Забава
Круг во поле крие математичка теорема
Воодушевувачки круг в поле базиран на „најубавата математичка теорема на светот“ се појавил во поле близу една воденица во Вилтшир, Британија
Комплексниот диск со дијаметар од 91,4 метри бил забележан деновиве во поле со зрела маслодајна репка.Луси Прингл, славен истражувач на круговите в поле, била збунета од очигледниот скриен код од комплексни броеви во рамките на кругот.„Верувам дека содржи бинарен нумерички систем или базен-2 нумерички систем што ги претставува нумеричките вредности користејќи два симбола, 0 и 1. Работејќи од центарот нанадвор, луѓето сугерираат дека постои поврзаност со теоријата на Леонард Ојлер е^(i)pi+1=0, т.н Ојлеров идентитет, која се смета за една од најубавите теореми во математиката“, вели Прингл.Таа додава дека шемата можеби содржи и скриена мелодија.„Историски низ годините круговите в поле биле поврзувани со дијатоничките скали (мелите клавиши на пијаното). Фреквенциите на овие дијатонички скали се кодирани во секој сегмент на кругот в поле и можат да бидат отсвирени на пијано. Ова е уникатна формација што ги вклучува и музиката и математиката и е слична по важност со славниот настан Барбури Кесл Пи од 2008 г“.Друг експерт за кругови во полето вели дека секој може да извлече сопствени заклучоци од круговите додавајќи:„Штосот кај математиката и круговите е во тоа што се справувате со нешто што не е егзактна наука, па еден човек може да ги декодира круговите и да каже дека имаат дијатонични пропорции, друг може да најде значење во бинарните броеви или во астролошките циклуси. Единственото можно објаснување што ги опфаќа сите сфери би било дека круговите се создадени од луѓе. Но ова објаснување може да биде проблематично решение бидејќи проучувачите на НЛО ја мразат можноста чувството на чудо и оптимизам да биде уништено со признавање на човечката вклученост„.„Вдлабен“ во поле се јачмен, кругот Барбури Касл бил сликовита презентација на првите 10 децимали од бројот Пи, еден од најфундаменталните симболи во математиката. Сликата била пример за она што е познато како фрактална или геометриска шема. „Загатката“ била решена од астрофизичарот Мајк Рид кој кога ја видел фотографијата на кругот во полето направил математичка врска. Круговите в поле „еволуирале“ од едноставни кружници во 70-те години на минатиот век во сликовите дизајни во доцните 80-ти години и во бинарни нумерички дизајни по 2001 г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Директорот на „Рајанер“ и Илон Маск си разменија навреди: „Тој е идиот – многу богат, но сепак идиот“
Јавна расправија со навреди изби меѓу Илон Маск и извршниот директор на „Рајанер“, Мајкл О’Лири, откако О’Лири во интервју за ирското радио „Њусток“ го нарече Маск идиот и ја нарече неговата социјална мрежа „Икс“ – септичка јама. Причина за конфликтот е одлуката на „Рајанер“ да не ја користи ви-фи услугата „Старлинк“ во своите авиони.
„Тој е идиот – многу богат, но сепак идиот“, рече О’Лири.
Маск реагираше на „Икс“, нарекувајќи го О’Лири целосен идиот и побара да биде отпуштен. Во друга објава додаде: „Отпуштете го овој имбецил“, обвинувајќи го дека погрешно ги проценил ефектите на „Старлинк“ врз потрошувачката на гориво.
Во расправијата се вклучи и официјалниот профил на „Рајанер“ на „Икс“, кој го исмеа Маск поради прекин на платформата: „Можеби вам ви треба ви-фи, @elonmusk?“
perhaps you need Wi-Fi @elonmusk? https://t.co/eq82qcLqKv
— Ryanair (@Ryanair) January 16, 2026
О’Лири изјави дека „Старлинк“ не е практичен за нискобуџетните летови на кратки релации, бидејќи надворешните антени ја зголемуваат аеродинамичната отпорност и трошат повеќе гориво – до 2 проценти повеќе, што би чинело стотици милиони долари годишно.
