Забава
Ворнер Брос го повлече трејлерот со сцената со пукање во киносала
Филмската компанија Warner Bros. ги повлече промотивните материјали за својот најнов филм „Ловци на гангстери“ (Gangster Squad), во кои е сцената со пукање во киносала, по трагедијата што се случи во Денвер на премиерата на новото продолжение за суперхеројот Бетмен.
Како што беше пренесено во текот на денот, ноќта кон петокот при премиерната проекција на филмот „Витезот на темнината: Легендата продолжува“, во кино во трговски центар во предградие на Денвер во сојузната американска држава Колорадо, се случи трагедија кога напаѓач со маска за гас прво во публиката фрли солзавец а потоа отвори оган, при што беа убиени 12 лица, а според последните информации 38, меѓу кои три деца, се ранети.
Една од клучните сцени на криминалната драма „Ловци на гангстери“ чиешто дејствие се одвива во 1940-тите во Лос Анџелес, содржи масакр што го организираат гангстерите во едно холивудско кино. Во филмот е прикажано како бандити влегуваат во киното преку задната врата и стрелаат кон публиката директно преку екранот. Безмалку идентично како што постапил и убиецот во киното „Century 16 Movie“ во местото Аурора.
Извор близок на филмската компанија за интернет изданието на весникот Los Angeles Times изјави дека по настанот во Колорадо, Warner Bros. го повлекла трејлерот за својот нов филм од сите кина.
Во „Ловци на гангстери“ настапуваат повеќе познати холивудски актери, како Рајан Гослинг, Шон Пен и Ник Нолти. Сторијата во филмот е базирана на вистински настани.
Светската премиера беше закажана за 7-ми септември, меѓутоа според некои извори тоа сега е дискутабилно./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Тамара Тодевска со емоционална преработка на стариот евергрин – „Време за плачење“
Некои песни се безвременски… Остануваат засекогаш, како сведоци на времето во кое се создадени, носејќи во себе универзална порака за сите времиња. Најмногу кога душата искината на парчиња непреболно тагува. Тогаш кога емоциите го надвладуваат разумот, кога болката го гушнала траорот, а молкот царува во прегратките на тишината, тогаш веројатно најсилно одекнува песната која во себе носи стихови кои имаат само едно значење… „Време (е) за плачење“.
Ако оригиналната латино верзија на овој безвременски макфестовски евергрин го направи своето во таа 1992 година кога во изведба на Игор Џамбазов ја разбранува не само музичката јавност, денес ја добивме нејзината кавер верзија во една сосема поинаква форма. И музичка и аранжманска и изведбена, онака како што само Тамара Тодевска знае и умее вокално да ја донесе и испее, а Роберт Билбилов аранжмански и продукциски спакува.
„Време за плачење“ како симболика на мигот во кој се најдовме, во времето кое и после толку години никако да покаже каде (по)греши(в)ме, за најскапата цена се’ уште да ја плаќаме.
Овојпат, песната добива сосема поинаков сензибилитет преку аранжманот на Роберт Билбилов, кој како долгогодишен соработник и пријател на Тамара, со сенс за чувствителност и почит кон оригиналот, успева на песната да ѝ даде нова емоционална и аранжманска нота. Онаква, која совршено се впива во амбиентот на времето и деновите кои денес ги живееме, „Време за плачење“.
Нова верзија на старата латино тема трансформирана во клавирска анплагд балада, во која маестралната изведба на Тамара со сета нејзина вокална експресија и вдахнува нова душа на песната, изведба која во исто време и ја кине душата на парчиња, навирајќи ви солзи на очите додека ја слушате. Со автентична емоција и зрелост во изразот, со чувство кое ви предизвикува грутка во грлото и оловна тежина во градите, пренесувајќи ја нејзината безвременска порака за љубов, болка и лекување.
„Преку оваа песна им оддаваме почит на емоциите што ги носиме во себе, без разлика на времето што минува“ – како што вели Тамара.
Музиката и текстот на оригиналот на песната се дело на Томислав Которчевиќ, а новата верзија е издадена преку светски познатата музичка етикета Cafe De Anatolia, носејќи ја приказната на “Време за плачење” пред новите генерации слушатели.
