е вмешано уште едно познато име. Откако пејачката Тејлор Свифт стана дел од оваа правна драма, сега се споменува и актерот Хју Џекмен.
Конфликтот помеѓу Блејк и Џастин трае веќе неколку месеци, а тужбите кои ги поднеле еден против друг само дополнително ја искомплицирале ситуацијата.
Блејк Лајвли го тужеше Џастин Балдони за сексуално вознемирување, создавање непријателска средина на снимањето и обвинувања за организирање кампања со цел да се оцрни нејзината репутација. Меѓутоа, Џастин возврати со тужба и во неа го спомна сопругот на Блејк, Рајан Рејнолдс, што предизвика дополнителна тензија. Покрај тоа, во неговата тужба се споменува и името на Тејлор Свифт, што значително ја оддалечило пејачката од нејзината блиска поранешна пријателка.
Според новите информации, актерот Хју Џекмен би можел да биде повикан да сведочи во овој случај. Адвокатскиот тим на Балдони го истражува однесувањето на Рајан Рејнолдс за време на снимањето на „Ова завршува со нас“, а Џекмен би можел да има клучна улога во разјаснувањето на тие тврдења.
Џекмен и Рејнолдс се долгогодишни пријатели, а двајцата глумеа во филмот „Дедпул и Вулверин“. Постои можност Џекмен да биде повикан на сослушување пред судењето за да помогне да се разјасни ситуацијата.
Изјавата на Џекмен може да биде пресудна бидејќи тој често бил во друштво со Блејк и Рајан за време на снимањето на филмот „Ова завршува со нас“. Џекмен исто така помогна во промовирањето на филмот, а изворот верува дека веројатно бил свесен за негативните разговори што се воделе за Балдони.
Исто така, се тврди дека Џекмен учествувал во вкрстена промоција на филмот со Тејлор Свифт, што сугерира дека сите тие биле поврзани во тоа време.
Адвокатот Брајан Фридман, кој го застапува Балдони, неодамна тврдеше дека филмот „Дедпул и Вулверин“ го исмева Балдони преку ликот на Ниспул. Ликот носел фризура која Балдони ја носел во минатото, а во дијалогот на Ниспул се споменува социјален активизам, што, според адвокатот, е јасна референца за Балдони.
Фридман истакна дека шегите што Рајан Рејнолдс ги правел во „Дедпул и Вулверин“ всушност го исмевале Балдони, што сериозно ги поткопува тврдењата на Блејк за сексуално вознемирување. Според него, доколку Блејк била сексуално вознемирувана, не би било соодветно нејзиниот сопруг да се исмева со Балдони.
Изворот напомена и дека на сослушување би можела да биде повикана и Тејлор Свифт, бидејќи била блиска пријателка на Блејк Лајвли, но неодамна се оддалечиле. Сите овие нови околности може дополнително да ја искомплицираат правната битка која трае веќе неколку месеци.