Забава
Гигантскиот патен ковчег заминува од Црвениот плоштад
Администрацијата на рускиот претседател побарала итно отстранување на павилјонот на модната куќа Louis Vuitton од знаменитиот московски Црвен плоштад, јавија во средата руските медиуми, откако во вторникот по поставување на изложбениот павилјон во облик на огромен патнички ковчег имаше многу реакции дека го огрдува и затвора видикот на ова за Русија историско место, ставено на списокот на културното наследство на УНЕСКО.
Извор во претседателскиот кабинет во Кремљ за весниците рекол дека, претседателовата администрација не дала одобрение за поставување на павилјонот во облик на гигантски патнички ковчег со логото на познатиот бренд Louis Vuitton поставен во близина на Мавзолејот на Ленин кој го блокира погледот на раскошниот и простран Црвен плоштад на кој секојдневно доаѓаат стотици илјади туристи.
Во вторникот, по изненадувањето од ненадејното појавување на ковчегот кој е реплика на скиците од оригиналната нарачка на рускиот кнез Владимир Орлов, следеа реакции со згрозување од политички претставници, граѓани и активисти за зачувување на архитектонската целина на руската престолнина.
Московската стоковна куќа ГУМ соопшти дека исто така побарала до француската модна куќа Louis Vuitton да го отстрани огромниот ковчег во кој од 2-ри декември до 19-ти јануари, по повод 120-годишнината од оваа стоковна куќа, требаше да се одржи изложбата „Душата на скитникот“, посветен на легендарните личности, клиенти на куќата од периодот на нејзиното основање. Таа нема комерцијален карактер и сите средства од влезниците ќе одат во добротворниот фонд на манекенката Наталија Водјанова ‘Naked Hearts’“, односно во фондот за деца со хендикеп.
Според сајтот на компанијата, во павилјонот посетителите ќе можат да видат 25 историски ковчези и 12 видео инсталации дела од современи уметници.
Девет метри високиот и триесет метри долгиот павилјон со костенливо-златна боја со препознатливото лого на Louis Vuitton на кој се поставени две големи ленти во боите на руската тробојка е поставен на средината од плоштадот кој е ставен на листата на културно наследство на УНЕСКО.
Сепак, московјаните останаа згрозени од поставувањето на несоодветниот според нив објект на средината од Црвениот плоштад. Пратениците од рускиот парламент, кој се наоѓа од спротива, уште во вторникот соопштија дека станува збор за локација којашто не смее да се тривијализира.
„Црвениот плоштад има специјален статус. Тоа е свето место за руската држава. Има некои симболи кои не би смееле да ги банализираме“, изјави комунистичкиот парламентарец Сергеј Обухов. „Гигантските димензии на градбата целосно се несоодветни, Таа го скрива погледот на важните споменици од руското културно наследство“, смета Александар Сидјакин, челна владејачката партија Единствена Русија, кој го критикуваше овој потег и побара од московските градски власти да проверат дали се почитувани сите законски прописи при промовирањето. „Треба да се води смета за тоа дека десетици илјади луѓе доаѓаат тука за да го видат Црвениот плоштад, а не павилјонот на некоја позната компанија“, смета активист на невладино здружение за зачувување на архитектонското наследство на Москва./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.