Соња Бартон од Англија дознала дека нејзиниот сопруг, со кого има три деца, ја изневерува. За да му се одмазди, таа ја зела неговата омилена колекција плочи и од нив направила кујнски под.

Двојката живеела во истата куќа 13 години, а по разводот со неверниот сопруг, Соња одлучила дека на нејзиниот дом му треба преуредување.

Таа и порано сакала да стави плочи на подот во кујната, но на нејзиниот сопруг не му се допаднала идејата. По разводот, таа решила да го реновира домот и како идеја ја искористила колекцијата плочи на поранешниот сопруг.

„Сакав да ги ставам плочите на подот во кујната и пред тоа, но мојот сопруг не сакаше, а по разводот решив да го сторам тоа. Секогаш кога ќе влезам во кујната, ме забавува и ме тера да се смеам кога ќе ги видам неговите плочи на подот“, рече таа.

Својата преуредена кујна ја нарекува плод на љубовта. Таа работела само за време на викендите и ѝ била потребна една година за да го заврши проектот.

Американскиот стоматолог Сет Локхарт е обвинет за несовесен третман бидејќи му извадил заб на пациент додека се возел на ховерборд. Тој бил обвинет не само за загрозување на животот на друго лице туку и за измама на државата со парични средства.

Триесет и четиригодишниот стоматолог од Енкориџ, Алјаска, бил осуден за сите 46 точки од обвинението изнесено против него, пренесува „Унилад“.

Според главното обвинение, Лохарт му извадил заб на пациент под анестезија додека истовремено се возел на ховерборд. Тој го снимил целиот настан, а потоа и го објавил, што само по себе е престап.

Стоматологот ја испратил снимката од операцијата до своите пријатели шегувајќи се дека на видеото е прикажан нов метод во медицинската грижа. Кога му го извадил забот на пациентот, тој триумфално парадирал на ховербордот низ просторијата смешкајќи се во камерата.

За време на судењето неговиот адвокат се извини во име на клиентот посочувајќи дека ваквото однесување е неприфатливо.

„Кога се согласив да го застапувам, јасно го прекорив и убаво му кажав што мислам за неговите постапки“, изјавил адвокатот.

Покрај ова обвинение, на Локхарт му се судело, меѓу другото, и за проневера на средства обезбедени од државната здравствена организација во Алјаска во висина од 10.000 долари. Се покажало дека стоматологот непотребно барал поскап вид анестетик на штета на граѓаните што плаќаат данок.

Фотографија од една спална соба стана хит на „Твитер“ бидејќи, поради постелнината, на многумина им изгледала како сцена од убиство.

Сетот постелнина за кревет, со дизајн од рози на перниците и чаршафот, распоредени по целата постелнина, на корисниците на социјални мрежи им личела на траги од крв поради што фотографијата привлече големо внимание.

That awkward moment when you realise that your romantic new ‘white with rose bud’ bedding set makes your boudoir resemble a particularly gruesome crime scene… pic.twitter.com/JATDMpFBQT

— John Donoghue (@JohnDonoghue64) January 20, 2020

Кога сфатил за незгодниот момент, сопственикот на спалната соба ја споделил фотографијата на „Твитер“, каде што добил повеќе од 7,5 илјади лајка.

„Изгледа како сцена од ЦСИ. Розите на перниците особено се ужасни“, се дел од коменатрите.