Забава
Путин во батискаф разгледа остатоци од брод во Балтикот

Рускиот претседател Владимир Путин во понеделникот во батискаф се нурна во Балтичкото Море разгледувајќи ги остатоците од брод кој таму потонал уште во 1896 година, објавија руските медиуми.
Путин притоа изјавил дека програмата за истражувањата на морските длабочини треба да помогне и да се зацврсти сеќавањето на руските морнари.
„Тоа е многу корисна работа. Таа предизвикува интерес за историјата на татковината.., како кон трагичните и кон славните страници“, рекол рускиот претседател откако со батискафот на спасувачкиот брдо Александар Пушкин“ се нурнал на дното на Финскиот залив.
Путин за медиумите рекол и дека офицерите му кажале и дека досега се пронајдени околу 300 објекти кои лежат на морското дно од времето на Втората светска војна.
Путин бил во подводно разгледување на фрегатата „Олег“ некогашната гордост на руската царска флота“, кој е на длабочина од 60 метри во Финскиот залив.
Фрегатата „Олег“ потонала по судирот со оклопниот брод „Кремљ“. Таа претставува едно од најзачуваните примероци на руската бродоградба, и со неа завршила ерата на дрвените едреници. Сега се вршат нејзини проучување во рамките на проектот “Морската слава на Русија“ на Руското географско здружение“.
„Фрегатата ‘Олег’ лежи на десната страна и е во зачудувачки добра состојба. Добро се гледа и името на бродот“, рекол Путин по нуркањето кое траеле триесетина минути.
Ова не е прво нуркање на Путин со батискаф. Во 2009 година тој во слична авантура се нурна и во темните длабочини на прочуеното Бајкалско Езеро/крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Тргнете им се од патот: хороскопски знаци кои се многу нервозни кога надвор е пекол

Сонце и коктели за многумина значи само едно – лето. Но, додека некои хороскопски знаци уживаат во секој зрак, или барем се прилагодуваат на условите, други се претвораат во движечки бомби на раб на експлодирање.
Ако ги сретнете додека асфалтот е жежок, а климатизацијата во јавниот превоз не работи, можеби е најдобро да го свртите погледот, да се засолните во сенка и да почекате температурата да падне.
Четири хороскопски знаци кои едноставно не ја сакаат топлината.
Овен
Овните се огнени знаци, но кога температурата ќе надмине 30 степени, нивната внатрешна лава бара излез.
Овнот не може да поднесе бавност, а летото го наметнува од сите страни. Ако технологијата исто така го изневери, мобилниот телефон се прегрее или клима уредот во автомобилот одлучи да штрајкува, би можеле да бидете сведоци на кратко, но незаборавно губење нерви.
Рак
Раковите се суштества на домот и удобноста. Нивната идеја за лето вклучува затемнета соба, вентилатор и постојан проток на ладна лимонада. Кога треба да излезат и да се соочат со жештината на градот, нивното ниво на раздразливост се зголемува пропорционално со УВ индексот.
Ако сепак мора да чекаат во ред на сонце или да носат ранец што им се лепи за грбот, пасивно-агресивниот коментатор за сè и сешто може да излезе од милиот Рак. Тоа не значи дека не ве сака, само го мрази животот во моментот.
Девица
Девиците се познати по својата љубов кон редот, чистотата и организацијата. А летото? Летото е нивниот кошмар. Луѓето се потат, распоредите доцнат, панталоните се лепат за столот. Сè е лепливо, бавно и неуредно.
Кога Девица ќе види некој како влегува во климатизирана просторија и не ја затвора вратата брзо, можеби ќе почувствувате како ледениот поглед ве сече како нож. Не е дека Девицата не го сака сонцето, само кога е филтрирано низ прозорец и не ја нарушува нејзината внимателно избалансирана температура на телото и душата.
Шкорпија
Шкорпиите имаат длабоко вкоренет инстинкт за контрола, и кога е жешко, сè им бега. Пот? Не можам да го контролирам. Гужва на плажа? Не можам да ја избегнам. Луѓе што им дишат во вратот во јавниот превоз? Директно од пеколот. Сето ова води до потисната фрустрација која не треба многу за да се прелее.
Доволно е некој случајно да ги допре со влажно рамо и нивната вербална отровна стрела може да ја погоди дури и најневината жртва. Тие не се зли, само го сакаат своето место под клима уредот.
Забава
Концерт на групата „Гром“ во „Хераклеја“, специјален гостин Ален Славица

Македонската група „Гром“ со концерт на 2 јули на „Хераклеја“ ќе одбележи јубилеј, 45 години на музичката сцена.
„Гром“ се присутни на македонската музичка сцена од младинските рок гитаријади во 70-те, до Скопскиот фестивал, Мак Фест итн.
Концертот ќе почне во 21 часот, а настанот е во рамките на БИТ ФЕСТ 2025.
Специјален гостин на концертот ќе биде познатиот хрватски пејач Ален Славица.
Влезници по цена од 300 преку мкtickets, како и на билетарата на Хераклеја.
Забава
Знаци што покажуваат дека не внесувате доволно протеини

Често слушаме колку е важно да внесуваме доволно протеини, но многу луѓе сè уште се прашуваат дали ги задоволуваат своите дневни потреби.
Протеините се клучни за поправка на клетките, одржување на мускулите, хормонска функција и имунитет.
Ако не внесуваме доволно, може да се појават разни симптоми, кои често се игнорираат или им се припишуваат на други причини. Препорачаното дневно внесување е 0,8 грама на килограм телесна тежина, но вистинските потреби зависат од возраста, нивото на активност и од здравјето.
Луѓето во одредени животни фази, како што е перименопаузата, честопати имаат потреба од поголемо внесување. Нутриционистите Ребека Блејк, Тамар Самуелс и Даниел Пашко објаснуваат кои знаци може да укажуваат на недостиг на протеини.
Постојан глад
Ако не внесуваме доволно протеини, можеме да се чувствуваме како постојано да сме гладни, вели Самуелс.
„Зголемениот апетит може да биде природен начин на телото да се обиде да го зголеми внесувањето протеини за да ги задоволи своите нутритивни потреби“, објаснува таа за Параде.
Глад може да се појави и ако внесуваме доволно калории, но не доволно протеини.
Проблеми со косата, ноктите и со кожата
Бидејќи косата, ноктите и кожата се направени од протеинот кератин, недостигот може да предизвика видливи промени. Пашко истакнува дека недостигот на протеини може да доведе до опаѓање на косата и кршливи нокти, а Блејк додава дека кожата може да стане сува.
Според „УКЛА хелт“, сето ова се индикатори за недостиг на оваа важна хранлива материја.
Ненамерно губење тежина
Кога на телото му недостигаат градежните блокови за одржување на мускулната маса и на ткивото, може да се случи ненамерно губење тежина.
„Луѓето што јадат малку протеини често губат тежина иако не сакаат, што укажува на недоволно внесување“, истакнува Самуелс.
Блејк додава дека ниските нивоа на протеини исто така може да предизвикаат губење на мускулите, што дополнително влијае на телесната тежина.
(Фото: ЕПА)