Контакт

Забава

Вештакот на сообраќајната несреќа на Тоше Проески конечно проговори за случајот

Објавено пред

Човекот кој изврши увид на местото на сообраќајната несреќа, Дарко Коњевиќ, во која животот го загуби Тоше Проески, после две години го раскажува случајот, а пренесува хрватскиот портал index.hr

dobivaj vesti na viber

Речиси две години поминаа од загинувањето на мега-македонската музичка ѕвезда, Тоше Проески. Дарко Коњевиќ кој изврши увид на местото на настанот конечно го раскажува трагичниот настан кој се случи на автопатот Загреб-Липовац кај Нова Градишка во кој животот го изгуби македонскиот пејач и балкански миленик, Тоше Проески.„Предната страна на автомобилот во кој беше Тоше, поради силниот удар, се превиткала во внатрешноста до 2,2 метри под товарната приколка на возилото кое било пред нив. Во тој момент притисокот од товарната приколка бил премногу голем врз туарегот која зафатила до половина кров од десната страна, во која Тоше бил во полулежечка состојба врзан со безбедносен појас. Од силниот удар телото на Проески нагло се подигнало, а во истиот момент кровот на возилото со голема тежина се спуштал надолу кон неговата глава. Неговата глава во своето поместување нагло застанала, но телото продолжило да се мрда, така што неговата смрт настапила кога неговата глава била притисната во правец на долниот дел од телото“, изјави Коњевиќ за Вечерњи Лист и додава дека Тоше не настрадал од ударот на средниот дел на туарегот како што се кажуваше, туку смртниот момент настапил кога приколката удрила странично од десно.Коњевиќ исто така коментираше и за тоа дека ниту едно од безбедносните перничиња не било активирано.„Непосредно по несреќата ја тестиравме управничката единица, која ги координира сите безбедносни перничиња, и наидовме на откритие дека тој механизам воопшто „не знае“, поточно не добил информација дека ударот се случил. Тоа е премногу чудно, па во својот извештај напишав дека причината е недоволен простор. Имено, туарегот можел да вози и 200 км на час на левата лента од автопатот и да не се случи ништо. Но, клучно е дека возилото најпрво било на десната страна, па почнало да го претекнува поспорото возило пред себе, но не почнало на време да го претекнува возилото пред себе.“Да потсетиме дека по извештајот од хрватските вештаци, во Македонија беше побарано повторно вештачење врз туарегот, а вештачењето го правеа вештаци од Техничкиот Факултет од Битола. Според двата извештаи, причина за несреќата не била брзината на возилото, туку несовесноста на возачот и невремено реагирање.„Не е брзината главниот виновник, туку нереагирањето и невнимавањето на возачот од туарегот, Ѓорѓи Ѓорѓиевски. Можеби заспал, правел нешто друго во моментот, на пр. слушал музика или зборувал на мобилен“, за таа прилика изјави Стоилко Златковски професор на Техничкиот Факултет во Битола. Според наодите од хрватските вештаци, во моментот на несреќата Ѓорѓиевски возел 171 км на час, а македонските вештаци тврдат дека брзината била нешто помалку околу 140 и 158 км на час. Но, вештаците имаат еден ист заклучок дека брзината не била главниот виновник, затоа што и при најмала брзина, резултатот би бил повторно кобен за Тоше Проески. Туарегот удрил многу лошо така што и при најмала брзина ударот би бил смртоносен. Македонските вештаци тврдат дека ниту една функција не откажала од возилото, а безбедносните перничиња не се активирале бидејќи намалувањето на брзината не била доволно за да реагира механизмот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Родени да бидат најдобри: хороскопски знаци кои имаат најголемо его на светот

Објавено пред

Во светот на астрологијата, секој хороскопски знак има свои карактеристики што го прават уникатен.

dobivaj vesti na viber

Додека некои знаци се карактеризираат со скромност и секогаш остануваат во сенка, постојат и такви кои сакаат да се истакнуваат и се убедени дека секогаш се најдобри – во работата, љубовта, општеството или која било друга животна ситуација.

Овие хороскопски знаци често покажуваат самодоверба која лесно може да се претвори во претерано его. Еве листа на хороскопски знаци кои веруваат дека се родени да бидат најдобри во сè што прават.

Лав
Не е тајна дека Лавовите сакаат да бидат во центарот на вниманието. Сонцето му дава на овој знак безгранична енергија и вродена потреба за восхит. Лавовите често веруваат дека сè што прават мора да биде најдобро – од нивниот избор на облека до нивните деловни презентации.

Тие едноставно не можат да поднесат просечност и секогаш се стремат кон совршенство, дури и ако тоа значи газење врз мислењата на другите. Нивната самодоверба може да биде инспиративна, но во некои ситуации таа се доживува како ароганција.

Овен
Овните се познати по својата борбена природа и неверојатна храброст. Нивното верување дека се најдобри произлегува од постојаната потреба да бидат први и најбрзи. Овните тешко го прифаќаат поразот и секој неуспех го гледаат како лична навреда.

