Забава
Милионитата Lieca продадена за 840 илјади евра
Милионитиот произведен фотоапарата од германскиот производител „Leicа“ моделот „M3 Chrome“ е продан за 840 илјади евра на аукцијата на виенската галерија Westlicht, на наддавањето организирано преку викендот по подови стогодишнината од основањето на германската компанија „Leica“ во 1913 година.
Апаратот од моделот „M3 Chrome“ произведен од 1960 година беше во сопственост на музејот „Leica“. Пред наддавањето беше проценет на вредност меѓу 400 и 500 илјади евра, а името на купувачот останува непознато.
На неделната продажба, апаратот од моделот „Lieca Ill f“ од 1950 година кој го има бројот на производство „500.000“ е продаден за 360 илјади евра, а беше проценет меѓу 200 и 250 илјади евра.
Неименуван купувач на истата аукција во ораганизација на виенската галерија Westlicht, во светот, позната како организатор на аукции на скапи фотографии на светски познати фотографи, како и историски парчиња од фотографска опрема, е новиот сопственик на фотоапаратот од моделот „Leica 1 Mod. C Luxus“ од 1930 година, и тоа за 504 илјади евра, што е трипати повеќе од првично предвидената цена.
Меѓу историските фотоапарати кои беа понудени на аукцијата во Виена, апаратот од 1842 година кој му припаѓал на францускиот инженер Шарл Шевалје е продаден за 132 илјади евра.
Галеријата Westlicht истовремено организираше и аукција на фотографии. Така, серијата од 114 фотографии „Автопортрети: САД“ на американскиот фотограф Дејвид Даглас Данкан е продадена за 144 илјади евра.
Фотоапаратите на „Leica“ се водечките на аукциите на фотографска опрема во сите наддавања последните години, како поради нивниот исклучителен квалитет, така и поради раритетноста и лускузноста. Така, викендов анонимен Азиец плати на наддавање на стари фотоапарати во организација на аукциската куќа Bonhams во Хонгконг – 620 илјади американски долари за еден од само четирите примероци на светот од фотоапарат од моделот „Leicа Luxus II“ од 1932 година. Но останува непозната судбината на преостанатите примероци од моделот „Leicа Luxus II“ обложен со злато и во футрола од крокодилска кожа.
Друг фотоапарат „Leicа“ од моделот „Luxus I“ е 1930 година е продаден во саботата за истата цена, што според аукциската куќа укажува на сѐ поголемото интересирање во Азија за постарата и луксузна фотографска опрема.
Фотоапаратите од „Leica“ се доста цените во колекционерските кругови и редовно на наддавањата постигнуваат рекордни цени. Така, цената постигната во Хонгконг, сепак, не е ниту одблизу до цените што ги постигнаа некои други модели. Така, во мај 2013 година фотоапаратот „Leicа 250 Reporter“ од 1933 година кој беше проценет на 60 илјади евра беше продаден за 528 илјади евра или над 720 илјади американски долари, како и моделот Leica Illf од 1956 година, специјално дизајниран за шведската армија.
Во мај 2012 година, исто така, на аукција организирана од виенската галерија Westlicht беше продаден фотоапаратот „Leica“, серија 0 број 116 од 1923 година кој достигна цена од 1,8 милиони евра, односно со даночните давачки од 2,16 милиони евра или повеќе од 2,8 милиони долари, а исто така купувачот беше анонимен колекционер од Азија. Станува збор за фотоапарат од серијата од 25 прототипови направени во 1923 година, две години пред оваа прославен германска фирма да почне со комерцијалното производство.
Претходната рекордна цена на фотопарат беше постигната во 2011 година, кога апаратот „Leica“ серија 0 број 117 беше продаден за вкупно 1,32 милиони евра. Во светот постојат уште 12 од овие 25 прототипови на „Leica“.
До 2010 година рекорд за фотоапарат го држеше дагеротип од 1839 година со потпис на неговиот пронаоѓач, кој на аукцијата беше продаден за 732 илјади евра/крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Џенифер Лопез вешто избегна да одговори на прашањето за разводот од Бен Афлек
Џенифер Лопез се најде во малку незгодна ситуација за време на гостувањето во шоуто „Тудеј“, но вешто избегна директен одговор на прашањето за нејзиниот неодамнешен развод од Бен Афлек. Пејачката и актерка го промовираше својот нов мјузикл „Бакнеж на жената-пајак“, но водителот Крег Мелвин ја искористи можноста да го спомене нејзиниот личен живот.
