Втората полуфинална вечер на Евровизија не помина без изненадувања. Иако многумина очекуваа пласман на белгискиот претставник во финалето, тоа не се случи. Мустии со песната Before The Party’s Over неочекувано беше елиминиран во полуфиналето, што налути многу евровизиски фанови.

Под видеото од неговиот настап од полуфиналето има речиси исти коментари – овој настап заслужи да оди во финалето.

„Лут сум затоа што Белгија не се пласираше во финалето“, „Ова е најголемата измама на Евровизија“, „Што не е во ред со Евровизија? Ова беше во топ 5 песни оваа година а не помина во полуфинале. Голема почит за Мустии и Белгија за ова ремек дело, продолжуваме да го слушаме“, „Не ми е гајле за резултатот, ова е мојот победник“, „Шокиран сум“, се дел од коментарите.

Според вчерашните обложувалници, кои превидуваа кои земји се пласираа во финалето, Белгија беше на осмото место. Исто така, пред неколку дена, кога Бејби Лазања имаше 34% шанси за победа, Мустии беше на 12-тото место во обложувалниците. Под него беа Норвешка, Финска, Грузија, Шведска, Австрија… Сите тие земји се пласираа во финалето.

Пејачката Марија Шерифовиќ „остро“ се огласи на Икс, а се претпоставува дека причината е Евровизија, пишуваат српските медиуми.

„Море мрш“, напиша Марија на својот профил.

Со оглед на тоа дека Марија редовно ја следи Евровизија, се претпоставува дека токму конкуренцијата ја изнервирала.

Во времето кога таа го напиша овој пост, настапуваше Естонија.

Медиумите потсетуваат дека Марија ја поддржа овогодинешната претставничка на Србија, Теја Дора.

„Напред девојче“ Вечерва испраќаме добра енергија и топли мисли до целата српска делегација во Шведска“, напиша Марија на својот Инстаграм профил.

По нејзиното поминување во финалето, таа не го криеше задоволството.

„Значи“, напишала кратко и јасно на својата инстаграм приказна покрај фотографијата на Теја Дора.

Шпанскиот суд во четвртокот ја отфрли даночната истрага против колумбиската поп-ѕвезда Шакира, откако обвинителите одлучија да не покренуваат обвиненија.

Шакира се согласи на спогодба минатата година за да избегне судење во Барселона под обвинение дека не и платила на Шпанија 14,5 милиони евра данок на приход од 2012 до 2014 година. Таа, исто така, се соочи со втора истрага за наводна измама на приход и данок на имот во 2018 година.

Судот во градот Есплугес де Лобрегат, во близина на Барселона, објасни дека нема докази за поддршка на тврдењето на обвинителот дека Шакира „свесно и доброволно ги испуштила информациите и документацијата“ при подготовката на нејзината даночна пријава за 2018 година.

Пејачката, која има продадено милиони албуми ширум светот, живееше со поранешната шпанска фудбалска ѕвезда Жерар Пике 11 години и заедно имаат две деца. По разделбата се пресели во Мајами.