Американскиот тиктокер Дастин Тајлер (36) е убеден дека негов татко е холивудскиот актер Кијану Ривс (57) за што зборуваше во неколку свои видеа на „Тик-ток“, во кои ги откри сите детали.

Дастин тврди дека неговите родители се разделиле пред мајка му да дознае дека е бремена и дека тој пораснал мислејќи дека татко му починал кога бил мал.

„Кога пораснав, мајка ми, конечно, ми ја откри вистината и се покажа дека татко ми е Кијану Ривс,“ објасни Дастин.

„Никогаш не сум рекол дека татко ми ме остави, но дека мајка ми не му кажала дека е бремена кога раскинале“, додава Тајлер. Тој истакна дека не очекува Кијану да го признае како свој син.

Неговите многубројни фанови одлучија да го поддржат во неговата приказна, а многумина од нив му поверуваа затоа што заклучија дека навистина личи на актерот. Дастин вели дека не му е грижа дали татко му ќе го признае, само сака да го сподели ова сознание со сите.

Кијану сè уште јавно не се изјаснил за наводното татковство.

Ајрленд Болдвин остро ја нападна Кендис Овенс во врска со нејзиниот твит дека вмешаноста на Алек Болдвин во фаталниот инцидент во Ново Мексико е поетска правда по неговите критики кон Доналд Трамп.

Контроверзната конзервативка (32) се огласи на „Твитер“ критикувајќи го таткото на Ајрленд за случајнотото пукање во кое беше убиена камерманката Халина Хачинс минатата недела.

„Алек Болдвин помина 4 години нарекувајќи го Доналд Трамп и неговите поддржувачи зли убијци. Она што му се случи на Алек е пример за поетска правда…

Реакцијата на ќерката на актерот дојде веднаш по твитот.

„Ти си најодвратното, најомразено, канцерогено човечко суштество што некогаш сум го сретнала“, напиша 26-годишната манекенка на „Инстаграм-стори„.

Таа продолжи: „Без оглед на вашите погрешни мислења најчесто, факт е дека не го почитувате животот на жена што беше случајно и трагично убиена… Срам да ви е“.

Ајреленд исто така ги извести своите 680.000 следачи дека ќе направи пауза на „Инстаграм“ бидејќи се срами да дише ист воздух како оваа жена.

Јапанската принцеза Мако се омажи за своето момче Кеи Комуро, обичен граѓанин без сина крв, објавија светските медиуми.

Веста доаѓа по години контроверзии за финансискиот спор во кој била вклучена мајка му, што доведе до тоа парот да се откаже од традиционалните церемонии поврзани со кралски брак.

Принцезата Мако, внука на императорот Нарухито, го напушти својот кралски статус и стана Мако Комуро во семејниот регистар со својата љубов од универзитетските денови.

Овластена агенција доставила правни документи за регистрација на бракот на Мако и Кеи во нивно име денес наутро, четири години откако нивната врска беше објавена во јавност.

Младенците, двајцата 30-годишни, се појавија заедно пред новинарите првпат по четири години, но наместо вообичаена прес-конференција, кажаа неколку зборови и поделија писмени одговори на пет избрани прашања доставени од медиумите.