Забава
Стивен Сигал ќе ги учи американските ученици да се справуваат со насилството
Шерифот на округот Марикопа во американската сојузна држава Аризона го покани познатиот актер и ѕвезда на боречките вештини Стивен Сигал да учествуваа во подготовка на групите волонтери во локалните училишта кои ќе бидат обучувани да се справуваат со вооружен напаѓачи.
Како што пренесе во саботата Аssociated Press, шерифот Џо Арпаија има намера да се обучуваат учениците за неутрализација со вооружените напаѓачи, да бидат способни самостојно да се справат со ситуации слични на неодамнешната трагедија во основното училиште „Сенди Хук“ во гратчето Њутаун, во сојузната држава Конектикат.
Првите курсеви веќе се одржуваат овој викенд во едно од училиштата во Феникс. Тројца полициски офицери ќе ја играат улогата на вооружени терористи кои отвораат оган врз ученици, а 25 тинејџери учесници на обуката треба условно да ги неутрализираат напаѓачите. Стивен Сигал притоа води обука за борба со раце и други боречки вештини кои можат да бидат корисни за учениците или студентите во критична ситуација.
Трагедијата што се случи во декември минатата година во Њутаун, каде што 20-годишниот Адам Ланза изврши масакр на 20 деца на шест и седумгодишни деца и шест возрасни, ги шокираше САД и отвора широка јавна дебата за заострување на прописите за продажба и поседување оружје.
Стивен Сигал се прослави како актер во акционите филмови во 1990-тите години, и неговото име за љубители на жанрот е исто толку култно како и имињата на Арнолд Шварценегер, Чак Норис, Жан-Клод Ван Дам, Долф Лундгрен и Силвестер Сталоне. Најпознатите филмови во кои се појави Сигал по дебито во 1988 година во филмот „Над законот“, се двата дела на „Под опсада“ (1992 и 1995 година), „Во смртна опасност“ (1994), „Конечна одлука“ (1996), „Притаен оган““ (1997) и други. Актерот, исто така, работел како заменик шериф во Њу Орлеанс и бил асистент на шерифот на Тексас./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
ЕУ воведува забрана за гел-лаковите за нокти поради опасна состојка за која се верува дека е канцерогена

На социјалните мрежи почна сериозна паника кога се појави информацијата дека од 1 септември оваа година Европската Унија воведува забрана за употреба на козметички производи што ја содржат супстанцијата TPO. Токму тоа се наоѓа во голем број гел лакови за нокти, како и во лепилата за вештачки трепки. Ова значи дека гел-лаковите за нокти ќе заминат во историјата.
TPO, супстанција што најчесто се наоѓа во хибридни лакови за нокти, лепила за екстензии за трепки, како и во гелови, е прогласена за канцерогена, токсична за репродукција, поради што е особено опасна за бремените жени. Затоа е објавена забрана за нејзина употреба, продажба и примена од 1 септември.
Истражувањата покажаа дека оваа супстанција може да предизвика голем број несакани ефекти, од хормонален дебаланс и токсичност за репродуктивниот систем до потенцијално формирање рак.
На социјалната мрежа „Икс“ има многу дебати за тоа дали е во ред да имате лажни нокти. Некои жени се прашуваат и дали се единствените што никогаш не го направиле тоа. Оние што го прават тоа се многу загрижени бидејќи фактот е дека гел-лакот, со тоа што е долготраен, ги прави вашите нокти убави и уредни со недели.
TPO е фотоиницијатор што се користи во производите за нокти, како што се трајните лакови, геловите и акрилните бои, за да им се овозможи да се стврднат под УВ или ЛЕД-ламби.
Забава
На седум години смислил друштвена игра и сега е милионер – планира да купи „ламборгини“

Алекс Батлер (15) од Сиетл стана милионер откако ја продаде друштвената игра „Тако наспроти Бурито“, која ја дизајнирал како седумгодишно дете, на големата американска компанија „Плеј Монстер“.
Неговата игра, во која се натпреварувате да го создадете највредниот оброк, стана глобален хит и се продаде во над 1,5 милиони примероци, објавува „Дејли меил“.
Алекс и неговите родители, Лесли Пирсон и Марк Батлер, минатиот месец одлучија целосно да ја продадат играта на познатата компанија со седиште во Висконсин.
„Никогаш не се врзав премногу за играта“, рече Алекс. „Не ми е толку важна. Само сакав да добијам што е можно повеќе пари од неа.“
Иако не се знае точно колку добиле, семејството потврди дека моментално работат на инвестирање на заработените пари. Алекс, сепак, не крие дека би сакал дел од парите да ги искористи за да купи луксузен автомобил.
„Би сакал да купам Ламборџини“, рече тој со насмевка.
Идејата за играта, како што вели Алекс, се родила сосема случајно, во период кога не сакал такос или бурито. Сепак, тој често играл игри со карти како „Exploding Kittens“ со своето семејство, што го инспирирало да смисли нешто свое.
Неговата мајка, исто така, започнала кампања „Го фаунд“, со која собрале 25.000 долари за краток временски период. Тоа било доволно за да започнат мал семеен бизнис наречен „Хот Тако Инк“, во кој Алекс бил мнозински сопственик.
Играта се појавила на „Амазон“ и станала веднаш хит. До крајот на истата година, тие заработиле речиси 1,1 милион долари. „Тако наспроти Бурито“ во еден момент била најпродаваната игра на „Амазон“.
Сепак, како што растела побарувачката, играта го надминала капацитетот на семејниот бизнис. Потоа решиле да најдат поголема компанија која ќе може да се справи со понатамошната дистрибуција.
Иако добиле неколку понуди во текот на годините, семејството се одлучило за „Плеј манстер“.
Забава
Камерон Дијаз фотографирана во лежерно издание: актерката не се плаши од стареење, го покажа лицето без шминка

Американската актерка Камерон Дијаз беше фотографирана во природен и опуштен стил додека шеташе низ улиците на Њујорк.
Имено, актерката комбинираше фармерки со тексас кошула, додека косата ја врза во лежерна пунџа. Според фотографиите, Камерон изгледаше во одлично расположение.
Камерон Дијаз е отворена за својот пристап кон стареењето и изгледот. Пред неколку години, таа призна дека пробала ботокс, но брзо се предомислила.
„Пробав, но моето лице се промени чудно. Си реков: „Ова не сум јас“.
Cameron Diaz, 52. pic.twitter.com/hHWA7ircDr
— 𓂀 𝕋𝔼𝔸ℍ 𓂀 (@TeahCartel) August 6, 2025
Таа исто така нагласи дека научила да ги сака своите брчки: „Тие се доказ дека цел живот се смешкам. Го сакам животот и немам проблем со фактот дека се видливи.“
Во последните неколку години, Камерон ретко се појавуваше во јавност. По пет години, појавувањето на премиерата на „Назад во акција“ на Нетфликс во Берлин беше нејзино прво јавно појавување. Пред тоа, нејзиниот последен филм беше „Ени“ (2014), исто така со Џејми Фокс.
Камерон неодамна откри дека изминатите десет години, кои ги поминала во изолација, биле „десетте најдобри години“ во нејзината кариера.
Таа моментално работи на неколку нови проекти, а на есен ќе започне со снимање на „Лош ден“ на Нетфликс, во кој игра самохрана мајка во низа хаотични ситуации. На крајот на 2026 година, таа се враќа како глас на принцезата Фиона во „Шрек 5“.