Забава
Во Германија потстанарот може да биде избркан од зграда ако пуши

Суд во Германија пресуди дека станар кој пуши во изнајмен стан од него може да биде исфрлен доколку чадот од станот се рашири низ заедничките делови од зградата.
Ваква одлука донесе окружниот суд во Диселдорф по тужбата на сопственичката на зграда во којашто живее Фридхелм Адолфс, на којашто другите станари и` се жалеле дека на басамаците можат да го намирисаат чадот од цигарите што ги пуши Адолфс.
Овој 74-годишен пасиониран пушач на судот изјавил дека неговиот стан не е херметички затворен и дека тој не може да биде виновен доколку чадот под вратата се провлекува на басамаците.
Судот во своите изјаснување објави дека не може да се бара другите станари да го трпат „неприфатливата и неподносливата“ смрдеа. Оттаму, како што се наведува во пресудата, Адолфс, кој во тој стан живее 40 години, од него може да биде исфрлен и покрај важечкиот договор за изнајмување. Пресудата не е правосилна, и овој станоизнајмувач, а тие во Германија се многу заштитена категорија, има право на жалба.
Истиот суд истовремено во своето образложение повторил и дека луѓето имаат основно право да пушат во своите сопствени станови.
Адолфс тврди дека го бркаат од станот за да може сопственичката поскапо да го изнајми. Тој во истиот стан пуши сите 40 години колку што и живее во него, а пушела и неговата почината сопруга.
Откако овој случај се појави на судот и во јавноста, Адолфс стана симбол на пропушачките групи во Германија. Дури тие собираа и пари за судските трошоци.
Иако во Германија е забрането пушењето на јавни места, таа е татковина и на многу познати и влијателни пушачи. Секако најпознат е случајот на поранешниот канцелар сега 94-годишниот Хелмут Шмид кој и денес бара да пуши додека го интервјуираат за телевизиите. Во едно интервју испушил дури 13 цигари пред камерите. По најавите дека Европската унија ќе ги забрани цигарите со вкус на ментол, Шмид се погрижил за своите резерви – купил 200 штеки и ги чува во својот дом./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ако маж носи јапонки, бегајте!, вели Дакота Џонсон

Актерката Дакота Џонсон откри што за неа е најголемо црвено светло во врска – маж кој носи папучи (јапoнки). Во интервју за „Вог“ на 21 октомври, ѕвездата изјави: „Мажи кои носат јапонки? Бегајте.“
Џонсон додаде дека не сака ниту парфеми или силни мириси, велејќи дека има многу специфично чувство за мирис кај луѓето.
По раскинот со Крис Мартин по осум години врска, актерката претходно изјави дека не бара ништо посебно кај партнерот, само да не биде глупак.
Во мај за „Ел“ таа рече дека никогаш не користела апликации за запознавање, додавајќи: „Љубовта е најстрашната, но и најубавата работа што човек може да ја направи.“
Забава
Хороскопски знаци што гледаат проблем во сè

Овие хороскопски знаци имаат тенденција кон песимизам, не затоа што се злонамерни, туку затоа што секогаш се подготвени за најлошото.
Јарец
Реалист до крајност, но често преминува во песимизам. Верува само во труд и контрола, па кога нешто ќе тргне поинаку, очекува најлошо. Перфекционизмот го прави разочаран кога работите не излегуваат точно според план.
Девица
Аналитична и критична, често ја гледа грешката пред успехот. Наместо да се фокусира на напредокот, ги забележува само несовршеностите и мисли дека сè пропаѓа.
Рак
Емоционален и чувствителен, длабоко ги проживува проблемите. Склон е да се враќа во минатото и да размислува што можел да направи поинаку. Кога ќе ја изгуби верата, му е тешко повторно да ја врати.
Шкорпија
Светот го гледа црно-бело. Кога ќе наиде тешкотија, тешко е да поверува дека ќе стане подобро. Се затвора во себе и станува сомничав, дури и кон оние што му мислат добро.
Забава
Кевин Федерлајн детално го опиша повикот по кој завршил неговиот брак со Бритни Спирс

Телефонски повик со Бритни Спирс, Парис Хилтон и Линдзи Лохан бил „капката што ја прелила чашата“ и довел до крајот на бракот меѓу Кевин Федерлајн и поп-ѕвездата, пишува во неговите нови мемоари You Thought You Knew, пренесе Page Six.
„Беше три или четири часот наутро. Таа, Парис и Линдзи беа пијани и ме молеа да дојдам. Во позадина ги слушнав моите синови Престон и Џејден како плачат. Тој повик беше крај,“ напиша тој.
Додаде дека претходно гледал фотографии од Бритни на забави, но дека тој момент ја уништил секоја надеж дека ќе се смират поради децата.
Во книгата се наведуваат и други тешки обвинувања – дека Спирс го удрила поради марихуана што еден негов пријател ја оставил во домот, дека ја видел како со пријателка шмрка кокаин, како и дека понекогаш ги гледала децата додека спијат, држејќи нож во рака.
Федерлајн тврди и дека Бритни го изневерила на почетокот на врската и му се јавила на поранешното момче Џастин Тимберлејк ден пред свадбата.
Тимот на Спирс (43) одговорил дека повторно некои луѓе профитираат од неа откако престанала алиментацијата. Нејзиниот портпарол истакнал дека пејачката се грижи само за благосостојбата на своите деца и дека веќе ги опишала своите искуства во мемоарите The Woman in Me (2023).
„Постојаната манипулација од мојот поранешен сопруг е болна и исцрпувачка. Пет години се обидувам да живеам мирен и приватен живот, но сега ми е доста,“ напиша таа, додавајќи во друга објава дека Федерлајн шири лажни приказни и се обидува да звучи убедливо.
Кевин Федерлајн и Бритни Спирс беа во брак од 2004 до 2006 година и имаат два сина – Шон Престон и Џејден.