Тајван продолжува да се грижи за своите жители желни да патуваат нудејќи ново искуство – лет без дестинација, јавува Си-ен-ен.

По понудата во која Тајванците беа во можност да се најават и да се качат на приземјените авиони на аеродромот Сонгшан во јули, една авиокомпанија отиде чекор подалеку и понуди лет без дестинација.

ЕВА Ер, една од најголемите авиокомпании на Тајван, понуди лет на 8 август на Денот на татковците за да ги задоволи потребите за патување. Летот трае околу три часа и тргнува од аеродромот Таојуан во Тајпеј и потоа се враќа на истото место.

„Меѓународниот воздушен сообраќај е приземјен повеќе од половина година“, се наведува во веб-страницата на ЕВА Ер. „Желбата на граѓаните да заминат во странство е се посилна. За да се исполнат желбите на патниците, ЕВА Ер одлучи да понуди алтернативно патничко искуство на 8 август на Денот на татковците“.

Доколку денот биде ведар, патниците ќе можат од воздух да ги видат атракциите како што се островот Гуишан и живописното крајбрежје на Хуадонг, како и од околните острови.

Тие ќе летаат со суперпопуларниот авион Хелоу Кити и патниците можат да очекуваат дека понудата во летот ќе биде поврзана со бела фиктивна мачка, ќе имаат бесплатен интернет и други електронски услуги што обично се нудат само на долги летови.

Оброкот до осмисли готвачот Мотоказу Накамура, добитник на три Мишелин ѕвезди.Билетот во економска класа ќе чини околу 150 евра, а патниците ќе можат да доплатат уште 30 евра за во повисока класа.

Брокерката за недвижности Трејси Тутор беше одушевена од сè што го виде во домот на еден богат клиент во вторникот во епизодата на познатото шоу „Огласи од милион долари Лос Анџелес“ .

Во дворецот „Бела парадизо“ што се протега на имот од 20.000 квадратни метри во Paradise Valley (Рајска долина), Аризона, брокерката видела просторија толку убава што морала да застане и да се присобере пред да продолжи понатаму.

Дворецот има четири огромни спални соби, 12 бањи, свечена трпезарија, пространа кујна и сала за балови.

Цената на овој дворец во близина на планината Камелбек е 1.6 милиони долари, ѝвели сопственикот за Трејси во епизодата.

А ова е плакарот на „Бела парадизо“ ѝ рече тој пред да пристапат кон еден огромен простор.

„Овој плакар е врвно женско совршенство. Категоризирано, одделено со прегради за секоја сезона во годината. Сè што ви треба е тука, вели Трејси и додава: Во просторот се слуша тивка музика како од порно филм и има меко пригушено осветлување.

„Треба само да се омажиш за сопственикот“, се пошегува продуцентот на Трејси, која штотуку се разведе.

Трејси Тутор е врвен агент за недвижности во агенцијата Douglas Elliman во Беверли Хилс, консултант на некои од најдобрите светски архитекти и програмери. Таа е прва и единствена жена во актерскиот тим на популарното шоу Bravo’s Million Dollar Listing LA. Дванаесеттата сезона на шоуто започна во јуни.

Дневното ток-шоу на Елен Деџенерис има најнизок рејтинг на гледаност од своето постоење среде скандал кој открива недоличен однос кон вработените, расизам и сексуално вознемирување.

Шоуто на Елен стана предмет на официјална истрага по многуте тврдења на персоналот за навреди на работното место од страна на извршните продуценти.

Скандалот ја потона популарноста на емисијата на најниско ниво, објави The Wrap во вторникот, додавајќи дека гледаноста на дневното ток-шоу била намалена 29 проценти во однос на истиот период минатата година и девет проценти пониска од претходната недела.