Забава
Настасија Кински за татко си вели дека бил тиранин

Актерката Настасија Кински го обвинува татко си, германскиот актер Клаус Кински дека бил „тиранин“ кој се обидувал сексуално да ја злоставува кого би го испратила во затвор да е уште жив, додека нејзината полусестра претходно во средата откри дека со години ја силувал.
„Беше тиранин. Одвај можам да се сетам дека заедно сме седеле на маса“, тврди 51-годишната Настасија Кински во интервјуто за германскиот неделник Bild am Sonntag.
Да ја има денес таа можност, би сторила „сѐ да оди во затвор“. „Кога почина, некои ми рекоа дека жалат. Мене не ми беше“, додава Настасија.
Дваесет идве години по смртта на познатиот германски актер Калус Кински неговата постара ќерка Пола седмицава јавно откри дека со години татко ѝ ја силувал.
Во книгата објавена во Германија, 60-годишната исто така актерка Пола ги прераскажува грозоморствата низ кои минувала на возраст од пет до девет години, трагедијата којашто досега не ѝ ја кажала на својата полусестра Настасија.
Таа, пак, за Bild am Sonnta, вели дека иако Калус Кински сексуално не ја злостаувал, „секогаш се обидувал“.
„Секогаш премногу ме пипкаше, ме приближуваше до себе толку силно што мислев дека нема да можам да се извлечам. Во тој период имав четири или пет години и живеевме во Минхен“, вели Настасија.
Харизматичниот лик познат по продорниот поглед, Клаус Кински, почина во 1991 година во 65-та година, беше претставуван како генијален актер чии најпознати филмови се „Агвире, гневот Божји“ и „Фитцџералдо“ во режија на славниот Вернер Херцог./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Тргнал да истражува пештера, а потоа сфатил дека отишол предалеку (ВИДЕО)

Јутјуб дуото Џејмс и Едвард, кои објавуваат видеа на каналот „Action Adventure Twins“, објавиле видео кое не се препорачува за клаустрофобични луѓе. Имено, во видеото, кое има голем број прегледи и на „YouTube“ и на „Reddit“, еден од двајцата може да се види како ползи меѓу карпи.
„Мислев дека ќе се прошири, но како што се приближував, сфатив дека станува збор за илузија“, рекол младиот човек за време на видеото.
Колку било опасно и драматично покажува неговото дишење, кое во еден момент, поради стеснетоста на преминот, станало брзо. За време на видеото, младиот човек го изразил својот страв дека овој пат отишол предалеку со изборот на пештера.
„Се спушта надолу. Чувствувам дека ќе се заглавам. Мислам дека овој пат отидов предалеку“, рече тој за време на видеото, кое за среќа, иако доста драматично, заврши среќно, со момчето на видеото кое излегува од пештерата и се наоѓа во друштво на својот брат.
После тоа, двајцата го продолжија своето патување, сè до површината, во шумата. Видеото, кое е прегледано над 8.200.000 пати на „YouTube“, трае околу дваесет минути и на крајот од видеото, двајцата се појавуваат надвор.
Во коментарите што се појавија под објавата, луѓето оставија разни коментари, но најпопуларните беа оние поврзани со самата пештера.
„Овие сцени предизвикуваат огромен страв кај мене, не можам да се замислам во таа ситуација дури ни во моите најлоши кошмари“, „И јас бев заробен сам во пештера, чувството е полошо отколку што можете да замислите. Никогаш повеќе“, „Јас сум клаустрофобичен, но сепак ги гледам овие видеа затоа што ми се интересни. Само се обидувам да не се замислувам во овие пештери“, „Нема пари на светот што би можеле да ме натераат да го направам ова. Како можеше и да го направиш ова и да останеш толку смирен, за мене тоа е едноставно лудо и страшно. Проклетство, ми треба време да се смирам откако ќе го изгледав!“, се само некои од коментарите што привлекоа големо внимание од следбениците.
Забава
(Видео) Спортист падна на глава во емисија во живо на „Си-Ен-Ен“ во обид да направи салто наназад, видеото стана вирално

Бејзбол играчот Роберт Ентони Круз, член на популарниот тим Савана Бананас, доживеа болна и срамна несреќа во емисија во живо на „Си-Ен-Ен“. Неговиот обид да го изведе своето препознатливо салто наназад во емисијата во живо заврши со паѓање на глава, а видеото брзо стана вирално.
View this post on Instagram
Инцидентот се случи додека Круз даваше интервју. Кога го прашаа дали може да покаже еден од своите трикови, 26-годишниот спортист реши да направи салто. Но, наместо грациозно да слета, тој падна со лицето на подот од студиото.
Водителката Кејт Болдуан во шок извика: „О, Исусе“, додека Круз полека се крена на нозе со крвав образ и усна, обидувајќи се да се насмевне низ болката и велејќи: „Ова никогаш не се случува“.
Иако се обиде да ја намали сериозноста на ситуацијата, подоцна откри дека морал да побара медицинска помош. На Инстаграм објави дека добил „неколку конци“, но се пошегува и за сопствената сметка, додавајќи дека неговата гордост е „малку оштетена“.
Во објавата, тој им порача на своите следбеници: „Да, добро сум. Звукот од падот го прави видеото десет пати посмешно. Имате моја дозвола да се смеете.“
Забава
Актерот Мајкл Ворд обвинет за силување

Актерот Мајкл Ворд е обвинет за два случаи на силување и три сексуални напади, објави лондонската Метрополитен полиција.
Наводните инциденти наводно се случиле во јануари 2023 година.
Познат по своите улоги во серии и филмови како што се „Топ Бој“, „Мала секира“ и „Сина приказна“, Ворд го привлече вниманието на публиката и критичарите со својата младешка енергија и актерска автентичност, поради што беше крунисан со награда БАФТА во 2020 година.
Мајкл Ворд сега се соочува со сериозни обвиненија кои ќе го добијат својот судски епилог на 28 август, кога треба да се појави пред надлежниот суд во Лондон.
Детективскиот началник Скот Вејр од Метрополитен нагласи: „Нашите специјализирани службеници продолжуваат да ја поддржуваат жената што го направила извештајот. Знаеме дека истрагите од ваков вид можат да имаат значително влијание врз оние кои избираат да проговорат.“
Според него, истрагата е сè уште во тек, а полицијата апелира до јавноста да се воздржи од предвремени заклучоци.