Забава
Уловена туна од 445 килограми
Во јапонските води рибарите уловиле туна која била тешка 445 килограми, што е досега најголемата риба уловена од 1986 г
Овој пример на туна на Цукиџи рибниот пазар во Токио, каде вообичаено се организираат аукции на ваквите големи примероци туни, било продадено за 3,2 милиони јени.„Многумина од оние кои работат денес на овој рибен пазар не видел толку голема туна. Навистина престанува реткост да се види туна која тежи околу 400 килограми“, рекол еден владин службеник задолжен за регулирање на пазарот, пренесува AFP..На аукцијата килограм од овој гигантски примерок достигнал цена од 7.200 јени , односно околу 84 долари. Досега најтешка риба која била уловена во април 1986 г. во Јапонија и била тешка 496 килограми. Тоа е само еден килограм помалку од досега најтешката риба туна уловена во 1995 г во Канада, односно тежела 497 килограми.Инаку на првата јапонска аукција на туни, на 5-ти јануари оваа година беше забележана рекордната цена на еден примерок од туна. Примерок од синоперкастата туна кој тежеше 232 килограми уловен во близина на јапонскиот брег беше продаден за 176.534 долари, што е втора по големина цена достигната на традиционалната аукција на туни во Јапонија во последните десет години. Највисоката цена е достигната во 2001 г. кога примерок од овој вид риба е продаден дури за 219 илјади долари. Кога ќе се пресмета цената на еден килограм од рибата продадена во јануари, таа би изнесувала 1.667 долари за еден килограм туна. Од неа се направени околу 11.600 порции од јапонскиот рибен деликатес суши, кој чини по 13 долари за парче. Овој примерок го поделиле сопственикот на синџир суши ресторани од Хонгконг, Рики Ченг и јапонскиот суши ресторан Киубеи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Нова мисија на „Спејс икс“ и НАСА: Четворица астронаути заминаа во Вселената
Во петок наутро, во 5:17 по локално време од Cape Canaveral, беше успешно лансирана мисијата Crew-12 со четворица астронаути на бродот на капсулата на SpaceX, која треба да пристигне на Меѓународната вселенска станица (ISS) во сабота попладне, јави „Си-ен-ен“.
Лансирањето доаѓа поради намалениот број на членови на станицата, која од средината на јануари функционираше со само тројца астронаути. НАСА го забрза терминот поради предвремено враќање на претходната мисија Crew-11, предизвикано од здравствен проблем кај еден член.
Liftoff of Crew-12! pic.twitter.com/jQ804lyjkm
— SpaceX (@SpaceX) February 13, 2026
Новиот екипаж го сочинуваат: Џесика Мир и Џек Хатавеј од НАСА, Софи Адено од Европската вселенска агенција, Андреј Феѓаев од Роскосмос.
За време на нивниот отприлика осуммесечен престој на станицата, астронаутите од мисијата Crew-12 планираат да спроведат низа истражувачки проекти. Меѓу нив се: ултразвучни прегледи на крвните садови за проучување на промените во циркулацијата, фармацевтски истражувања поврзани со бактериите што предизвикуваат воспаление на белите дробови, како и симулирано слетување на Месечината за да се процени како наглите промени во гравитацијата влијаат врз човечкото тело и когнитивните способности.
НАСА смета дека полната екипираност на станицата е клучна за максимално искористување на нејзиниот потенцијал. Според администраторот Џаред Ајзакман, досегашната практика и тековните мисии се клучни за иднината на комерцијалните вселенски станици.
Забава
(Видео) Кипар избра претставник за Евровизија: таа се натпреваруваше во популарно ријалити шоу
Кипар го откри својот претставник за претстојниот Евровизиски натпревар – тоа е 29-годишната Антигони Бакстон, британска пејачка со кипарско-грчки корени. Дел од публиката ја памети и од нејзиното учество во едно од најгледаните британски ријалити шоуа, „Love Island“.
Антигони ќе се претстави на Евровизискиот натпревар со песната „Jalla“, која веќе привлече големо внимание на социјалните мрежи.
Станува збор за брза, танцувачка композиција која ги комбинира традиционалните кипарски музички елементи со модерен, силен ритам и продукција. Самиот наслов на песната доаѓа од кипарскиот дијалект и значи „повеќе“, и токму оваа енергија – повеќе ритам и танц – ја провлекува целата песна.
Стиховите зборуваат за прослава и танцување „на масите“, поканувајќи ја публиката да се препушти на забавата.
Спотот снимен на Кипар, дополнително ја нагласува автентичноста на песната. Комбинира современа естетика со сцени што го истакнуваат карактерот на островот, неговиот секојдневен живот и неговиот темперамент.
Забава
(Видео) Емили Ратајковски позираше во чипкан градник
Познатата манекенка, Емили Ратајковски, повторно ја воодушеви својата армија обожаватели со провокативни снимки, исто како што тоа го прави со години.
Емили е една од ретките познати дами кои објавуваат различни снимки без двоумење, а обично е оскудно облечена во секоја објава, а понекогаш дури и гола.
Во пресрет на Денот на вљубените, излегува видео од прекрасната Емили, во соработка со брендот Lounge. Моделот позираше заводливо во градник од чипка, што дефинитивно не остави многу простор за имагинација.
Иако многумина очекуваа да видат подеднакво провокативна долна облека, со оглед на тоа што сите веќе знаат колку Емили ги сака тангите, овој пат таа беше во фармерки.
Нејзините очи нагласени со ајлајнер и природен кармин на усните комплетираа сè, а манекенката повторно им го одзеде здивот на мажите со ваквите изданија.

