Забава
Добитничката на рекордниот џекпот во САД е 84-годишна жена од Флорида

Организаторите на лотаријата Powerball веќе во средата го објавија идентитетот на добитничката на џекпотот во износ од 590 милиони американски долари, а тоа е 84-годишната Глорија Мекензи од сојузната држава Флорида.
Името на среќната добитничка на премијата беше објавено на прес-конференција, согласно правилата на приредувачот на лотаријата и законите на државата Флорида, според кои прогласувањето и исплатата на премијата е единствено можно доколку биде јавно објавен идентитетот на добитникот, што не важи во некои други сојузни држави. Самата среќна добитничка не се појавила на прес-конференцијата, забележува Associated Press.
Глорија Мекензи го купила талонот непосредно пред извлекувањето на 18-ти мај во супермаркет во гратчето Зефирхилс на Флорида кој има 13 илјади жители.
Претходно беше објавено дека во канцеларијата на организаторите на лотаријата, жената се појавила придружувана од синот и двајца адвоката, и оти изјавила дека сака да ја подигне еднократно сумата што значи многу намален износ на добивката, откажувајќи се од целосната исплата на сумата којашто би ја добила со годишни исплати. Така, сега на Мекензи ќе добие „само“ 370,8 милиони долари наместо 590, 5 милиони, колку што изнесуваше номиналниот износ на добивката.
Мекензи, стана добитник на рекордната премија во историјата на оваа лотарија што ја освои едно лице. Најголемиот џекпот на Powerball, инаку, во износ од 656 милиони долари се падна во март 2012 година, но тогаш оваа премија ја поделија три лица од сојузните држави Илиноис, Канзас и Мисури, од кои некои останаа анонимни./кра/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
ЕУ воведува забрана за гел-лаковите за нокти поради опасна состојка за која се верува дека е канцерогена

На социјалните мрежи започна сериозна паника, откако се појави информацијата дека од 1 септември оваа година, Европската Унија воведува забрана за употреба на козметички производи што ја содржат супстанцата TPO. Токму тоа се наоѓа во голем број гел лакови за нокти, како и во лепила за вештачки трепки. Ова значи дека гел лаковите за нокти ќе заминат во историјата.
TPO, супстанца што најчесто се наоѓа во хибридни лакови за нокти, лепила за екстензии за трепки, како и во гелови, е прогласена за канцерогена, токсична за репродукција, поради што е особено опасна за бремени жени. Затоа е објавена забрана за нејзина употреба, продажба и примена од 1 септември.
Истражувањата покажаа дека оваа супстанца може да предизвика голем број несакани ефекти, од хормонален дисбаланс и токсичност за репродуктивниот систем, до потенцијално формирање на рак.
На социјалната мрежа „Икс“ има многу дебати за тоа дали е во ред да имате „лажни“ нокти. Некои жени се прашуваат и дали се единствените што никогаш не го направиле тоа. Оние што го прават тоа, се многу загрижени, бидејќи фактот е дека гел-лакот, со тоа што е долготраен, ги прави вашите нокти убави и уредни со недели.
TPO е фотоиницијатор што се користи во производите за нокти, како што се трајни лакови, гелови и акрилни бои, за да им се овозможи да се стврднат под УВ или ЛЕД ламби.
Забава
На седум години смислил друштвена игра и сега е милионер – планира да купи „ламборџини“

Алекс Батлер (15) од Сиетл стана милионер откако ја продаде друштвената игра „Тако наспроти Бурито“, која ја дизајнирал како седумгодишно дете, на големата американска компанија „Плеј Монстер“.
Неговата игра, во која се натпреварувате да го создадете највредниот оброк, стана глобален хит и се продаде во над 1,5 милиони примероци, објавува „Дејли меил“.
Алекс и неговите родители, Лесли Пирсон и Марк Батлер, минатиот месец одлучија целосно да ја продадат играта на познатата компанија со седиште во Висконсин.
„Никогаш не се врзав премногу за играта“, рече Алекс. „Не ми е толку важна. Само сакав да добијам што е можно повеќе пари од неа.“
Иако не се знае точно колку добиле, семејството потврди дека моментално работат на инвестирање на заработените пари. Алекс, сепак, не крие дека би сакал дел од парите да ги искористи за да купи луксузен автомобил.
„Би сакал да купам Ламборџини“, рече тој со насмевка.
Идејата за играта, како што вели Алекс, се родила сосема случајно, во период кога не сакал такос или бурито. Сепак, тој често играл игри со карти како „Exploding Kittens“ со своето семејство, што го инспирирало да смисли нешто свое.
Неговата мајка, исто така, започнала кампања „Го фаунд“, со која собрале 25.000 долари за краток временски период. Тоа било доволно за да започнат мал семеен бизнис наречен „Хот Тако Инк“, во кој Алекс бил мнозински сопственик.
Играта се појавила на „Амазон“ и станала веднаш хит. До крајот на истата година, тие заработиле речиси 1,1 милион долари. „Тако наспроти Бурито“ во еден момент била најпродаваната игра на „Амазон“.
Сепак, како што растела побарувачката, играта го надминала капацитетот на семејниот бизнис. Потоа решиле да најдат поголема компанија која ќе може да се справи со понатамошната дистрибуција.
Иако добиле неколку понуди во текот на годините, семејството се одлучило за „Плеј манстер“.
Забава
Камерон Дијаз фотографирана во лежерно издание: актерката не се плаши од стареење, го покажа лицето без шминка

Американската актерка Камерон Дијаз беше фотографирана во природен и опуштен стил додека шеташе низ улиците на Њујорк.
Имено, актерката комбинираше фармерки со тексас кошула, додека косата ја врза во лежерна пунџа. Според фотографиите, Камерон изгледаше во одлично расположение.
Камерон Дијаз е отворена за својот пристап кон стареењето и изгледот. Пред неколку години, таа призна дека пробала ботокс, но брзо се предомислила.
„Пробав, но моето лице се промени чудно. Си реков: „Ова не сум јас“.
Cameron Diaz, 52. pic.twitter.com/hHWA7ircDr
— 𓂀 𝕋𝔼𝔸ℍ 𓂀 (@TeahCartel) August 6, 2025
Таа исто така нагласи дека научила да ги сака своите брчки: „Тие се доказ дека цел живот се смешкам. Го сакам животот и немам проблем со фактот дека се видливи.“
Во последните неколку години, Камерон ретко се појавуваше во јавност. По пет години, појавувањето на премиерата на „Назад во акција“ на Нетфликс во Берлин беше нејзино прво јавно појавување. Пред тоа, нејзиниот последен филм беше „Ени“ (2014), исто така со Џејми Фокс.
Камерон неодамна откри дека изминатите десет години, кои ги поминала во изолација, биле „десетте најдобри години“ во нејзината кариера.
Таа моментално работи на неколку нови проекти, а на есен ќе започне со снимање на „Лош ден“ на Нетфликс, во кој игра самохрана мајка во низа хаотични ситуации. На крајот на 2026 година, таа се враќа како глас на принцезата Фиона во „Шрек 5“.