Веста дека во сабота вечер, во Детроит, САД, беше поставена сатанистичка статуа на Бафомет, паганско божество, кое се поврзува со многу окултни групи, го обиколи светот, а американски Time, прашува до каде одат религиските слободи.

Половина час пред полноќ, во саботата, околу 700 луѓе се собраа во стар индустриски магацин во Детроит на нешто што беше најавено како `најголема сатанистичка церемонија во историјата`.Поголемиот број од насобраните себеси се сметаат за сатанисти, припадници на култ кој се дефинира како `религиска групација`. Другите дошле од радозналост.Поводот за собирот беше откривање на голема бронзена статуа на Бафомет, митсски створ со тело на човек, а глава на јарец, со козји копита, кој низ вековите стана тотем на современиот сатанизам.Статуата е импресивна, висока околу три метри, тешка еден тон. Рогатиот и крилатиот идол седи на трон, а од двете страни покрај него стојат момче и девојче кои го гледаат со радозналост.„Бафомет го симболизира спојувањето на непомирливите принципи, подготвеноста да се прифатат, па дури и да се слават разликите“, вели организаторката на настанот, Џекс Блекомор, која од безбедносни причини постојано се користи со псевдоним.Во некоја смисла, статуата е тест за оптовареноста на американскиот плурализам, и предизвикува да се отвори прашањето до која мерка одат религиските слободи.Блекмор управува со детроитското одделение на Сатанистичкиот храм, една од подобро поврзаните сатанистички групи, кои инаку се неповрзани, како организационо така и догматски.Сатанистичкиот храм има одделенија во Финска, Флорида, Италија и Минеаполис, а седиштето им е во Њујорк, но одделението во ЗДетроит е прво и најголемо.Блекмор, пораснала во Детроит, и по школувањето на Харвард каде слушала предавања за сатанизмот се вратила во родниот град да работи во Сатанистичкиот храм.Прашана дали нејзината група е религиска или антирелигиска, таа вели дека не се работи за црква туку за збир на истомисленици околу нешто што се нарекува сатанистички принципи.Според сајтот, сатанистичките принципи се однесуваат на следното: „Сатанистичкиот храм се држи до основните премиси дека страданието е лошо и се што го намалува страдањето е добро. Ние не веруваме во симболичко `зло`“.Поважно е дека групата не ја промовира вербата во Сатаната лично. Според нивната логика, Сатаната е апстракција, литерарна форма, а не божество. Тој е симбол на рационалноста, скептицисмот, слободата на говор, дури и на голема лична цена“.„Го одбравме Бафомет заради неговата современа поврзаност со фигурата на Сатаната и сметаме дека неговиот симболизам е прикладен, доколку се изложи до кој било споменик кој претставува друга вера“, вели Блекмор.Споменикот на кој мисли е два метри висока структура со вгравирани 10 божји заповеди во Оклахома, подигната на државно земјиште.Претставникот на Оклахома, Мајк Риц во 2012 година даде 10.000 долари од својот џеб за да биде подигната статуата пред зградата на собранието, што според многумина е наружување на одвоеноста на црквата од државата.Сатанистичкиот храм жестоко ја критикуаше одлуката, па велеа ако можат христијаните, зошто не можеме ние?Меѓутоа, државата не се сложи и ја одби петицијата на Сатанистичкиот храм за Бафомет да биде поставен до таа статуа на 10 заповеди. Од друга страна Врховниот суд на Оклахома одлучи дека споменикот на 10 заповеди е противуставен.Гувернерот на Арканзас планира да постави статуа на 10 заповеди на државно земјипте во Литл Рок, што дополнително би ги искомплицирло религиските работи во САД./крај/мф/бб

Извор: Local