Забава
Совети за подолг и поздрав живот

Прочитајте ги и обидете се да ги следите овие едноставни совети кои вашиот живот ќе го направат поубав и подолг. Нема причина да се чувствувате лошо кога со само мало менување на некои животни навики се случуваат толку многу промени на подобро. Да почнеме!
1.Вежбајте јога – го намалува крвниот притисок, ја подобрува флексибилноста и ве ослободува од стресот.
2.Контролирајте го стресот – го зголемува крвниот притисок, а намалува имунитетот.
3.Внимателно со виното – умереното пиење е добро за срцето поради антиоксидансите кои ги има во овој пијалок, но ако претерате го зголемувате ризикот за рак на устата, како и проблеми со црниот дроб и бубрезите.
4.Откако се утврди врската меѓу болестите на непцето и оние на срцето не заборавајте добро да ги исчистите забите!
5.Ризикот од дебелина е еднаков како и ризикот од пушење. Дури 30 000 смртни случаи годишно се поврзани со преголема тежина.
6.Чувајте домашно милениче – докажано го намалува крвниот притисок, стресот, а ги зголемува шансите за живот по сериозни боледувања.7. Заборавете на скарата. Готвење месо на високи температури создава хемиски реакции кои го зголемуваат ризикот за рак на желудник, панкреас, дојка и на дебелото црево.8. Средете си го дворот. Истражувањата покжуваат дека само со прошетка низ убава градина значително се намалува стресот, а работењето низ двор согорува калории, го затегнува телото и го изострува умот.9. Не за солариумот! Го зголемува ризикот од рак дури за 20% за секоја декада во која сте биле на солариум пред да наполните 60 години.10. Редовно мерете притисок. 120 000 мозочни и срцеви удари може да се избегнат и 62 000 животи годишно можат да бидат спасени со едноставно мерење и соодветно контолирање на крвниот притисок.11. Ослободете се од депресијата. Еден од петорица луѓе пати од депресија, а таа буквално убива. Симптомите може да бидат исцрпеност, чувство на беспомошност и вина, недостиг од мотивација, немање самодоверба, вознемиреност, постојана загриженост. Доколку сте депресивни, побарајте помош.12. Околу милион луѓе имаат дијабетис, а не знаат за тоа. Проверете да не случајно сте еден до нив. Симптомите вклучуваат екстремна жед, зачестено мокрење, губење тежина, умор.13. Глаукомата напаѓа еден на секои 50 луѓе на возраст над 40 години. Вообичаено нема сиптоми се додека болеста не е толку развиена што видот е трајно оштетен. Затоа, тестирајте се и дознајте навреме.14. Следете ги промените на кожата. Консултирајте го докторот за промените на кожата, модринки кои не поминуваат за еден месец, израстоци, нови бемки, стари бемки кои се зголемуваат, ја менуваат бојата, ве чешаат, крварат или закораваат.
15. Имајте редовен и квалитетен сон, но немојте да се залажувате со излежување во кревет. Веднаш станете и започнете со секојдневните активности.
Работете, спортувајте, хранете се здраво, имајте квалитетен сон.. Време е за промена на вашите животни навики!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Џастин Бибер објави нов албум

Пејачот Џастин Бибер го издаде својот прв албум по четири години, насловен Swag. Седмиот албум со 21 песна беше неочекувано објавен денеска, а пејачот зборува за своите искуства како сопруг и татко, среде онлајн шпекулациите за неговиот брак со Хејли Бибер.
Бибер почна да објавува тизери на Инстаграм синоќа, а мистериозни билборди се поставени на локации низ целиот свет. Новиот албум е опишан како „едно од неговите најлични музички дела досега“.
Хејли, ќерка на американскиот актер Стивен Болдвин и сопруга на Бибер од 2018 година, за Vogue во мај изјави дека постпородилниот период бил „многу тежок“ и дека раѓањето на нивниот син Џек Блуз Бибер во август минатата година било „едно од најтешките нешта“ низ кои морала да помине.
Swag го следи албумот Justice од 2021 година.
Забава
Едноставни навики што може да го намалат шеќерот во крвта

Високото ниво на шеќер во крвта станува сè почест проблем, не само за луѓето со дијабетес.
Одржувањето на стабилна гликоза во крвта е клучно за спречување на флуктуации на енергија, намалување на заморот и одржување на долгорочно здравје на срцето.
За среќа, нема потреба да се посегнува по строги диети или лекови – експертите за исхрана и здравје велат дека едноставните промени во вашите дневни навики можат да ви помогнат успешно да го контролирате нивото на шеќер во крвта.
Првиот чекор во контролата на шеќерот во крвта е да се намали ефектот на оброците врз нивото на гликоза. Ова значи дека треба да изберете храна со помалку рафинирани јаглехидрати и повеќе влакна и протеини.
Наместо бел леб и бел ориз, дајте им приоритет на интегралните житарки, зелениот лиснат зеленчук, интегралното овошје и посните протеини. Таквата комбинација овозможува побавно ослободување на шеќер во крвотокот, со што се избегнуваат ненадејни скокови и падови на енергија.
Движење по оброците – едноставна и ефикасна навика
Движењето по оброците е еден од најефикасните начини за намалување на нивото на шеќер во крвта. Американската асоцијација за дијабетес (ADA) препорачува 30-минутна прошетка по главниот оброк, бидејќи тогаш мускулите ја користат гликозата од крвта како извор на енергија.
Покрај спречувањето на скокови на шеќер, редовната физичка активност ја подобрува и чувствителноста на инсулин, што е клучно за спречување на дијабетес тип 2.
Студија објавена во списанието Diabetologia во 2022 година покажа дека умереното одење по оброците може да го намали нивото на шеќер во крвта до 30%. Оваа едноставна рутина, покрај контролирањето на гликозата, придонесува и за подобро варење, намалување на заморот и одржување на здрава телесна тежина.
Водата помага во регулирањето на шеќерот
Покрај вежбањето, соодветната хидратација игра важна улога. Пиењето доволно вода ги стимулира бубрезите, што пак им помага да го елиминираат вишокот гликоза од телото преку урината.
Експертите препорачуваат дневен внес од 1,5 до 2 литри вода, додека засладените сокови и енергетските пијалоци треба да се избегнуваат бидејќи можат дополнително да го зголемат нивото на шеќер во крвта.
Забава
Рики Мартин се одмора на Малта

Пејачот од Порторико знае како да ја подигне температурата на мрежите и не се срами да го стори тоа…
Рики Мартин веќе некое време престојува на Малта, на заслужен одмор. Се чини дека пејачот ужива на сонцето и доброто друштво и не го крие својот ентузијазам за оваа егзотична дестинација.
View this post on Instagram
Неодамна објави компилација од атрактивни фотографии од плажа, а неговите извајани стомачни мускули ги воодушевија обожавателите.
„Навистина ми се допаѓа“, „О, Боже“, „Моја симпатија засекогаш, те сакам, згоден“, се само некои од коментарите.
Да потсетиме дека Рики Мартин се разведе од сопругот Џван Џозеф во 2023 година, но тие останаа во добри односи поради децата што ги добија преку сурогат мајка.
„Одлучивме да го завршиме нашиот брак со љубов, почит и достоинство кон нашите деца, почитувајќи сè што доживеавме како двојка сите овие години“, изјави двојката во изјава за People.