Забава
Во Кина годишно се извршуваат 13 милиони абортуси
Во Кина годишно се извршуваат 13 милиони абортуси, а во истиот период се продаваат 10 милиони апчиња за контрацепција
Околу 13 милиони абортуси се извршуваат во Кина годишно. Според властите, причина за тоа е ниското ниво на едукација кај младите за контрацепцијата што придонесува за зголемена бројка на младата женска популација која се решава на прекинување на бременоста, поради годините или, пак, поради полови болести. Во просек, помалку од еден од трите испитаници од бесплатната линија за совет во Шангај знаел како да избегне забременувањето, а само еден од петмина бил информиран за венеричните зболувања. Дневниот весник China Daily цитира извор кој учествувал во проучување направено во шангајската 411-та Воена болница. „Сексот меѓу младите веќе не се смета за табу и тие мислат дека можат да научат се’ преку интернет. Но, тоа не значи дека кај нив се развило правилно разбирање и однос кон сексот“, изјавил гинекологот Ју Донјанг.Во 90-тите гоини на минатиот век кинеските лекари бараа мажените жени да можат да направат абортус во клиниките, што беше дел од државната стратегија за планирање на семејството коешто ги ограничување семејствата од урбаните средини на едно дете. Сега, пак, владините податоци покажуваат дека речиси две третини од жените кои абортираат се на возраст од 20 до 29 години, а повеќето од нив не се во брачни заедници. Бирото за контрола на наталитетот повеќе обраќа внимание на младите брачни двојки. Некои од жените може да побараат дозвола за абортус доколку се болни, затоа што не можат да добија „хукоу“, односно карта за регистрација на семејство со која се добива картон за нивното дете. А без таков картон, за кинеските граѓани е речиси невозможно да добијат достапност до образовниот систем, здравственото осигурување и други јавни услуги за нивното дете. Во Кина годишно се продаваат десет милиони контрацептивни апчиња, а и огромна е бројката на нелегални абортуси, покрај многуте абортуси кои се вршат во клиниките, изјавил Ву Шангчун, директор на Комисијата за планирање на населението и семејно планирање.За споредба, пак, во САД со четири пати помалку население од Кина, според податоците на Центарот за контрола на болести се вршат годишно околу 820 илјади абортуси, без државите Калифорнија, Луизијана и Њу Хемпшир за кои нема податоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меган Маркл и принцот Хари предупредени за две сценарија доколку војвотката продолжи да го засенува војводата
Војводата и војвотката од Сасекс се најдоа на насловните страници за време на нивната посета на Нигерија, а тоа предизвика шпекулации бидејќи некои набљудувачи забележаа дека Хари изгледа загрижен додека Меган навидум е во центарот на вниманието. Ова беше првото официјално меѓународно излегување на двојката по нивното драматично напуштање на кралските должности пред четири години.
Кралскиот коментатор Данкан Ларкомб, како што обајвуваат британските медиуми, за оваа посета вели: „На 39 години Хари изгледа како да му е удобно на игра втора виолина на неговата доминантна, 42-годишна сопруга. Меган е многу силен карактер, многу енергична и крајно амбициозна, а тоа се карактеристики што значат дека таа речиси секогаш ќе го засенува Хари и ќе го привлекува вниманието на себе. Хари е целосно во нејзина сенка, но тој никогаш не се чувствуваше пријатно кога беше во центарот на вниманието, никогаш вистински не уживаше во тоа“.
Следејќи ја динамиката на парот, д-р Сона Капур, клинички психолог, вели дека од ваквото однесување, кога едната личност ја засенува другата во врската, се можни две сценарија како исход.
„Ако Хари е задоволен што Меган го надминува, тоа значи силна самоувереност и заемна поддршка. Ако не се менаџира добро, тоа може да додаде притисок, кој има потенцијал да предизвика чувство на несоодветност или огорченост. За успех, потребни се отворена комуникација, меѓусебна поддршка и обезбедување сигурност дека двајцата партнери имаат можност да ги следат своите интереси и да блеснат“, објаснува Капур за британските медиуми.
Коментаторот Ларкомб посетата на Нигерија ја нарече „шоуто на Маган“, во кое Хари бил тргнат настрана, а Меган ја оцени како магнет за внимание.
Забава
Џејсон Момоа има нова девојка, тој е во врска со 12 години помлада актерка
Момоа, еден од најпосакуваните холивудски актери, повторно се бакнува.
44-годишниот актер ја потврди новата романса со објава на „Инстаграм“. Момоа ја посети Јапонија со пријателите, а меѓу фотографиите со друштвото беа и оние со новата партнерка, порториканската актерка Адрија Арјона.
„Многу сме им благодарни на сите што ги отворија своите домови правејќи спомени со нови и стари пријатели, споделувајќи уште една неверојатна авантура со мојата љубов“, напиша тој во објавата.
Актерката е 12 години помлада од Момоа, а за актерот ова не е прва голема разлика во години. Имено, неговата поранешна сопруга Лиза Бонет е 12 години постара од него. Момоа и Бонет имаат две деца, а се разведоа во јануари 2024 година. Поранешните сопружници имаат заедничко физичко и правно старателство над 16-годишната ќерка Лола и 15-годишниот син Накоа-Волф.
Арjона има и еден пропаднат брак зад себе. Во 2019 година актерката се омажи за својот партнер, со кого беше во долга врска, адвокатот Едгардо Каналес, но не е познато кога парот раскина.
Забава
Позната манекенка во Кан за малку ќе откриеше премногу во фустан со висок шлиц
Една од најбараните манекенки во светот, Ања Рубик, го привлече вниманието на Канскиот филмски фестивал со фустан со висок шлиц.
Рубик се појави на премиерата на Horizon: An American Saga, во режија на Кевин Костнер, облечена во фустан од Сен Лоран со висок шлиц. Изгледот го комплетира со едноставна фризура, нагласена шминка и високи потпетици, со кои дополнително ја истакна својата фигура.
Меѓутоа, за разлика од Бела Хадид и руската манекенка Наташа Поли, Рубик доби само пофалби од обожавателите.
„Само вие можете грациозно да го соблечете овој фустан“, „Толку сте жешки“, „Ги надминавте помладите колешки“, беа само дел од коментарите на социјалните мрежи.
Инаку, Рубик влезе во модната индустрија во 1998 година, а нејзиниот прв ангажман беше на Модната недела во Париз.
Досега има работено со многу луксузни модни брендови, меѓу кои Bottega Veneta, Marc Jacobs, Oscar de la Renta, Dior и многу други. Српскиот модел Саша Кнежевиќ ја побара за жена во 2010 година, а една година подоцна се венчаа на Мајорка. Сепак, тие се разведоа во 2015 година.