„Во средината на снимањето на овој комплексен, прекрасен мјузикл, и вашиот развод од Бен е финализиран“, почна Мелвин, но Лопез веднаш го прекина со гласен смеа и коментар: „Ете го! Погледнете го!“
Водителот објасни зошто го споменал Афлек, велејќи: „Но, потоа прочитав дека твојот бивш е извршен продуцент на филмот“. Лопез само го игнорираше тоа, но сепак му ја припиша заслугата на својот поранешен сопруг, од кого се раздели во 2024 година. „Да не беше Бен, филмот немаше да биде снимен. И секогаш ќе му ја припишувам заслугата за тоа“, рече таа.
Во врска со самиот развод, таа кратко коментираше дека „работите се случуваат“ и додаде: „Мора да продолжите понатаму“. Да потсетиме дека двојката првпат се сврши во 2002 година, но се разделија една година подоцна. Ја обновија својата романса 20 години подоцна и се венчаа во 2022 година. Сепак, љубовта не траеше долго, а Лопез поднесе барање за развод минатата година, кое беше финализирано во февруари оваа година.
фото: принтскрин
Забава
Вилијам и Кејт открија строго правило што го имаат за своите деца
Принцот Вилијам и Кејт Мидлтон дадоа редок увид во нивниот семеен живот со три деца во искрено интервју објавено минатата недела. Принцот од Велс разговараше со актерот Јуџин Леви за неговата емисија „The Reluctant Traveler“ и се осврна на различни теми, од разводот на неговите родители до навиките за вечера во семејството, според „ХафПост“.
Строго правило за вечера
Еден од најинтересните детали што ги откри Вилијам беше правилото за употреба на мобилни телефони, или поточно, нивната забрана, особено за време на семејните оброци. „Седнуваме и разговараме, тоа е навистина важно“, му рече Вилијам на Леви за важноста на заедничката вечера. „Ниедно од нашите деца нема телефони, за што сме многу строги“.
Вилијам и Кејт имаат три деца: 12-годишниот Џорџ, 10-годишната Шарлот и 7-годишниот Луис.
Детство без екран
Леви беше особено заинтересиран за ова правило, па го праша принцот со што си играат децата кога немаат телефони. „Значи, ако вашите деца немаат телефони за играње, со што си играат?“, праша актерот. „Што сакаат да прават?“
Вилијам со насмевка сподели детали од нивната дневна рутина. „Луис ја обожава трамболината, па затоа е опседнат со неа, а всушност и Шарлот многу скока“, откри тој. „Од она што можам да го видам, тие само скокаат горе-долу на трамболината, удирајќи се еден со друг, поголемиот дел од времето.“ Идниот крал се пошегува: „Очигледно, има уметност во тоа.“
Тој додаде дека Шарлот исто така игра нетбол и балет, додека Џорџ ги сака фудбалот и хокејот. „Да ги држиме зафатени со спорт и да бидат на отворено е навистина важно“, нагласи тој, додавајќи дека децата се обидуваат да научат и да свират музички инструменти. „Не сум сигурен колку сме успешни во тоа“, додаде тој.
Принцезата од Велс го откри својот најголем модел во 2020 година, за време на појавувањето во подкастот „Среќна мајка, среќно бебе“. „Имав неверојатна баба која поминуваше толку многу време со нас – си играше со нас, правеше уметност и ракотворби, готвеше со нас“, рече Кејт во тоа време.
Таа заврши со зборови што ги користи и денес: „Се обидувам да ги вклучам многу од искуствата што ни ги даде тогаш во искуствата што им ги давам на моите деца сега“.
фото: принтскрин
Забава
(Фото) Девојката на Бекам „ги покажа забите“: ја критикуваат затоа што е постара од Круз
Викторија Бекам неодамна ја претстави својата нова колекција на Неделата на модата во Париз, а на овој важен настан беше поддржана од сите членови на семејството и, секако, привлече големо внимание со својот изглед.
На настанот се појавија Дејвид Бекам, ќерката Харпер, синовите Круз и Ромео, а Круз (20) беше придружуван од неговата девојка, кантавторката Џеки Апостел (29), со која е во врска повеќе од една година.
Таа се појави и на семејната фотографија, што предизвика контроверзии меѓу корисниците на социјалните мрежи, кои „му замерија“ на Круз затоа што е со постара девојка и ја нарекоа нивната врска „чудна“.
„Зошто 29-годишна излегува со 20-годишник?“, претежно негодуваа корисниците, но сигурно никој не очекуваше Џеки да проговори и да одговори токму на ова прашање што ги „мачеше“.
„Затоа што е љубезен, забавен, шармантен, грижлив, амбициозен, зрел, талентиран, лојален и прилично убав“, напиша таа отворено на Инстаграм, покажувајќи што навистина чувствува за него.
И ова не е прв пат девојката на Круз да присуствува на семеен настан, што укажува дека славното семејство одамна ја прифатило, а дека и таа добро се покажала како „снаа“.
фото: принтскрин
Уапсена сопругата на докторот кој беше застрелан во Куманово, била вмешана во обидот за неговото убиство
Полицијата ја уапси сопругата на докторот кој беше застрелан вчера во Куманово. Тој со повреди беше пренесен во болница, но...
