Забава
Елементал и Мунспел на Boom Таксират Фестивал
Boom Taksirat Festival оваа година ќе ги претстави најдобриот хрватски хип-хоп состав „Elemental“ и најпродаваниот бенд во историјата на португалската музика, металците „Moonspell“
Овие два бенда ќе настапат на главната вечер на Boom Taksirat Festival што ќе се одржи на 5.12.2009 година. „Elemental“ во основа е хип-хоп бенд кој не следи строги стилски одредници, туку патува во различните музички жанрови и ги позајмува најпрепознатливите елементи и на тој начин го збогатува сопствениот музички стил. Elemental е основан 1998 година и до сега има издадено четири студиски албуми.Бендот важи за состав кој става голем акцент на живите свирки, има динамични настапи и извонредна комуникација со публиката. Бендот никогаш не робувал на музичките трендови. Својата музика не ја сметаат за производ, туку за свој уметнички израз, па се трудат во песните да внесат иновативност, креативност, оргиналност и секако свој стил . Не се оптоваруваат со бројот на албуми или синглови што ќе ги продадат.Групата во 2005 година беше номинирана за три награди „Порин“. Реми вокалистакта на Елементал , пак, доби „Златна кугла“ за најдобар вокал. Освен овие, бендот освои голем број признанија во кариерата и одржа повеќе од 100 концерти во Хрватска, но и во Босна и Херцеговина, Словенија и Македонија. Во февруари 2008 година излезе последниот албум на составот, Под притиском. На него „Elemental“ се претставува во пожесток и поостар звук, а во стиховите истражува експлицитни и општествено релевантни теми. Додека пак за сите љубители на готик музиката ќе имаат шанса да уживаат во настапот на Moоnspell. Тие се португалски блек метал-готик бенд формиран во 1989 година под името Morbid God . По преименувањето во Moonspell во 1992 година, бендот го издава својот прв сингл „Under the Moonspell“ што е најава за нивниот прв албум „Wolfheart“ со што ја освојуваат сцената и стануваат еден од најпрепознатливите рок-бендови од Португалија. Moonspell најголемата слава ја постигна со нивниот албум „Sin/Pecado“ и стана единствен метал-бенд кој покрај „Metallica“ и „Iron Maiden“ бил на прво место на португалските топ-листи. После издавањето на албумот „Memorial“ , во 2006 година „Moonspell“ станува прв португалски бенд со златен тираж.„Moоnspell“ ја освои метал публиката во Европа и Америка, а во Германија албумот „Memorial“ беше на врвот на топ-листите со месеци.„Moоnspell“ се добитници на бројни награди, а златните тиражи на нивните албуми зборуваат за популарноста на овој бенд. Во 2006 година победуваат на MTV Europe Music Award во категоријата Best Portuguese Act. Сценскиот настап, костимографијата и секако музиката што ја создава овој необичен состав ќе биде мотив повеќе да го посетите овогодинешното издание на Boom Taksirat Festival .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Генијален трик со кибрити ќе ја спаси секоја билка што вене
Ставањето кибрити во саксија можеби ви звучи како суеверие, но зад овој трик стои и наука. Со негова помош можете да одгледувате поздрави растенија кои побрзо ќе цветаат и ќе даваат плодови.
Доколку вашите билки и собни растенија не напредуваат, иако имаат доволно светлина и топлина, причината може да биде недостиг на есенцијални минерали во почвата или присуство на штетници.
Поставувањето кибрити во земјата околу растенијата во саксии создава средина што ги одбива штетниците, а истовремено ги „храни“ растенијата со неопходни минерали.
Кибритите содржат фосфорен сесквисулфид, калиум-хлорид и мали количини магнезиум и железни оксиди. Некои видови содржат и црвен фосфор.
Сулфурот во кибритите помага во борбата против штетници без употреба на хемикалии штетни за луѓето, додека калиум-хлоридот и црвениот фосфор делуваат како дезинфициенс и природен пестицид и се сметаат за безбедни за употреба, наведува „Ask Prepper“.
Често е тешко да се одреди точната количина ѓубриво за растенијата. Тие најдобро напредуваат со почести и помали дози, што бара редовна рутина.
Растенија како бамја, модар патлиџан и пиперки се особено зависни од хранливите материи во почвата, но и чувствителни на нивната рамнотежа. Прекумерна количина азот од хемиски ѓубрива може да доведе до буен раст на листови, но без цветови и плодови.
Користењето кибрити како природно ѓубриво ги елиминира овие проблеми. Со редовно наводнување, влагата постепено ги раствора главите на кибритите, ослободувајќи сулфур, фосфор и магнезиум, кои ги хранат растенијата.
Фосфорот и фосфорниот сесквисулфид го поттикнуваат развојот на пупки. Доволно е да забодете 10 до 20 кибрити во земјата, така што главите да бидат добро закопани. Најдобро е тие да се постават на половина растојание меѓу работ на саксијата и стеблото. Не ги ставајте премногу блиску до стеблото за да не го оштетите коренот.
pexels
Забава
Застани и погледни каде си: хороскоп за последните денови од 2025
Последните денови од 2025 година не носат големи ветувања, туку тивка, но силна порака – застанете и погледнете каде сте. Ова е период на затворање циклуси, внатрешни пресметки и свесно отпуштање на сè што ве исцрпува. Малите одлуки сега имаат долгорочно влијание.
Ова не е време за пасивно чекање, туку за активна лична одговорност, јасност и искреност кон себе.
Овен – Успорување и поставување граници. Помалку обврски значат повеќе енергија.
Бик – Вредности и пари. Крај на трошоци и односи што не ве почитуваат.
Близнаци – Комуникација. Искрен разговор носи олеснување.
Рак – Емоционален баланс. Учите да не ги носите туѓите грижи.
Лав – Идентитет. Престанувате да се докажувате – суштината останува.
Девица – Здравје и рутина. Мали промени носат брзи резултати.
Вага – Односи. Бирате мир и стабилност, не компромис по секоја цена.
Шкорпија – Контрола. Ослободувањето носи вистинска сила.
Стрелец – Насока. Ги преиспитувате целите и правите искрен избор.
Јарец – Одговорност кон себе. Балансот станува подеднакво важен како и обврските.
Водолија – Иднина и планови. Идеите сега стануваат темел за 2026.
Риби – Внатрешен глас. Интуицијата води – тишината носи одговори.
Забава
„Зooтопија 2“ стана најпрофитабилен холивудски филм за 2025 година
Вториот дел од приказната на неочекуваното дуо, „Зоотопија 2“, е официјално најпрофитабилниот холивудски филм за оваа година.
Анимираното продолжение на Дизни , преполно со животински ликови, веќе достигна импресивни 1,13 милијарди долари светски приходи само 20 дена по премиерата, победувајќи го римејкот на „Лило и бод“, кој заврши со 1,03 милијарди долари.
Сепак, надвор од Асоцијацијата на филмски уметници, кинескиот анимиран блокбастер „Не Жа 2“ останува најголемата заработка во 2025 година со огромни 1,9 милијарди долари.
depositphotos

