Забава
Инсектите како спасители?
Најнов совет на лекарите и ентомолозите – размислете два пати пред да го “сплескате“ инсектот што ви застанал на раката или ви се качува по ногата
Најнов совет на лекарите и ентомолозите – размислете два пати пред да го “сплескате“ инсектот што ви застанал на раката или ви се качува по ногата.
Неговата “хемија“, велат лекарите, може да излечи сериозни болести.
Група стручњаци од Институтот за ентомологија на Агенцијата за биолошки истражувања на Австралија (ЦСИРО), чија работа е финансирана од владата, започнаа со истражување на лековитите својства на досега скоро игнорираните природни извори – инсектите.
Научниците со години се обидуваат од 250 илјади растителни видови да ги извлечат за човекот и за животните неопходните лекови, но потрагата по протеините, ензимите и молекулите што ги произведуваат близу четири милиони видови инсекти со кои ја делиме планетава, била премала или никаква.
Стручњаците на австралиската компанија Ентокосм почнаа, први во светот, истражување за корисноста на хемискиот состав на инсектите во борбата против припадниците на нивните видови отпорни на постоечките инсектициди, но и за болестите на човекот.
“Традиционалната кинеска медицина со векови ги користи инсектите во борба против разни болести, но дури најновиот технолошки напредок овозможи од ситните инсекти да се добиваат лекови“, изјавил Стивен Троуел, шеф на тимот стручњаци.
“Австралија е идеална локација за овие истражувања, бидејќи најмалку 10 проценти од сите видови инсекти на Земјата живеат во Австралија, а најголемиот број живеат само на нашиот континент“, нагласува Троуел.
Тој потсетува дека стручњаците пред пет години започнале истражување и собрале повеќе од една илјада видови инсекти на источниот брег на Австралија.
Екстрахирајќи го хемискиот состав на инсектите, тие идентификувале некои молекули од кои можат да се добијат антибиотици и средства за “напад“ на клетките на ракот.
Еден од испитуваните видови се термитите, односно нивната “катедрала од кал“ што овие вредни мравки ја градат како свое живеалиште и кои во внатрешноста на Австралија можат да достигнат височина од осум метри.
Троуел вели дека научниците се убедени оти овие “катедрали“ од осушена кал можат да бидат вистински “расадник“ на бактерии и габички. Тие го провериле хемискиот состав на термитите за да откријат како тие го спречуваат развојот на микроорганизми во нивната “градба“, при што откриле три нови, досега непознати, антибактериски серуми.
“Серумите не се силни колку што се надевавме, но го продолжуваме испитувањето на едниот серум, кој би можел да претставува награда за нашите напори“, вели Троуел.
Тој претпазливо најавува дека би можело да стане збор за нов препарат за борба против бактериските и габичните заболувања, засега отпорни на постоечките лекови, а нивната следна цел е “напад“ на карциномот.
“Сепак, од клиничкото испитување на дејството на лековите од ’сокот’ на инсектите врз пациенти, не делат најмалку пет години, а да се појават на пазарот таквите лекови потребни се уште најмалку 10 години“, заклучува Троуел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Шарлиз Терон призна: „Имав секс со 26-годишник, беше неверојатно“
Актерката Шарлиз Терон отворено проговори за својот сексуален живот и за врската од една вечер што ја имала со помлад маж.
Терон се појави во поткастот Call Her Daddy, каде што ѝ кажа на водителката дека таа ноќ ќе ја памети долго време.
View this post on Instagram
„Имав можеби три авантури за една ноќ во целиот мој живот, но неодамна имав секс со 26-годишник. Беше неверојатно. Никогаш порано не сум го направила тоа. Си реков: О, ова е одлично“, рече таа.
Шарлиз исто така рече дека стекнала новооткриена самодоверба кога станува збор за секс во последната деценија, но дека сè уште верува оти е последната личност на која може некој да ѝ се обрати за совет за сексуални врски.
Забава
Пејачката Даниела Мартиновиќ среќно вљубена во новиот партнер
Даниела Мартиновиќ објави фотографии со својот партнер Јосип Плавиќ на „Инстаграм“.
Таа стави емотикон во облик на срце во описот на објавата. Многумина напишаа во коментарите дека Даниела и Јосип се прекрасен пар и дека им посакуваат многу среќа.