Секогаш подготвени за предизвик, Овните веруваат дека се супериорни во однос на другите, што често може да ги доведе во конфликти, но исто така им дава сила да освојат цели што другите дури и не се обидуваат да ги постигнат.

Јарец
Иако на прв поглед можеби не изгледа така, Јарците имаат огромно его кое го хранат преку достигнувања и амбиции. Тие не се фалат гласно како Лавовите, но длабоко во себе веруваат дека се поспособни и попаметни од повеќето луѓе.

Јарците се сметаат себеси за природни лидери, а нивната потреба да ја докажат својата извонредност ги тера постојано да се искачуваат по општествената и деловната скала. Ако се соочите со нив, очекувајте ладен и одмерен одговор што ќе ве потсети колку се уверени во својата супериорност.

Близнаци
На прв поглед, Близнаците можеби не изгледаат егоцентрични, но нивната потреба секогаш да бидат во право може да остави впечаток на претерано големо его. Тие сакаат да бидат во центарот на разговорот и се убедени дека имаат најдобро чувство за хумор, најинтересни приказни и најмногу информации.

Нивното интелектуално его честопати не им дозволува да ги почитуваат мислењата на другите луѓе, а кога ќе се најдат во расправија, ќе направат сè за да докажат дека се најпаметни.

Прикажи повеќе...

Забава

(Видео) Наполни 47 години, а изгледа како да има 25: ја „запали“ плажата во бикини

Објавено пред

Прекрасната Никол Шерцингер го прослави својот роденден, објавувајќи фотографија во бикини и воодушевувајќи ги обожавателите со својата зачудувачка фигура по којзнае кој пат.

dobivaj vesti na viber

Никол Шерцингер со години е на врвот на листата на најжешки жени во светот – и со право. Неодамна го прослави својот 47-ми роденден и се пофали со снимка во зебра бикини кое, како и секое друго, ја истакнува нејзината завидна фигура.

Поранешната членка на популарната група „Пусикет Долс“ го прослави својот роденден за време на паузата од настапот на Бродвеј во мјузиклот „Sunset Boulevard“, и буквално ја запали плажата со ова издание.

Таа го објави видеото на Инстаграм, на кое позира среќно, истакнувајќи ја својата беспрекорна фигура, а овој пат луѓето ја обсипаа со комплименти.

„46, бевте златни!“, напиша Никол и додаде: „Луѓето родени во 2000 година полнат 25 години… И јас“, а нејзините следбеници ѝ испратија најубави коментари заедно со нивните желби за роденден: „Дефинитивно изгледаш помладо од 25 години“, „Убава“, „Икона“, „Прекрасна си“…

Исто така, знаеме дека таа е многу внимателна во однос на здравиот начин на живот, па во следното видео покажа како медитира на зајдисонце и не се знае што е поубаво – таа или природата со која е опкружена.

„Уште една година околу сонцето“, рече таа.

Прикажи повеќе...

Забава

Четири чекори за нега на кожата по вежбање

Објавено пред

Некои од вас сакаат да стануваат рано за да вежбаат, додека други претпочитаат навечер. Сепак, едно нешто што треба да се прави без оглед на времето е негата на кожата по тренингот.

dobivaj vesti na viber

Вежбањето предизвикува потење, што може да доведе до затнати пори, акни или фоликулитис. Дополнително, тесната спортска облека што се трие од кожата може да предизвика иритација или дури и враснати влакна. Запомнете дека теретаните и просторите за вежбање содржат бактерии кои можат да се пренесат на кожата, што потенцијално може да предизвика појава на акни.

Чекор 1: Измијте го лицето

Првиот чекор секогаш треба да биде нежно чистење на лицето за отстранување на потта и вишокот себум. Чистењето е важно по тренинг бидејќи остатоците, маслото и бактериите можат да останат во отворените пори, што може да доведе до воспаление. Исто така, ја зголемува циркулацијата на крвта во кожата, правејќи ја почувствителна од вообичаеното.

Чекор 2: Пилинг на лицето

Премногу, можеби ќе кажете, но ексфолијацијата е неопходна по тренингот, бидејќи порите се затнуваат со пот, себум и загадувачи. Изберете го вашиот омилен ексфолијант. Може да биде лосион, серум или маска, со состојки како алфа хидрокси киселина (AHA), бета хидрокси киселина (BHA), салицилна киселина или гликолна киселина.

Чекор 3: Пилинг за тело

Пенаста купка или пилинг за тело помага во ексфолијација на кожата, а воедно ја подготвува за хидратација. Ако сакате да ги зголемите придобивките од ексфолијацијата, носете ракавици за ексфолијација додека се туширате.

Чекор 4: Хидрирајте ја кожата

Постои голема веројатност вашата кожа да е малку дехидрирана по тренингот, па затоа е важно да ја рехидрирате. Идеално, ќе сакате да започнете со хидратантен и смирувачки крем за лице со хијалуронска киселина, зелен чај, итн. Потоа нанесете лесен хидратантен крем за дополнително зголемување на нивото на влага во вашите клетки и лосион за тело.

Дополнителен чекор: Доколку тренингот ви е преку ден, кремата за сончање е задолжителна. Конечно, не заборавајте да пиете доволно течности за да ја вратите внатрешната хидратација на вашето тело!

