Забава
Една жена заболена од новиот грип се бори за живот
Четири исклучително тешки случаи со симптоми од новиот грип имало на Инфективната клиника во Скопје, тројца од нив се стабилизирани, додека една жена се уште се бори за живот и е приклучена на респиратор. Триесет и две годишниот пациент кој вчера попладне почина од
Четири исклучително тешки случаи со симптоми од новиот грип имало на Инфективната клиника во Скопје, тројца од нив се стабилизирани, додека една жена се уште се бори за живот и е приклучена на респиратор. Триесет и две годишниот пациент кој вчера попладне почина од новиот грип на Клиниката, бил примен со многу тешка клиничка слика, а надлежните направиле се што било можно за конкретниот случај, изјави министерот за здравство Бујар Османи, презентирајќи ги заклучоците од денешната седница на комисијата за пандемски грип. Директорот на инфективната клиника Звонко Миленковиќ појасни дека пациентот кој е од скопско, имал силна бронкопневмонија, засегање на срцевиот мускул, модрило по целата кожа, особено на лицето и екстремитетите, отежнато дишење и висока температура. Човекот инаку не спаѓал во ризичната група на пациенти. Сите потешки случаи се пациенти со ризична основа, односно хронично болни, и се на возраст од 40 до 55 години.На клиниката има и седум деца под три годишна возраст, кои се во стабилна состојба. Докторка која била во контакт со пациенти со симптоми или заразени од свински грип, е исто така носител на вирусот Х1Н1, соопшти директорот Звонко Миленковиќ. Докторката е изолирана во домашни услови. Процентот на пациенти кои се пријавуваат на клиниката постојано се зголемува, а надлежните информираат дека поради таквата ситуација активирани се дополнителен број на доктори, а министерот за здравство најави дека се работи на подготвување на инфективното одделение на воената болница. Согласно заклучоците на Комисијата за пандемски грип, матичните лекари ќе може да даваат боледување на сите пациенти со симптоми на грип, а Фондот за здравство дал согласност матичните лекари да препишуваат упати до инфективната клиника на сите пациенти со симптоми на грип. Министерот за здравство Бујар Османи и денеска не излезе со конкретен датум кога може да се очекува пристигнување на вакцината, но појасни дека е во постојан контакт со “Новартис“, кои се надлежни за достава на лекот. Што се однесува до тамифлу-то матичните лекари ќе можат да го препишат на пациентите со симптоми на грип, кои потоа лекот ќе треба да го купат. Пациентите со потешка клиничка слика, пак, кои ќе бидат препратени на инфективна клиника, ќе добиваат тамифлу бесплатно. Лицата кои ќе го купат лекот потоа нема да можат да ги повратат парите од Фондот за здравствено осигурување. На инфективната клиника во моментов се хоспитализирани 32 пациенти со свински грип. /крај/мс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.