Визуелниот идентитет на проектот е заокружен со впечатлив cover art изработен од Љубан Стамениќ, додека едноставното но, мошне ефектно црно-бело видео, кое дополнително ја пренесува емоционалната изведба на песната, е во режија на Зоран Зонде Стојановски.
Новата верзија на “Време за плачење” е достапна на сите дигитални платформи.
Забава
(Фото) Ева Лонгорија сè уште нема конкуренција на црвениот тепих
Доделувањето на наградите „Платино“ во Мадрид традиционално привлекува големо внимание, но ништо не може да се спореди со тоа кога се појавува Ева Лонгорија.
Прославената актерка Ева Лонгорија освои престижна награда на гореспоменатата церемонија на доделување награди и ја искористи можноста повторно да ги покаже своите модни вештини, како и секогаш.
Гламурот и елеганцијата се синоними за актерката која се прослави по улогата во серијата „Очајни домаќинки“, а многумина гледаат голема сличност меѓу неа и Габи Солис, барем кога станува збор за стилот.
За оваа пригода, популарната џебна Венера избра гламурозен црн фустан без прерамки со, секако, изразено деколте, кое беше украсено со сребрен ланец околу рабовите на фустанот.
Ева додаде дијамантски обетки на фустанот и трпеливо позираше за собраните фотографи.
Комплименти до актерката упати и Софија Вергара, која објави заедничка фотографија со емотивен опис.
„Ева, ти си најдобра и за сè што си направила за децата, но и за сите други луѓе на кои им помогна, ја заслужуваш оваа награда“, напиша Софија.
Забава
Удобен и освежително модерен: најпопуларниот фустан ова лето
Заборавете на тесните кроеви, проѕирните маички и фармерките со низок струк – летото 2025 година носи моден тренд кој е истовремено носталгичен, поетски и изненадувачки освежителен.
Во светот на модата, каде што границата помеѓу удобното и модерно релевантното е заматена секој ден, едно парче заслужува посебно внимание: ноќницата. И не, не е шега – овој навидум скромен памучен фустан стана најпосакуваната летна облека.
Инспирирани од фустаните што би очекувале да ги најдеме во винтиџ фиоки исполнети со лаванда и чипка, ноќницата од следната генерација сега доживува свој голем моден момент. Брендови како „Миу Миу“ и „Клое“ ја претставија на модните писти, а нејзините најлојални обожаватели денес се трендсетерки како Алекса Чунг, уредничка на британскиот „Вог“ и инфлуенсерка на Инстаграм.
Ноќница-фустан, (nightgown dress – како што сакаат да ја нарекуваат во меѓународните модни кругови) е лесна, мека облека, обично изработена од памук, поплин или лесен сатен. Се карактеризира со опуштени кроеви, пристојна чипка, карнери, вез и понекогаш дискретни ремени.
Го евоцира духот на минатите времиња, но во современите комбинации воопшто не изгледа старомодно – всушност, делува освежително модерно.
Додека до неодамна беше резервиран за домашна атмосфера или за ентузијасти, денес овој фустан сјае под сонцето како совршен избор за дневни прошетки, кафе на тераса и вечерни собири. Успешниот стил бара рамнотежа помеѓу романтиката и модерноста.
Модните стилисти препорачуваат комбинирање на овие фустани со цврсти чевли – како што се дебели сандали, кожни влечки или дури и мокасини. Дополнително, впечатливите чанти и накитот во слоеви ќе ви овозможат да не изгледате како штотуку да сте станале од кревет, туку да плените со изглед како да сте од моден едиторијал.
Подемот на овој тренд не доаѓа случајно. Во време исполнето со неизвесност, уморни ретроспективи и силуети кои бараат компромис со удобноста, фустанот-ноќница нуди модно бегство кое носи и физичка и емоционална удобност.
Потсетува на детството, едноставноста, тишината и смирувачките текстури.
Вонреден состанок на Божиновска и Бислимовски: МЕПСО може да исклучува фотоволтаици за стабилен систем за 1 Мај
По насока на министерката за енергетика Сања Божиновска, за претстојниот празник 1 Мај повторно ќе се активираат мерките што беа...
„Дали криминалот во Глобал тежок 8 милиони евра, за кој Заев беше амнестиран, е дело на кое Филипче се воодушевува и од кое народот треба да учи“, прашува ВМРО-ДПМНЕ
„Владеењето на Зоран Заев, како на локално, така и на централно ниво беше проследено со криминални и корупциски скандали. Во...
