Забава
Фудбалот забранет на плажата во Рио де Жанеиро

Бразилската влада забрани играње било какви игри со топка на плажите на градот -симбол на карневалите и фудбалот. Забраната за спортови ќе започне да важи на први декември и ќе трае се до март 2010 година, со цел да се “намали хаотичноста“ на плажите
Бразилската влада забрани играње било какви игри со топка на плажите на градот -симбол на карневалите и фудбалот. Забраната за спортови ќе започне да важи на први декември и ќе трае се до март 2010 година, со цел да се “намали хаотичноста“ на плажите и градот да се направи попријатен, соопшти владата. Често се случува жените или децата да бидат погодени, па дури и повредени со топка, а и капачите не можат да се пробијат до водата од фудбалерите. Стотина полицајци ќе ги обезбедуваат плажите за да се уверат дека никој од осум часот наутро до пет часот попладне нема да игра со топка. “Оваа забрана е апсурдна. Играњето фудбал на плажата е дел од нашата култура“, вели еден од играчите. “Не знам колку пати ме удрила топка. Овие спортови би требало да се играат на местата предвидени за тоа, далеку од капачите кои се обидуваат да се опуштат“, вели Инес Силва, честа “жртва“ на топките за фрескобол, игра во која двајца играчи се обидуваат тврдата гумена топка да ја одржат во воздух, удирајќи ја со палки. Многу великани на фудбалот првите спортски чекори ги направиле токму на некоја од плажите во Рио, а меѓу нив се Роналдо, ЗИко и Гаринча. Долж плажата, која се простира на повеќе од 80 километри, никнуваат училишта за фудбал, чии сопственици се надеваат дека токму покрај водата ќе ги откријат новите млади таленти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Вистинска дама изгледа како Скарлет Јохансон

Скарлет Јохансон неодамна се појави во The Late Show со Стивен Колбер. Љубопитните фотографи ја фотографираа на улиците на Њујорк, пред студиото, а за таа пригода таа одлучи да облече дамска креација.
Дамската облека се карактеризира со отсуство на кич детали, минималистички крој, црн фустан и високи потпетици. Стилот на познатата русокоса ги содржеше сите горенаведени карактеристики и се квалификува за терминот дамско издание.
Скарлет носеше црн макси фустан со рамен крој, што ја истакнуваше нејзината завидна фигура, а впечатлив беше и преголемиот ремен што ја нагласуваше нејзината половина.
Стилот го надополни со златни додатоци, шминка во земјени тонови и впечатлив црвен кармин, како и рамна коса.
фото: принтскрин
Забава
(Фото) Леонардо ди Каприо, конечно, го покажа лицето и сите се прашуваат – што му се случува?

Леонардо ди Каприо во последните неколку дена работи на промовирање на својот филм One Battle After Another, а неговото неодамнешно појавување во Њујорк го привлече вниманието на јавноста.
Познатиот холивудски шармер одлучи да облече класичен сив двореден костум за таа пригода.
Сепак, најголемо внимание на јавноста привлече неговата фигура бидејќи, според странските медиуми, актерот изгубил многу килограми, како и стомакот, кој му беше заштитен знак со години.
Покрај тоа, неговото лице не остана незабележано. Изгледа многу помладо, веројатно и новата фризура придонесува за тој впечаток, а можеби и врската со 23 години помладата италијанска убавица.
Во секој случај, никој не може да го негира фактот дека нешто се случува во животот на овој згоден маж…
фото: принтскрин
Забава
Џулија Робертс ги потврди преговорите за продолжение на култната романтична комедија

Обожавателите на култната романтична комедија My Best Friend’s Wedding имаат причина за славење. Џулија Робертс потврди дека е во преговори да ја повтори својата улога како Џулс Потер во долгоочекуваното продолжение. Актерката, добитничка на „Оскар“, ја откри веста во интервју за „Варајети“.
Додека дискутира за својот нов филм„After the Hunt, 57-годишната актерка беше прашана дали ќе се појави во продолжението на хитот од 1997 година. „Ми се јавија“, одговори кратко Робертс потврдувајќи дека разговорите се во тек. „Варајети“ објавува дека актерката се насмеала кога режисерот Лука Гвадањино, кој исто така се појави во интервјуто, на шега рекол дека ќе го режира продолжението во секунда.
Веста за продолжението првпат се појави кон крајот на јули кога беше објавено дека режисерката Селин Сонг потпишала договор за сценариото.
Иако 37-годишната Сонг е потпишана за сценариото, режисерот и остатокот од екипата сè уште не се официјално потврдени. Оригиналниот филм е режиран од австралискиот режисер П. Џ. Хоган.
фото: принтскрин