Врската на Даниела и Јосип стана позната на почетокот на 2023 година. Даниела тогаш изјави дека го запознала Плавиќ кога нејзиниот адвокат поднел пријава за кражба на идентитетот преку интернет во 2022 година. Полицијата бргу го решила случајот, а Даниела и Јосип продолжиле да се дружат. Сега градат куќа заедно.
Ова е првата јавна врска на Даниела Мартиновиќ по завршувањето на 24-годишната врска со Петар Грашo во 2021 година.
Јосип, патем, ѝ се врати на музиката на почетокот на минатата година. Тој ја напушти полицијата и повторно го обедини својот стар бенд „Изван закона“.
Забава
Шест клучни совети што да преземете ако изгорите на сонце
Колку и да сме внимателни, можно е да изгориме на сонце за време на престој на отворено, бидејќи многумина често забораваат да нанесат крема за сончање или прескокнуваат одредени делови од телото.
Затоа, доколку добиете изгореници од сонце, важно е да знаете како правилно да постапите во таа ситуација.
Основачот и директор на „Dr Medispa“, Мунир Сомџи, наведува дека, доколку дојдете до ваква состојба, најверојатно не сте ги следеле советите на дерматолозите. Во таа насока, тој споделува шест совети што мора да ги почитувате:
1. Користете ладна памучна крпа
Ставајте ладни памучни ткаенини или крпи врз изгорените делови од кожата за да ја смирите. Треба да биде чиста памучна крпа со пријатна, ладна температура, за да се намали површинската температура на кожата. Доктор Сомџи истакнува дека оваа метода помага кожата да се смири.
2. Избегнувајте активни состојки
Сомџи објаснува зошто не треба да се нанесуваат активни состојки на кожата по сериозни изгореници од сонце.
„Многу луѓе сакаат да користат производи со алое вера, дури и свежа алое вера, но тоа може да ја зголеми веројатноста за инфекција“, вели тој. Наместо тоа, препорачува производи базирани на церамиди кои содржат емолиенси, бидејќи помагаат кожата да омекне и да се смири.
Изберете состојки како глицерин, кои помагаат во хидратација и зајакнување на кожната бариера. Креми и лосиони со церамиди се одлични бидејќи создаваат заштитен слој што го спречува губењето на влага и видливи оштетувања.
3. Земете антихистаминици
Изгорениците од сонце често предизвикуваат оток, па земањето антихистаминици може да помогне да се смири воспалението и отокот на кожата.
4. Избегнувајте пилинг и лупење
Ако се обидувате да ги отстраните изгорениците со пилинг, тоа нема да помогне – напротив, може да ја иритира веќе оштетената кожа и да доведе до лузни или инфекции. Не ја допирајте ниту лупете кожата, бидејќи тоа само ќе ја влоши состојбата.
5. Држете се подалеку од сонце
Откако ќе добиете изгореници, важно е да му дадете време на телото да се опорави. Доктор Сомџи нагласува дека треба да го избегнувате сонцето во тој период.
„Дозволете ѝ на кожата да се опорави. Ѝ треба време за повторно да се врати во нормална состојба“, вели тој.
6. Користете крема со SPF
Во иднина, обидете се да се заштитите подобро. Националната здравствена служба (NHS) препорачува употреба на крема за сончање со заштитен фактор од најмалку SPF 30.
За најдобри резултати, кремата се нанесува на секои два часа, особено поради сушењето што го предизвикува сонцето. Изберете формула што е отпорна на вода ако се потите или влегувате во вода.
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен полицаец од Гостивар: ги украл накитот и парите запленети при претреси, кои требало да ги чува, приведен е и златар
Вчера во 17.50 часот полициски службеници од ОВР Гостивар го лишиле од слобода полицискиот службеник, 51-годишниот Д.С. од Гостивар, поради...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Се преврте возило со македонски регистарски таблички, загина сопатникот: тешка сообраќајна незгода во Србија
Едно лице загина, а едно е тешко повредено во сообраќајна несреќа што се случи утрово. Како што објави српски „Блиц“,...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување за 2,3 проценти во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студентите: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Приближно половина час се чека на Богородица и на Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