Прикажи повеќе...

Најново

Свет25 минути

Иран: Американските бомби сериозно го оштетија Фордоу

Американското бомбардирање на клучниот ирански нуклеарен објект Фордоу сериозно го оштети местото, изјави иранскиот министер за надворешни работи, Абас Араки,...

Македонија44 минути

Арсовска до амбасадорката Агелер: „Не ви е малку незгодно во листата на ВИП гости што ви беа лица кои треба да ви се на црна листа на санкции“

Градоначалничката на град Скопје, Данела Арсовска преку социјалните мрежи упати прашање до американската амбасадорка Анџела Агелер. „Добро утро Амбасадорке Агелер,...

Свет2 часа

(Видео) Силна бура во Сиднеј: урнати дрвја, повеќе од 35.000 домови без струја, откажани десетици летови

Силна бура го погоди Сиднеј втор ден по ред, соборувајќи дрвја, оставајќи илјадници домови без струја и принудувајќи ги домашните...

Свет2 часа

Трамп: Израел се согласи на условите за 60-дневно примирје во Газа

Американскиот претседател Доналд Трамп вчера изјави дека Израел се согласил со условите за конечен договор за 60-дневен прекин на огнот...

Европа3 часа

(Видео) Бомбардер Су-34 се урна во Русија

Руски борбен авион Су-34 се урна вчера за време на воена вежба во регионот Нижни Новгород, објави руската државна новинска...

Македонија14 часа

Сиљановска-Давкова се сретна со шпанскиот премиер Педро Санчез

Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со...

Топ17 часа

(Фото) Запленети околу 100 килограми марихуана во Струмица, уапсени три лица

Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите...

Македонија18 часа

Филипче: Не е време за калкулации, ниту за ситнопартиски интереси, СДСМ останува силен промотор на европската идеја

Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за...

Македонија19 часа

Уписот во средно в година ќе биде подигитален од годинешниот: родителите нема да трчаат да ги скенираат свидетелствата, тие дигитално ќе се преземаат

Годинешното дигитално пријавување во средните училишта значеше само повеќе мака и ангажман на родителите во споредба со претходните уписи. Иако...

Македонија20 часа

(Видео) Мицкоски: Не прифаќаме наметнувања под маска на европскиот процес

Не прифаќаме наметнувања под маска на европскиот процес, изјави премиерот Христијан Мицкоски, на заедничката прес – конференција со еврокомесарката за...

Топ23 часа

Го удрил со тупаница докторот што му давал лекарска помош, а потоа тепал и полицајци: предложен притвор за 28-годишник

Основното јавно обвинителство Битола поведе постапка против едно лице за кое постои основано сомнение дека сторило дело – Напад врз...

Македонија1 ден

Арсовска со отворено писмо до Михалис Рокас: Во секоја држава има мафија, само во Македонија мафијата си има своја држава

Градоначалничката на Град Скопје, Данела Арсовска упати отворено писмо до Михалис Рокас, Амбасадор на Европската Унија во Македонија. „Почитуван господин...

Свет1 ден

Трамп остро му одговори на Маск: Без субвенции, би се вратил дома, во Јужна Африка

Американскиот претседател Доналд Трамп повторно јавно го нападна Илон Маск, тврдејќи дека без владини субвенции, шефот на „Тесла“, „Спејс Екс“...

Свет1 ден

Маск жестоко го нападна законот на Трамп: „Ќе изгубат, дури и ако ми е последно“

По објавувањето на неговото повлекување од политичкиот свет, милијардерот и основач на Тесла, Илон Маск, речиси веднаш се врати во...

Свет1 ден

Трамп потпиша укинување на санкциите против Сирија

Американскиот претседател Доналд Трамп вчера потпиша извршна наредба со која се укинуваат санкциите на САД врз Сирија, со што се...

Свет1 ден

Палестинците во Газа протестираа со фотографии од убиени израелски деца

Група Палестинци во Појасот Газа покажаа слики од израелски деца убиени од Хамас на 7 октомври 2023 година, за време...

Македонија2 дена

Мицкоски-Кос: нагласена определбата на Владата за интеграција во ЕУ, достоинствено и преку спроведување на суштински реформи

Премиерот Христијан Мицкоски, денес во Скопје оствари средба со еврокомесарката за проширување и добрососедска политика, Марта Кос, која престојува во...

Македонија2 дена

Достапни се лековите за третман на онколошки заболувања, сите пациенти ја добиваат потребната терапија, вели директорот

Од Клиниката за радиотерапија и онкологија информираат дека сите пациенти ја добиваат потребната терапија и дека се достапни лековите за...

Македонија2 дена

Нема повредени лица во запалениот глисер во Охридското Езеро

Денеска во 10,30 часот, во полициската станица за граничен надзор „Охридско езеро“, пријавено е дека на пловен објект глисер кој...

Македонија2 дена

(Видео) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина

СДСМ од првиот ден предупредуваше дека Владата на ВМРО ДПМНЕ ја става државата во заложништво на други држави – наместо...