Забава
Се венчаа шведската принцеза Мадлен и американскиот финансиер О'Нил
Помладата ќерка на шведскиот Карл XVI Густаф и кралицата Силвија, принцезата Мадлен се омажи во саботата за њујоршкиот претприемач Крис О’Нил.
Венчавката се одржа во капелата Слотсјучорк на Кралската палата во шведската престолнина Стокхолм и на неа присуствуваа околу 500 гости, меѓу кои пријатели, роднини и блиски на двојката, претставници на европските кралски семејства, членови на парламентот и на владата на Шведска и претставници на дипломатски мисии. Меѓу гостите беа монашката принцеза Шарлен, јапонската принцеза Такамодо и англискиот принц Едвард.
Најмладото дете на шведската кралска двојка, принцезата Мадлен во понеделник ќе го прослави 31-от роденден. Мадлен е четврта во редот на наследство на шведскиот трон зад сестра ѝ Викторија, внуката Естел и братот принцот Карл Филип.
Престолонаследничката Викторија има 36 години и таа е првото дете на кралот Карл XVI Густаф и кралицата Силвија, а по неа е 33-годишниот принц Карл Филип. Во јуни 2010 година Викторија влезе во брак со Даниел Вестлинг, човек од народот, кој израснал во обичнo шведско семејство од средната класа во селото Окелбо во североисточниот дел на земјата. Во февруари 2012 година двојката го доби девојченцето – принцезата Естел.
Мадлен пред неколку години се пресели во Њујорк и се вработи во хуманитарната организација World Childhood Foundation каде што го запозна 38-годишниот Крис О’Нил, кој е роден во Лондон и има двојно државјанство – на Велика Британија и на САД – експерт за финансии кој по венчавката не ја зема титулата принц. Тие се верија на 25-ти октомври минатата 2012 година. Двојката нема намера да живее во Шведска и по медениот месец ќе се врати во Њујорк.
Свадбената церемонија се одржа на два јазика – шведски и англиски. Во цветната декорација доминираа цвеќињата типични за почетокот на летото во Шведска, бели и розови божури, лилијани, делфиниуми..
Шведската принцеза носеше бела венчаница со кружен израз и куси ракави, креација на италијанскиот моден дизајнер Валентино Гаравани. Церемонијата беше пренесувана од шведската државна телевизија SVT.
Како што забележа коментаторот на преносот, Медлин иако не е наследничка на круната, нејзината свадба е значаен настан за шведското кралско семејство. Тоа, наводно, било причината што на венчавката не присуствувале европските монарси. Сепак, во свадбената церемонија беа вклучени елементи на официјалната симболика на кралска венчавка, особено склучување на бракот во капелата на кралската палата.
Според традицијата веднаш по свадбената церемонија во центарот на Стокхолм беше истрелана 21 топовска салва. А уште една карактеристика на кралска свадба беше тоа што младенците во свадбена поворка низ центарот на градот им отпоздравуваа на жителите на шведската престолнина. Вечерта, пак, во кралската резиденција надвор од Стокхолм, палатата Дротингхолм започна свадбениот банкет./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.