Забава
'Таткото' на Шерлок Холмс верувал во самовили
Сигурно дека авторот на славниот детективски лик Шерлок Холмс, сер Артур Конан Дојл, кој се смета за втемелувач на жанрот крими-роман, бил спиритуалист кој верувал во вили, а се испробал и во политиката.
Како што пишува британскиот весник The Telegraph, освен што го промовирал жанрот на крими-фикцијата, Артур Конан Дојл и во многу други работи бил авангарда. Така, бил меѓу првите моторизирани Британци, а автомобилот го купил и многу пред првпат да седне во него. Дури, во 1911 година учествувал во трката на Принцот Хенри, којашто всушност била натпревар меѓу британските и германските возила. Дојл со својата сопруга бил во британската екипа.
Бил и голем спортист, аматерски играл фудбала, имено бранел за Портмут Асосиејшн Фудбал Клуб од кој подоцна се основа денешниот Портсмут ФК, а ги обожувал и крикетот, а по преселбата во Швајцарија многу помогнал во популаризацијата на скијањето. Воедно бил и првиот Англичанец кој ги запишал своите први скијачки искуства, точно предвидувајќи дека во иднина Швајцарија ќе биде популарна дестинација на вљубениците во овој зимски спорт.
Популарниот писател чиешто цело име Артур Ингатиус Конан Дојл, во 1902 година е одликуван во редот витез кога ја добива титулата сер, меѓутоа не затоа што го создава популарниот лик на лондонскиот детектив Шерлок Холмс. Британскиот крал Едвард Седми го прогласил витез поради ангажманот на памфлетот за Бурската војна во којашто не можел да учествувал бидејќи бил предебел за војни, меѓутоа волонтирал како лекар.
Дури двапати, безуспешно, се обидел да стане пратеник од редовите на Унионистите во британскиот парламент, а пред да започне да се занимава со пишувањето, се обидел и како лекар. Отворил офтамолошка ординација во Лондон, но потоа, како што признава во својата автобиографија, бидејќи ниеден пациент не го минал прагот, можел повеќе да се посвети на пишувањето,
Дојл бил пријател со авторот на волшебниот детски роман „Петар Пан“, Џејмс Метју Бари, со кој понекогаш и соработува, како и со Брем Стокер, авторот на „Дракула“, Роберт Луис Стивенсон кој го напиша „Островот со богатство“, додека со славниот Џорџ Бернард Шо во 1912 година јавно се скарал околу несреќата на „Титаник“. Дојл, имено, бил вчудовиден од огорчените коментари на Шо на сметка на храброста на многу од патниците на бродот што тонел.
Иако Шерлок Холмс е неговиот најпознат лик, на Дојл не му бил особено омилен, на во 1893 година се решил да го „убие“, а швајцарскиот град Мејринген во кој се одвива дејствието на романот во кој животот го губи детективот, во 1988 година именуваше еден плоштад во Плоштад на Конан Дојл. За среќа на љубителите на крими литературата, под притисок на јавноста, во 1903 година, Дојл го „ожувува“ Холмс.
За пошироката јавност помалку е познато дека освен што пишувал крими-романи, Дојл и самиот решил едно убиство. Неговото внимание било привлечено од случајот на убиство на богатата 82-годишна Марион Гилхрист од Глазгов. Дојл го применил „методот на Холмс“, открил нови докази, повторно ги повикал сведоците и ги довел во прашање доказите на обвинителството, и на крајот успеал да го ослободи обвинетиот Оскар Слејтер,
Дојл починал на 7-ми јули 1930 година. Се струполил со едната рака држејќи се за срцето, а во друга свет, и последните зборови ѝ ги упатил на сопругата шепотејќи „Беше прекрасна“.
За разлика од својот најпознат литерарен јунак кој е голем скептик, Конан Дојл бил спиритуалист, кој верувал во постоењето на разни медиуми, па и во самовили. Вложил милион долари во нивниот публицитет, па дури во 1921 година ја објавува книата „Доаѓањето на вилите“. По неговата смрт, во лондонскиот „Ројал Алберт Хол“ е одржана спиритуалистичка сеанса на којашто илјадници луѓе, меѓу кои и неговата сопруга и децата, се обиделе да го довикнат неговиот дух. Авторот не се појавил, иако на сцената му бил подготвен и празна столица, меѓутоа многу од учесниците подоцна тврделе дека силно го чувствувале неговото присуство./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Познатата убавица во романтична креација ги плени погледите: „Дали оваа жена е реална?“
Моделот Алесандра Амбросио измамува воздишки каде и да се појави. Таа стекна голема популарност во модната индустрија, а својот успех продолжи да го покажува на светските настани.
