Хрватскиот актер, режисер и музичар Раде Шербеџија на својата официјална фејсбук-страница објави откажување на концертот во Винковци што требаше да се одржи на 15 ноември.

Настапот бил откажан бидејќи градоначалникот на Винковци, Иван Босанчиќ, сметал дека не е соодветно да се одржи концерт пред годишнината од падот на Вуковар.

Големата актерска ѕвезда тврди дека пред еден месец организаторите на „Филмскиот фестивал на актери “ во Винковци го повикале да одржи концерт по повод затворањето на фестивалот и доделувањето награди.

„Секако, се согласив, бидејќи Винковци е мојот град во кој пораснав и кој секогаш има посебно место и значење во мојот живот.“

„Иако мојот концерт веднаш бил распродаден поради, како што ми кажаа организаторите, големиот интерес, особено на младата публика во Винковци, вчера ме известија дека концертот е откажан. Градските власти објаснија дека се откажува поради чувствителноста на тематските манифестации во таа недела во која требаше да се одржи концертот.“

„Секако, не се согласувам со таквата одлука бидејќи ја сметам за чисто политиканство. Моите песни пропагираат љубов, хуманизам и благост и не можат никого и ништо да навредат.“

„Денес ми се јавија организаторите и ме замолија да одржам концерт во декември… И јас секако ќе го сторам тоа. Но, не поради нив, туку поради винковчани кои сакаат да дојдат на мојот концерт.“

„На крајот на краиштата, како што е задача на лекарите е да се грижат за здравјето на луѓето, задача на нас уметниците е да се грижиме за духовното здравје на луѓето за кои снимаме филмови, глумиме на театарски претстави и понекогаш пееме свои песни“, напиша Шербеџија.

Имено, концертот бил одложен на барање на градоначалникот на Винковци, Иван Босанчиќ, со образложение дека тајмингот не е адекватен. „Концертот е планиран за неделата кога ќе се потсетиме на најголемата трагедија на хрватскиот народ во поновата историја, кога во мир и почит ќе им оддадеме почит на жртвите од Вуковар и нашиот регион“, им кажал градоначалникот на организаторите на концертот.

Сара Џесика Паркер изгледа добро расположена додека ја снима новата сезона на „Сексот и градот“ заедно со новата симпатија на екранот, Џон Тени.

56-годишната актерка се врати во ликот на Кери Бредшо за сцените во Њујорк во средата вечерта, додека улогата на Џон допрва треба да биде објавена.

Двајцата ги изненадија фановите на ТВ-серијата минатата недела кога беа видени како снимаат сцени со бакнување, што сугерира дека Кери повеќе не е со Мистер Биг (Крис Нот).

Последните сцени нема да придонесат ништо за да ги смират шпекулациите дека Кери конечно го преболела фамозниот Мистер Биг.

Анџелина Џоли откри дека е прилично строга кон себе кога станува збор за тоа како ги воспитува своите шест деца.

Во еден од ретките коментари за своето семејство, оскаровката (46) признава дека редовно ги преиспитува своите родителски одлуки како самохрана мајка по разделбата со поранешниот сопруг Бред Пит во септември 2016 година.

„Во никој случај не сум совршен родител“, изјави таа за „Пипл“. Секој ден чувствувам дека станувам посвесна за сè што не правам како што треба.

Таа продолжи: „Јас сум прилично строга кон себе и често се прашувам дали ја правам вистинската работа. Дали ја кажав вистинската работа?“

И покрај тоа што одвреме-навреме се сомнева во себе, Џоли нагласи: „Добрината на моите деца е многу исцелителна за мене“.

Таа е мајка на Медокс (20), Пакс (17), Захара (16), Шајло (15) и 13-годишните близнаци Вивиен и Нокс, кои се под заедничко старателство со Пит (57).