Забава
Во Jемен починала 12-годишна невеста поради преуранет секс
Дванаесетгодишна јеменска невеста почина од внатрешно крвавење по сексуален однос со сопругот, само три дена откако со сила била омажена, соопшти Фондот за деца на ОН (УНИЦЕФ)
Според Сигрид Кааг, регионален директор на УНИЦЕФ за Блискиот исток и Северна Африка, девојчето било омажено за човек најмалку двојно постар од неа. Тој додава и дека нејзината смрт е болен потсетник за ризиците со кои прерано омажените девојчиња се соочуваат. Од Фондот не дадоа никакви дуги информации за девојчето.Смртта на 12-годишната невеста е последна во серијата вакви трагедии поради распространетите детски бракови во Јемен, каде што се уште се води дебата која возраст да биде погласена за минимална при склопување на брак. Во септември минатата година, исто така 12-годишната Фавзија Амоди умре при породување, заедно со своето бебе. Таа се мачела со породилните болки цели три дена, пред да почине. „Иако непосредната причина за смртта на Февзија беше лекарска негрижа, вистинската причина е недостигот од образование во Јемен и фактот дека детските бракови и натаму се масовна појава“, вели Кааг. Децата-невести се многу честа појава во Јемен. Според податоците на ОН, секое трето девојче се мажи пред да наполни 18 години. Повеќето се присилно омажени за многу постари мажи, кои згора на тоа имаат и по неколку други сопруги. За родителите на девојчињата, нивното мажење значи дека тие повеќе не се нивна ниту финансиска, ниту морална обврска. Во повеќето случаи, родителите добиваат ветување од сопругот дека нема да го „конзумира“ бракот пред девојчето да порассне барем уште малку. „Раните бракови ги изложуваат девојчињата на ризикот да останат без образование, изложени на насилство, злоупотреба и експлоатација, па дури и на смрт поради прерана бременост и други компликации“, велат од УНИЦЕФ.Прашањето на детските бракови во Јемен се најде на насловните страници на сите светски медиуми во 2008 година, кога 10-годишната Наџуд Али беше извадена од основното училиште и присилно омажена. Нејзиниот сопруг почнал да ја силува и да ја тепа само неколку недели по свадбата. За да избега, Наџуд повикала такси, по прв пат во животот, за да ја одведе до зградата на главниот суд, каде што седнала на клупа и одбивала да замине пред да се сретне со судија. По судскиот процес, кој беше темелно следен од медиумите, на Наџуд и беше дозволен развод.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.