Забава
Во Германија потстанарот може да биде избркан од зграда ако пуши

Суд во Германија пресуди дека станар кој пуши во изнајмен стан од него може да биде исфрлен доколку чадот од станот се рашири низ заедничките делови од зградата.
Ваква одлука донесе окружниот суд во Диселдорф по тужбата на сопственичката на зграда во којашто живее Фридхелм Адолфс, на којашто другите станари и` се жалеле дека на басамаците можат да го намирисаат чадот од цигарите што ги пуши Адолфс.
Овој 74-годишен пасиониран пушач на судот изјавил дека неговиот стан не е херметички затворен и дека тој не може да биде виновен доколку чадот под вратата се провлекува на басамаците.
Судот во своите изјаснување објави дека не може да се бара другите станари да го трпат „неприфатливата и неподносливата“ смрдеа. Оттаму, како што се наведува во пресудата, Адолфс, кој во тој стан живее 40 години, од него може да биде исфрлен и покрај важечкиот договор за изнајмување. Пресудата не е правосилна, и овој станоизнајмувач, а тие во Германија се многу заштитена категорија, има право на жалба.
Истиот суд истовремено во своето образложение повторил и дека луѓето имаат основно право да пушат во своите сопствени станови.
Адолфс тврди дека го бркаат од станот за да може сопственичката поскапо да го изнајми. Тој во истиот стан пуши сите 40 години колку што и живее во него, а пушела и неговата почината сопруга.
Откако овој случај се појави на судот и во јавноста, Адолфс стана симбол на пропушачките групи во Германија. Дури тие собираа и пари за судските трошоци.
Иако во Германија е забрането пушењето на јавни места, таа е татковина и на многу познати и влијателни пушачи. Секако најпознат е случајот на поранешниот канцелар сега 94-годишниот Хелмут Шмид кој и денес бара да пуши додека го интервјуираат за телевизиите. Во едно интервју испушил дури 13 цигари пред камерите. По најавите дека Европската унија ќе ги забрани цигарите со вкус на ментол, Шмид се погрижил за своите резерви – купил 200 штеки и ги чува во својот дом./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Шокантно издание на контроверзната актерка

Иако доаѓа од Холивуд, можеби малку претера кога станува збор за црвениот тепих, но тоа е Џена Ортега.
Ѕвездата на хорор-филмовите се погрижи да биде главна тема на доделувањето на наградите „Еми“, а многумина дури ја вклучија и на листата на најлошо облечени ѕвезди.
Таа се појави во здолниште и малку чуден топ, кој требаше да претставува маица.
Џена носеше декоративни нитни, поголеми бисери и многу други предмети што личеа на скапоцени камења, кои го заменија горниот дел од нејзината облека.
Исто така, имаше силна вечерна шминка со нагласени очи, но и темен кармин, па не знаете каде попрво да погледнете со толку многу впечатливи детали.
Секако, не носеше ништо под горниот дел.
Својот моден изглед го комплетира со едноставни сандали на платформа со тенка лента и без никакви проблеми продолжи да позира за собраните фотографи.
фото: принтскрин
Забава
(Фото) Фатална и во шестата деценија: Кетрин позира во долг црн фустан со гол грб

Прославената актерка Кетрин Зета-Џонс (55) прошета на црвениот тепих на доделувањето на наградите „Еми“ и буквално ги остави сите без зборови.
Познатата убавица неодамна беше цел на коментари за изјава за дете, што многумина ги сметаа за несоодветни. Сепак, тоа не ја спречи повторно да привлече внимание на себе.
Кетрин позира во долг црн фустан со гол грб. Целата креација е покриена со ситни светки, а горниот дел е целосно транспарентен и украсен со цветни мотиви.
Своето смело модно издание го комплетира со сандали на високи платформи и со спектакуларни обетки гордо покажувајќи им на сите дека сè уште нема достојна конкуренција кога станува збор за гламур.
Кетрин Зета-Џонс е една од најголемите ѕвезди во Холивуд, а нејзиниот брак со Мајкл Даглас привлекува внимание со години. И покрај разликата од 25 години, овој пар е во љубов повеќе од две децении и се чини дека сè уште се вљубени како на првиот ден.
фото: принтскрин
Забава
(Фото) Никој не го тргна погледот од неа поради нејзиниот неодолив фустан

Ѕвездата од серијата „Белиот лотос“ привлече внимание во необична креација, која совршено ги откриваше нејзините вити нозе и идеалната фигура.
Тајландската раперка и актерка Лалиса Манобал, која светската слава ја стекна како членка на групата Blackpink, а потоа ја доби својата прва актерска улога во третата сезона од серијата „Белиот лотос“, привлече можеби најголемо внимание на 77. доделување на наградите „Еми“ во Лос Анџелес, сето тоа благодарение на фустанот што го носеше на оваа церемонија.
Розовиот фустан неодоливо личи на шеќерна волна, што не е прв пат оваа година да видиме таков стил на црвениот тепих. Сепак, иако ваквите фустани можеби станаа еден од најнеобичните трендови, што дури и бремената Ријана ги прифати, тие секогаш привлекуваат неверојатно внимание и ги ставаат своите сопственици во центарот на настаните.
Оваа креација се состои од неколку слоеви транспарентен тил, кој е најизразен на колковите, каде што има длабок шлиц што ја истакнува завидната фигура на популарната Лиза, како што ја нарекуваат, но целото внимание е сепак насочено кон нејзините вити нозе.
Бојата на фустанот ја комбинира со накит и светкави зашилени чевли.
Целиот изглед го заокружи со суптилна шминка и малку виткана коса, како и разоружувачка насмевка, што им ја подари на фотографите.
фото: принтскрин