Маск ги оспорува овие податоци, тврдејќи дека веќе постојат авиокомпании кои летаат со авиони опремени со „Старлинк“ и дека високобрзинскиот интернет ќе стане пресуден за изборот на патниците.
Забава
Лина Еско: Со Бен Афлек само се кикотевме додека ги снимавме интимните сцени
Актерката Лина Еско откри дека таа и Бен Афлек често се смееле и кикотеле за време на снимањето интимни сцени во новиот филм The Rip, наместо да бидат сериозни.
„Само се кикотевме“, изјави Еско на премиерата во Њујорк на 13 јануари. „Бевме како две луди личности што се забавуваа.“
Во филмот, Еско ја игра капетанката Џеки Велез, а сцените во спалната со Афлек ѝ останале во посебно сеќавање.
Таа го опиша Афлек како драг и опуштен, а целиот тим како неверојатно пријатен.
„На сетот немаше напнатост, претенциозност или драма – сè течеше природно“, рече таа.
Голем дел од заслугите му ги припиша на режисерот Џо Карнахан, кој пуштал музика од саундтракот додека снимале и се грижел сите да се чувствуваат пријатно.
Еско раскажа дека уште при првото читање на сценариото знаела дека сака да биде дел од проектот. По неколку аудиции и „Зум“ разговор со режисерот, ѝ било јасно дека „ова е тоа“.
Откако го видела финалниот филм, рече дека се вљубила во резултатот: „Навистина е одличен. Не го велам тоа секогаш – но овојпат е искрено.“
За што станува збор во филмот?
The Rip е криминалистички трилер на Netflix во кој Бен Афлек и Мет Дејмон глумат полицајци од Мајами, чие пријателство се доведува во прашање кога нивната единица за дрога наидува на огромна сума пари за време на истрага. Во филмот глумат и Тејана Тејлор, Кајл Чендлер и Стивен Јун. Афлек и Дејмон се и продуценти на филмот.
Забава
Барале клуч од трактор и ископале римско злато: „Ја ставив раката во калта и ги почувствував монетите“
Во малото холандско место Буник, во провинцијата Утрехт, е откриено исклучително вредно археолошко откритие: 404 златни и сребрени монети од римско и британско потекло. Најстарите датираат од 200 година пред нашата ера, а најновите од времето на римската инвазија на Британија во 47 година од нашата ера.
Богатството било закопано во поле на длабочина од само 30 сантиметри, и најверојатно му припаѓало на римски центурион – како воен плен од освојувањата на Британија. Неговата вредност одговара на речиси 11-годишна плата на обичен римски војник.
Откритието во октомври 2023 година го направиле двајца истражувачи со метален детектор – Рејниер Колинк и Герд-Јан Меселар – кои всушност барале изгубен клуч од трактор. Наместо тоа, наишле на првите неколку монети и продолжиле да копаат во блиското калливо поле.
„Кога детекторот реагираше, ставив рака во калта и веднаш почувствував дека допирам монети“, изјавил Герд-Јан за локалните медиуми.
Првично биле пронајдени 381 монета, а по пријавувањето, Холандската национална агенција за културно наследство пронашла уште 23. Меѓу нив има:
72 златни римски ауреи, 288 сребрени монети (од 200 пр.н.е. до 47 г.н.е.), 44 златни британски статери со име на кралот Кунобелин (владеел 9–40 г.н.е.).
Некои од британските монети веројатно се ковани постхумно од страна на неговите синови Тогодумн и Каратак. Една од римските монети го прикажува Јуба I, крал на Нумидија (денешен Алжир), а други — императорот Клаудиј.
Фактот дека некои монети се во одлична состојба и не покажуваат траги од користење, укажува дека биле закопани веднаш по исплата, можеби по успешна воена кампања.

