Забава
Најстарата продавница за плочи во Сохо се продава на eBay
Најстарата продавници за плочи во лондонски Сохо „On the Beat Records“ се продава на eBay со почетна цена од 300 илјади фунти, откако нејзиниот сопственик одлучил да ја препушти работата на „некој друг пасиониран обожавател на музиката“.
Огласот кој го објавил на eBay светски најпознатата аукциска интернет продажна платформа е насловен со „On the Beat Records – продавници на класични винил носачи на звук во центарот на Лондон“, пишува британскиот весник The Guardian.
Сопственикот Тим Дербишир продавницата ја отворил во 1979 година во улицата „Hanway Street“. Денес тој поседува огромна колекција стари фанк и соул, џез, кантри и фолк плочи, но и со поп музика од 1990-те, и од разни други жанрови музика. Во огласот тој ги повикува потенцијалните купци: „Остварете го својот сон и зачекорете во светот на рокенролот – искористете ја својата можност да бидете сопственик на продавница на плочи!“.
„Доколку се наоѓате во животна фаза кога не морате да се грижите за заработката, туку можете да му се препуштите на боемскиот стил на живеење којшто секојдневно може да ви донесе познанства со интересни луѓе а повремено и со поп или рок ѕвезди, ви се нуди можност да ја преземете најстарата продавница на плочи во центарот на модерен Лондон. На истото место веќе со децении, во самото срце на Сохо, веднаш зад аголот од улицата Tin Pan Alley. Вистинска пештера со винилно богатство чијашто жива, интересна историја избива од секој нејзин ѕид“, пишува уште во огласот на Дербишир.
Предупредува дека доколку продавницата набрзо не биде купена, е осудена на пропаст. „Го дадов своето срце и душата сиве овие години, но време е да се повлечам и да ја препуштам работата на некој друг пасиониран обожавател на музиката“, истакнува сопственикот.
На крајот од огласот, се потенцира дека овој продавач не прима рекламации за својот производ.
До истекот на аукцискиот период преостануваат уште само 19 дена. Огласот засега го „гледаат“ 519 заинтересирани, а досега се дадени шест понуди од кои една е одбиена./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) На 81 година, Мајкл Даглас вози санки по Арктикот и спие во хотел од мраз
Мајкл Даглас (81) објави видео од Арктикот, каде што вози моторни санки и престојува во хотел изграден целосно од мраз. Ова патување доаѓа откако неодамна го посетил и Антарктикот. Во снимката, тој ги опишува мразот, излегувањето на сонцето околу 10 часот и мракот кој паѓа веќе во 14 часот. Посетил и леден хотел со уметнички скулптури во собите.
Покрај патувањето, Даглас најави и објавување на свои мемоари, каде што ќе зборува отворено за својот живот, семејството и искуствата надвор од славата.
View this post on Instagram
Забава
Каков прв состанок сака секој хороскопски знак
Некои сонуваат за вечера со свеќи, други би побегнале на патување, а трети најмногу се вљубуваат додека се забавуваат на исто место во исто време. Идеалниот состанок не изгледа исто за секого – бидејќи ниту романтиката не е универзална. Каков состанок одговара на секој хороскопски знак, открива „Индекс“.
♈ Овен
Најлошо му е кога е сè пребавно и „премногу тивко“. Идеалниот состанок започнува спонтано: краток пијалок, па некаква активност – билијард, картинг, пикадо, видео игри – што било каде што нешто се случува и каде што може да се натпреварува (па макар и на шега).
♉ Бик
За него романтиката е во уживањето. Вечера во проверен добар ресторан, десертот не се прескокнува, па мирна прошетка – тоа е неговиот јазик на љубов.
♊ Близнаци
Не поднесуваат состаноци кои изгледаат како долга пауза. Им треба динамика: кафе, па изложба или паб квиз, па „ајде уште тука“ – идеално кога вечерта има неколку станици, а разговорот секогаш оди во нов правец.
♋ Рак
Бара чувство на сигурност и топлина. Пријатно бистро, домашна вечера или филмска вечер, со акцент на „ние“ – без врева, без глумење, со разговор што останува во срцето.
♌ Лав
Сака сè да изгледа како настан. Коктели на убаво место, добра светлина, малку гламур и чувство дека вечерта е посебна – дури и ако трае само неколку часа.
♍ Девица
Не поднесува хаос, но го вреднува трудот. Идеалниот состанок е организиран и смислен: кафе, па прошетка или мал излет – деталите се важни, но на тивок, прецизен начин.
♎ Вага
Ја сака естетиката и атмосферата. Вино, убава околина, галерија или некој културен настан, па вечера на место каде што не мора да се викаш за да се слушнеш – сè треба да биде „по мерка“.
♏ Шкорпија
Не се пали на генерички сценарија: сака нешто интимно, малку мрачно, со доза на напнатост. Добар бар, музика, долг разговор и чувство дека „нешто се случува“, и без многу зборови.
♐ Стрелец
Најсреќен е кога состанокот е мини авантура. Роуд трип до блиско место, улична храна, нешто ново и смешно, план кој се менува во движење – за него романтиката е во слободата.
♑ Јарец
Вреднува квалитет без драма. Сериозна, добра вечера, добро вино и разговор со смисла. Без потреба од спектакл, но мора да се почувствува почит и намера.
♒ Водолија
Бега од клишеа. Идеалниот состанок е неконвенционален: стендап, паб квиз, алтернативен концерт или нешто сосема случајно – што подоцна ќе стане добра приказна.
♓ Риби
Најнежни од сите. Прошетка покрај вода, топло вино или чоколадо, мирна атмосфера и романтика што повеќе се чувствува отколку што се планира.
Естрада
По нападите врз Чолиќ и Кајмакоски, Хари Мата Хари не стравува: „Нема што да земат од мене, не станав богаташ од оваа работа“
Познатиот пејач Хари Мата Хари наскоро ќе одржи концерт во Белград, а особено се радува што по 10 години објави нова песна. На прес-конференција, тој отворено зборуваше за својата кариера, за колегите од естрадата, но и за актуелната клима на страв по неодамнешните инциденти.
По нападот врз домот на Здравко Чолиќ, кога беше фрлена бомба, и по киднапирањето на Даниел Кајмакоски, дел од музичката сцена изрази загриженост. Но, Хари тврди дека нема причина да се плаши.
„Мислам дека не сум толку важен. Немам обезбедување. Немам што да им дадам, немаат што да земат од мене“, изјави Хари, додавајќи дека е убеден дека не се замерил со никого, пренесе „Пинк“.
„Не станав богаташ од оваа работа, ниту некого премногу го иритирав. Не сум се дружел со погрешни луѓе“, додаде тој.

