Во контекстот на големата шпионска афера во Америка во која се уапсени десет лица кои шпионирале за Русија, САД се потсетуваат на агентите на КГБ кои им овозможија на советите да дојдат до атомската бомба

Олдрих Ејмс бил поранешен контраразузнавачки агент на CIA кој во 1994 г. беше осуден за шпионажа во полза на Советскиот сојуз. За СССР почнал да работи кога западнал во финансиски тешкотии влегол во советската амбасада во Вашингтон и ги понудил тајните во замена за пари. Информациите кои ги предал компромитирале повеќе од стотина агенти на CIA што резултирало со ликвидации на најмалку десет од нив. Американската Централна разузнавачка агенција забележала претходно дека и’ истекуваат информации, но нејзиното раководство одбивало да поверува дека има „крт“ и упорно сметало дека е прислушувано.Ејмс бил уапсен и осуден на доживотен затвор. Џулиус и Етел Розенберг биле американски комунисти кој на Советскиот сојуз му проследувале информации за американските нуклеарни тајни програми. Се запознале во 1936 г. и имале два сина. КГБ  го регрутирала Џулиус во 1942 г. и набрзо станал еден од нивните најважни агенти кој пренел илјадници вредни документи. Двајцата биле прогласени виновни за шпионажа и погубени на електрична столица во сојузниот затвор Синг Синг во 1953 г. Џорџ Ковал бил агент на КГБ кој успеал да се инфилтрира во важниот таен проект на САД „Мехнетен“, кој го водела владата за развој и производство на атомска бомба. Дејствувал под коднотот име „Делмар“ а умрел 2006 г. во Москва. Се смета дека неговите информации до кои дошол работејќи во американските атомски истражувачки лаборатории помогнале СССР да направи нуклеарна бомба. Поранешниот руски претседател и актуелен премиер Владимир Путин и самиот поранешен припадник на КГБ, постхумно го одликувал со медалот „Херој на Русија“.Роберт Хасен бил поранешен агент на FBI кој цели 22 години, од 1979 до 2001 г. работел како шпион за советските и за руските тајни служби. Осуден е бидјеќи во текот на тој период на Русите им продавал американските врвни тајни за дијаманти и пари, од што заработил милион ипол долари. Неговиот случај во САД се смета за можеби најлошиот разузнавачки пораз во американската историја а осуден е на доживотен затвор без право на помилување. Денес во Русија наследник на советскиот КГБ е СВР (Служба внешнеј разведки) или разузнавачка служба за работа во странство која наводно има 13 илјади луѓе и годинава прославува 90-годишниот јубилеј, од Советскиот сојуз како НКВД.Како наследник на КГБ за која работел и премиерот Владимир Путин во времето пред распадот на СССР во Источна Германија, во Дрезден., е задолжена за прибирање информации во странство. Вториот наследник на КГБ е ФСБ, односно Федералната разузнавачка служба руски пандан на американското FBI која се занимава со контраразузнавачка дејност и внатрешната безбедност. СВР смета дека наместо како во ерата на Студената војан кога се заговарал ткн. глобализам и се стремело да се постави агент во секоја земја каде имало присуство ан западните разузнавачки служби, сега работите се многу променети. СВР наводно сега работи во оние региони во кои Русија има вистински интереси.

Хемингвеј бил советски шпион!?