Забава
Американец со 'волво' од 1966-та минал три милиона милји

Американецот Ирв Гордон минал со ист автомобил црвено „волво“ купено во 1966 година рекордни три милиони милји, пишуваат во четвртокот американските медиуми.
Седумдесет ичетиригодишниот пензиониран наставник по научни предмети од њујоршки Лонг Ајланд, потврдил во гледаната емисија „Today“ на американската телевизиска мрежа NBC дека во септември годинава ја надминал бројката од три милионa изминати милји, односно 4,8 милиони километри додека патувал за Аласка.
Ирв Гордон и во 2002 година гостуваше во истата емисија кога го постави тогашниот светски рекорд со минати два милиона милји со ист автомобил. Единаесет години подоцна тој сé уште го вози истиот автомобил. „Тоа е фантастично. Сега веќе се навикнав на уривање на рекорди“, додал Гордон.
Неговиот автомобил од моделот „volvo P1800“ сé уште го има оригиналниот мотор. „Прво ќе купите квалитетен автомобил, а потоа само следи упатство за употреба. Луѓето што ја напишале таат книга се истите оние коишто и го направиле автомобил“, рекол Гордон објаснувајќи ја долговечноста на својот автомобил.
Гордон автомобилот го купил во 1966 година а за десет години минал 500 илјади милји, имајќи предвид дека секојдневно патувајќи до работа минувал по 125 милји, односно 200 километри. Границата од милиони милји ја минал во 1987 година, а два милионa милји во 2002 година.
Запрашан колкава е вредноста на неговиот стар автомобил Гордон шеговито одговорил „Дајте ми долар за милја и носете го дома“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Експертите објаснуваат зошто е корисен грчкиот јогурт

Дали некогаш сте се запрашале што се случува со вашето тело ако консумирате грчки јогурт секој ден?
Експертите често го фалат грчкиот јогурт затоа што е богат со калциум, што е од суштинско значење за силни коски, богат со протеини и пробиотици кои се корисни за цревата.
Но, дали некогаш сте се запрашале што се случува со вашето тело кога го консумирате секој ден? Имено, тој е многу корисен кога станува збор за губење на тежината.
Диететичарката Мари Сабат за „Јади го ова, не она!“ изјави дека ферментираната храна богата со протеини помага во растот на мускулната маса и одржувањето на здравјето на цревата. Овие два фактори го намалуваат салото на стомакот.
Грчкиот јогурт може да ви помогне и да добиете повеќе енергија. Личниот тренер, Џој Граут, изјави дека консумирала грчки јогурт секое утро во период од седум дена пред да им го препорача на своите клиенти.
„Најзабележителната промена беше одржувањето на моето ниво на енергија за време на моите утрински тренинзи, без падовите на енергија што ги доживував кога го јадев мојот вообичаен појадок“, додаде таа.
Дополнително, Грут се чувствувала сита подолго време бидејќи грчкиот јогурт содржи приближно 20 грама протеини по пакување, што значи дека не посегнувала по грицки пред ручек.
„Една клиентка изгуби три килограми во првата недела со тоа што ги замени шеќерните житарки со грчки јогурт со бобинки“, рече таа.
Грчкиот јогурт, исто така, ќе го подобри здравјето на вашите црева бидејќи пробиотиците го поддржуваат имунолошкиот систем со одржување на рамнотежата на цревниот микробиом.
Директорот на компанијата „Солас Хелт“, Џереми Гервик, вели дека дневната консумација е клучна бидејќи на пробиотиците им се потребни од седум до 14 дена за да почнат да дејствуваат на цревата.
„Препорачувам незасладен, обичен грчки јогурт со бобинки како дневен извор на храна, бидејќи е полн со антиоксиданси“, додава тој.
Фото:принтскрин
Забава
Радовиш во ритам: „Нокаут“ и легендарните „Дивље јагоде“ за Денот на македонските рудари

На 28 август, Радовиш ќе заживее во ритамот на големата музичка прослава по повод Денот на македонските рудари и Денот на градот Радовиш. Во организација на рудниците Бучим и Боров Дол, оваа година публиката ќе има можност да ужива во настапите на два големи регионални бенда – нашите „Нокаут“ и легендарните „Дивље јагоде“, во вечер која ветува незаборавно музичко доживување.
Од 21:00 часот, сцената ќе ја запали македонскиот поп-рок бенд „Нокаут“, кој повеќе од две децении плени со своите емотивни балади и енергични хитови. Ќе се пеат од срце песни како Лебедот бел, За нас, Временска машина, Мене ми припаѓаш, Во бестрага, Кога ме сакаш ти, Еј би си, Илјада причини за крај…и многу други, создавајќи атмосфера која спојува неколку генерации.
Во 23:00 часот, рок легендите „Дивље јагоде“, бендот кој ја дефинираше “hard & heavy” сцената на Балканот, ќе ја преземат сцената со своите препознатливи рифови и безвременски песни како Мотори, Шејла, Не желиш крај, Једина моја, Криво је море, Ауто стоп, Кап по кап, Марија, Сарајево, ти и ја… Со повеќе од четири децении музичка историја, нивниот настап ќе биде вистински спектакл за љубителите на моќен звук. Организаторите ветуваат вечер исполнета со врвна музика, силни емоции и забава што ќе се памети.
„Влезот е слободен, а потребно е само добро расположение и желба за заедничко славење на овој посебен ден. Радовиш е подготвен за уште една незаборавна ноќ – бидете дел од оваа музичка магија и заедно да го прославиме Денот на македонските рудари и Денот на градот“, порачуваат организаторите.
Забава
(Видео) Мадона се прошета во Италија со своето 38 години помладо момче: „Внукот оди рака под рака со баба“

Мадона пристигна во Италија со својот партнер Акем Морис, кој е 38 години помлад од неа. Покрај него, таа беше придружувана од група мажи кои ја чуваа од потенцијални напаѓачи.
Додека шеташе по улиците на Фиренца, многумина беа изненадени од нејзиното забавено движење. За дневната прошетка, таа одлучи да носи долг, широк син фустан, а на својот стил додаде и големи очила и шапка за да го „заштити“ својот идентитет.
Сепак, таа не успеа во тоа, а јавноста веднаш ја препозна и забележа едно нешто – Мадона одеше со малку згрбавена поза, држејќи се за своето помладо момче.
Коментарите на социјалните мрежи беа немилосрдни:
„Внукот оди рака под рака со баба“, „Од Мадона до мојата баба – за момент“, „Мислев дека ја видов кралицата Елизабета за момент“, „Ова е доказ дека премногу вежбање боли, изгледа многу постара од своите години“, „Оди како стара жена, сигурно е во неволја“, „Изгледаш како да имаш 87, а не 67 години“, беа некои од коментарите.
фото: принтскрин