Таа е редовен гостин на престижни филмски фестивали, па овој пат не ја пропушти можноста да блесне на Филмскиот фестивал „Red Sea“ во Саудиска Арабија.
Алесандра прошета по црвениот тепих во романтична креација која зрачи со чиста елеганција.
Беж фустанот е од либанскиот дизајнер Зухаир Мурад, а е украсен со лелеав материјал, како и интересни кристални детали во ременот.
Покрај тоа, фустанот ја следи линијата на телото и ги открива нејзините женствени рамена.
За да го комплетира стајлингот, бразилската убавица додаде скапи додатоци од брендот „Pasquale Bruni“ и шминка во нежни беж тонови. Што се однесува до фризурата, таа се одлучи за ниска пунџа што го заокружи ова женско издание.
Забава
Трендови за убавина со кои ќе се збогуваме во 2026 година
Секоја година носи нови модни и козметички трендови и ги брише старите, а ако веќе не сте се откажале од следните трендови – дефинитивно ќе се збогувате со нив во новата година.
Иако следењето на трендовите понекогаш е неизбежно, секој од нас пред сè треба да се познава себеси, своите навики и стил, и затоа да ги прифати (или игнорира) безбројните микротрендови што се менуваат од сезона во сезона.
Трендовите постојат за да се забавуваме, да си играме и да експериментираме, но само ако навистина ни одговара. И како што 2025 година се ближи кон крајот, добро е време да се осврнеме на трендовите во светот на убавината што нема да ја преживеат новата година: или затоа што повеќе не се наоѓаме во нив, или затоа што никогаш навистина не се вкорениле во нашите рутини.
Ултра дефинирани веѓи
Одамна знаеме дека веѓите имаат речиси магична моќ да го трансформираат лицето. Но, трендот сè повеќе се свртува кон поприроден, малку разбушавен изглед. Ламинацијата и микроблајдингот повеќе не се единствените опции, а впечатокот за „прецизно нацртани“ веѓи полека бледнее. Трендот фаворизира мека, природна форма што изгледа како едвај да е допрена, а дури и оние со ретки веѓи лесно можат да го постигнат тоа со добри гелови, мастила и моливи.
Балајаж
Иако балајажот и светлите прамени го врамуваат лицето прекрасно, тие бараат многу одржување. А следната година, акцентот е ставен на практичноста. Богатите кафеави тонови: од мока и чоколадни нијанси до сјајно еспресо повторно го заземаат тронот. Кафеавата коса повеќе не е „досадна“, туку елегантна, шик и благодарна за одржување.
Помалку руменило, повеќе бронзер
Руменилото е главен фаворит за шминка во последните години, но сè укажува на мал пресврт. Феноменот на „претерување со руменило“ го заменува трендот на загасита кожа. Бронзерите во нијанси на лешник, карамела и цимет стануваат хит за ефектот на вечно лето, а розовите нијанси привремено се ставаат во втор план. Носталгијата за почетокот на 2000-тите е повторно во полн ек.
Поостри линии на усните
Моливчето за усни не исчезнува, но начинот на кој го користиме дефинитивно се менува. Техниката за контурирање на усните дава помеки, поприродни сенки, кои создаваат впечаток на пополни усни без остри, видливи контури.
Класичната дефиниција на рабовите е заменета со помеко сенчење кое изгледа како природна сенка, само подобро.
Помалку сјај, повеќе свеж мат изглед
По опсесијата со естетика на стаклена кожа, трендовите полека се свртуваат кон мат ефекти, но во модерна, осветлена верзија.
„Светлосен мат“ носи мазна, уредна кожа која изгледа природно, свежо и беспрекорно, но без прекумерен сјај. Нова генерација на пудри и квалитетна подготовка на кожата ќе бидат клучни за овој изглед.
Забава
(Видео) Џенифер Лопез го обележа роденденот на мајка си со емотивна објава
Гвадалупе Родригез, мајка на поп дивата Џенифер Лопез, го прослави својот 80-ти роденден со стил – во Лас Вегас.
Семејството и пријателите блиски до поп пејачката, како и нејзината мајка, се собраа за да го прослават овој прекрасен ден. Џенифер ја документираше целата прослава, објавувајќи фотографии и видеа на социјалните мрежи.
Таа објави компилација од фотографии на Инстаграм со емотивен опис:
„Ти си срцето на нашето семејство, мојот најголем учител и мојот вечен пример за сила, грациозност и безусловна љубов. Сè што сум, сум благодарение на тебе… твоите жртви, твојата вера, твојот хумор и начинот на кој сакаш.