Евакуации во објектите околу плоштадот „ВМРО“ поради куфер оставен на плочникот, полицијата утврди дека е празен
Обезбедувањето на Јавното претпријатие за државни патишта пријавило во полиција дека две лица денес оставиле куфер на плочникот пред нивниот...
(Видео) Филипче до Мицкоски: Или сфати дека си избран да ја водиш државата или да си одиш
Претседателот на СДСМ, Венко Филипче, одговарајќи на новинарско прашање во врска со изјавите на премиерот Мицкоски, порача дека премиерот треба...
Почина Панчо Минов, поранешен пратеник и градоначалник на Кавадарци
На 67-годишна возраст денеска почина Панчо Минов, поранешен градоначалник на Кавадарци и поранешен пратеник во Собранието. Панчо Минов беше дипломиран...
Парични казни за три градинки и едно училиште по спроведени инспекциски контроли во кујните
Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во...
Кривична пријава за злоупотреби и малтретирање против две сопственички на приватни установи за сместување стари лица
Министерството за внатрешни работи поднесе кривична пријава до Основното јавно обвинителство Скопје против Н.Ј.(47) и Т.И.(58), двете од Скопје поради...
Истрага против две сопственички на домови за стари лица: сместувале женски и машки лица заедно, дел од корисниците биле заклучувани, им биле служеби оброци со изминат рок
Јавен обвинител од Основното јавно обвинителство Скопје денеска донесе Наредба за спроведување истражна постапка против две лица осомничени за кривични...
Мицкоски до Филипче: Кажи јавно што мислиш за Зоран Заев, не биди лицемерен
Претседателот на ВМРО-ДПМНЕ, Христијан Мицкоски на синоќешниот митинг во Гостивар во рамките на изборната кампања за локалните избори 2025 година...
Уапсени двајца скопјани: предизвикале пожар на две товарни и едно патничко возило кај спортскиот центар „Јане Сандански“
Денеска, во 02:20 часот во СВР Скопје е пријавен дека на паркинг простор од Спортскиот центар „Јане Сандански“ на подрачје...
(Видео) Нападнат автомобилот во кој се наоѓал претседателот на Еквадор, луѓе фрлаа камења, најдени траги од куршуми
Автомобилот на еквадорскиот претседател Даниел Нобоа бил опкружен од околу 500 луѓе кога тој пристигнал на настан во покраината Канар,...
Путин: Украинците се повлекуваат на целата фронтова линија
Рускиот претседател Владимир Путин изјави дека руските сили во 2025 година зазеле речиси 5.000 квадратни километри територија во Украина и...
Мелони: Пријавена сум во Меѓународниот кривичен суд за соучество во геноцид
Италијанската премиерка Џорџа Мелони вчера изјави дека таа и двајца министри се пријавени во Меѓународниот кривичен суд за наводно соучество...
Нетанјаху: Ќе продолжиме да ги постигнуваме сите воени цели, Газа повеќе нема да биде закана
Израелскиот премиер Бенјамин Нетанјаху вчера вечер им вети на Израелците дека ќе ги постигне сите цели на војната против Хамас...
Путин: Се докажа дека бевме во право во февруари 2022 година
Желбата на луѓето од Донбас и Новорусија да ја поврзат својата иднина со Русија докажа дека одлуките донесени во февруари...
Тошковски: Нема да поднесам оставка
Министерот за внатрешни работи Панче Тошковски на неговиот „Фејсбук“ профил реагира соопштението на СДСМ во кое се бара негова оставка....
Во вооружениот напад во Куманово е повреден докторот Зекирија Шаини, од Здравство велат дека е во стабилна состојба
Министерството за здравство со вознемиреност ја прими веста за вооружениот напад во Куманово при кој беше повреден нашиот колега, доктор...
Нема индиции на политички мотиви зад оружениот инцидент во Куманово
Првичните индиции не упатуваат на политички мотиви зад оружениот инцидент во Куманово, соопштија од Јавното обвинителсто. „Во однос на настанот...
Поради сериозни пропусти, Владата го раскина договорот за концесија на каменоломот во Страчинци
Првиот заменик на претседателот на Владата и министер за животна средина и просторно планирање, Изет Меџити, информира дека Владата еднострано...
Претреси во домови за стари лица во Скопје под сомненија за нехуман третман: две лица уапсени
По добиени сознанија за можен нехуман третман на стари лица – корисници на услуги за вон-семејна заштита, Основното јавно обвинителство...
Татко ги допирал по телата неговите 16-годишни ќерки во Кавадарци
ОВР Кавадарци поднесе кривична пријава против Д.Г.(40) од Кавадарци. Тој, како што соопшти полицијата, се сомничи за сторено кривично дело...