СДСМ: Мерките на Владата за намалување на цените беа неуспешни, граѓаните плаќаат највисоки цени во регионот
„Економската криза сè повеќе го погодува џебот на граѓаните, а Владата предводена од ВМРО-ДПМНЕ не само што не успеа да...
ВЛЕН: По 22 години измама, носиме канализација во Зајаз на Али Ахмети
„Кичево, градот кој беше заборавен од минатите влади повеќе од две децении, денес се враќа на мапата на сериозни инвестиции...
Хеликоптери летаат низ Шведска, полицијата оди од врата до врата: убиецот е сè уште во бегство
Три лица се убиени во пукотница што се случи вчера во фризерски салон во центарот на Упсала, потврди шведската полиција....
(Видео) Кина објави драматична снимка, со порака до САД: „Нема да потклекнеме“
Министерството за надворешни работи на Кина објави драматично видео на социјалните мрежи како директен одговор на политиките на американскиот претседател...
(Видео) Трамп: Златното доба на Америка доаѓа; УПС: Ќе поделиме 20.000 откази поради царините
Американскиот логистички гигант УПС вчера објави отпуштање на околу 20.000 работници и затворање на повеќе од 70 објекти низ САД,...
Човек на Трамп: Предлогот на Путин е апсурден
Кит Келог, специјалниот претставник на американскиот претседател Доналд Трамп за Украина и Русија, го отфрли предлогот на рускиот претседател Владимир...
Партиите од ВЛЕН отсега ќе делуваат како еден политички субјект
Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како...
(Видео) Запален домот на Александар Пандов: Нема да не запрат и нема да не поколебаат
Директорот на Управата за извршување на санкции, Александар Пандов на социјалните мрежи објави дека му бил запален домот. „Ова е...
Мицевски: Интерпелацијата за министерот Тошковски не доби поддршка
„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ. „Потребна е...
(Видео) Петровска: Тошковски ја контаминираше истрагата за Кочани
„Трагедијата во Кочани точно е дека е резултат на системски пропусти, ама системот, колеги, има име и презиме или имиња...
(Видео) Меџити: И покрај нашите понуди тие одлучија да бидат заедно со ДУИ и со Ахмети, Таравари има пофалби за владеењето на ДУИ, а избега од тоа владеење
Првиот заменик претседател на Владата и министер за животна средина и просторно планирање Изет Меџити на прес-конференција извести дека вечерва...
Родителите на загинатите му кажаа на Тошковски дека не му веруваат и прашаа зошто обвинетите кои се во домашен притвор шетаат по улици
Родителите на загинатите во Кочани успеаја да го извадат надвор министерот за внатрешни работи, Панче Тошковски откога јавно му порачаа...
Родителите на загинатите се пред МВР: И без душа и без дете, ние пеш дојдовме, сега нека излезе Тошковски место ние да влеземе
Родителите и роднините на загинатите во Кочани стигнаа пред Министерството за внатрешни работи. Решија да дојдат пред Министерството откога министерот...
Тошковски вели дека не е направен пропуст од страна на МВР во случајот со „Пулс“
Во Собранието почна расправата за интерпелација на министерот за внатрешни работи, Панче Тошковски, поднесена од пратеничката група на партијата Левица....
(Видео) Јанчев: Дискотеката без мака работела 13 години, Тошковски да сакал, ќе ја затворел
Работата на министерот за внатрешни работи, Панче Тошковски, кој на оваа функција е повеќе од една година, денес е на...
„Ги изгоревте децата со вашата алчност и негрижа“, родителите на жртвите од Кочани бараат оставки и одговорност
„Пожарот ги зеде телата, системот ги уби душите“, „Каде да фатиме врски за да ги вратиме другарите“, „Селективна одговорност е неодговорност“,...
Ристески не очекува поскапувања од четврток: Се надевам дека трговците ја научија лекцијата
Ако цените нагло почнат да скокаат од четврток, кога истекува сегашната мерка за ограничени маржи до 10 %, мерката може...
Македонија е тажна приказна, а Црна Гора е најблислку до членство во ЕУ, рече Марта Кос
Црна Гора останува најверојатната кандидатка од регионот на Западен Балкан, кој може да стане нова членка на Европската Унија за...