Ти благодарам што секогаш веруваше во мене, што ме поддржуваш и што ме потсетуваш која сум…“, напиша Џеј Ло.
Според објавите, екипата беше повеќе од спремна да танцува до доцна во ноќта, а судејќи според фотографиите, Гвадалупе водеше.
Happy Birthday Mommy 🤍
80 years young!!! You are the heart of our family, my greatest teacher, and my forever example of strength, grace, and unconditional love. Everything I am is because of you…your sacrifices, your faith, your humor, and the way you love so deeply.
Thank… pic.twitter.com/jo1b6RbwN4
— jlo (@JLo) December 12, 2025
Покрај позитивната атмосфера, имавме среќа да го видиме и беспрекорниот изглед на гостите, особено Џенифер Лопез, која повторно воодушеви со своите вечерни тоалети.
(Видео) Татко и син убија 15 луѓе во Сиднеј: „Се заколнале на верност на ИСИС“
Таткото и синот кои убија 15 лица на еврејски фестивал на плажата Бонди во Сиднеј во неделата можеби имале врски...
(Видео) Снимено уривањето на огромен руски воен транспортен авион, се преполови во воздух
Рускиот канал на Телеграм „Маш“ објави снимка од падот на рускиот воен транспортен авион Ан-22 во регионот Иваново. Снимката го...
Земјотрес почувствуван во Македонија
Утрово во 7 часот и 20 минути беше почувствуван земјотрес на територијата на Македонија, објави ЕМСЦ. Според ЕМСЦ земјотресот бил...
(Видео) Нападот врз Бонди е чин на чисто зло, вели австралискиот премиер
Австралискиот премиер Ентони Албанез и началниците на полицијата одржаа прес-конференција во Сиднеј. „Она што го видовме вчера беше чин на...
(Видео) Преживеан од холокаустот загина штитејќи ја сопругата на плажата Бонди
Една од жртвите на терористичкиот напад во неделата за време на прославата на Ханука во Австралија беше Алекс Клајтман, преживеан...
(Видео) Американски режисер и неговата сопруга пронајдени мртви: полицијата се сомнева дека е убиство
Полицијата на Лос Анџелес истражува нешто што го опишува како „очигледно убиство“ откако две тела беа пронајдени во домот на...
Неправилности и проблеми со „Безбеден град“ ќе се пријавуваат преку специјален пункт или на интернет
Министерот за внатрешни работи, Панче Тошковски, е задоволен од резултатите од тест-периодот на проектот „Безбеден град“. Тошковски вели дека граѓаните...
Мицкоски: Буџетот е ликвиден, трезорот нема да се затвори на 15 декември
Премиерот Мицкоски изјави дека Буџетот е ликвиден и сите обврски се извршуваат тековно. Како што појасни Мицкоски, 15 декември не...
(Видео) ВМРО-ДПМНЕ предлага Резолуција за осуда на дезинформациите за мигранти
ВМРО-ДПМНЕ денеска претстави „Резолуција за осуда на манипулациите на опозицијата и за потврда на политиките против нелегалната миграција“. „Во изминатите...
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...
Oбвинителство: За насилство во училиште во Сарај, побарана судска постапка спрема пет деца
Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...
(Видео) Пукање на универзитет во САД – има загинати и повредени, напаѓачот е во бегство
Најмалку две лица се убиени, а девет се повредени во вооружен напад што се случи во саботата попладне на кампусот...
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место,...
Ахмети од протестот на плоштадот „Скендербег“: Процесот во Хаг треба да заврши со ослободителна пресуда
Лидерот на ДУИ, Али Ахмети, денеска се обрати на протестот што се одржа на плоштадот „Скендербег“ во Скопје, организиран во...
Рената Дескоска избрана за потпретседателка на Венецијанската комисија
Професорката по уставно право и поранешна министерка за правда, Рената Дескоска, е избрана за потпретседателка на Венецијанската комисија. Како што...
(Видео) Жената во Гостиварско била застрелана пред да биде закопана во дупка, покажа обдукцијата
Завршена е обдукцијата на 53-годишната жена која беше пронајдена почината во атарот на гостиварското село Неготино. Според првичниот наод, таа...
Македонија воздржана за резолуцијата на ОН за обврските на Израел
Македонија гласаше воздржано на седницата на Генералното собрание на Обединетите нации за резолуцијата што се однесува на обврските на Израел...
ВМРО-ДПМНЕ: Филипче се претставува како противник на мигрантите, а во 2018 туркал камп во Бардовци
ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на...
СДСМ: За мигрантите мора да одлучува Собранието, а не општините
Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со...
